Østrigimut sungiusariarnissaq
Pilersaarusiorneq naammassivoq… Oktobarimi sapaatit akunneri marluk sinnerlugit sivisussusilimmik Ramsau-imut Østrigimiittumut sungiusariartussaanga. Ukiamit nillataartumit sumiiffimmut kiannerusumut Europamiittumut sungiusariartornissara nuannerunarpoq. Taassuma kingorna ulluni qulingiluani Nuummiissaanga kingornatigullu Finlandimut aperlaamut novembarip tallimaaniit novembarip naanissaata tungaanut sungiusariarlunga avannamukassallunga.
Unammeqataasarnissakka pingaarutillit novembarip qiteqqunnerani aallartissapput. Taamaattumik taamanikkussamut ilungersorlunga sungiusartuartassaanga. Ippassarmit sanilliullugu sukkanerulernissara nukittunerulernissaralu siunnerfigilluinnarlugu anguniartarpara.
Qaammatini kingullerni Michael Binzer ikiortigalugu siunnersortigalugu sungiusaasorivara. Pitsaanerpaat ilaattut ujakkaarluni unammeqataasarsimasumik oqaloqateqarluni iluaqutaaqaaq, matumani ilaatigut angalanissama pilersaarusiornera pillugu oqaloqateqarnera toqqissisimanartikkakku. Nalaatsornerinnakkut pisoqannginnissaa anguniarlugu novembarip decembarillu tungaanut toqqissisimanissara unammeqataasarnissannullu piareersarluarsimasutut misigisimanissara pingaaruteqarpoq.
Weekendimi aggersussami umimmanniariarnissara naatsorsuutigaara, taamaattumik sungiusartarnikka saniatigut nukkassaatigisinnaasannik nammattariaqarnissara pissasoq neriuutigaara.
Inuulluaqqusillunga Martin
Asseq
