Royal Greenland Qeqertaq Fishimi piginneqataalerpoq
Royal Greenland periarfissamik atorluaalluni tunisassiorfimmi Qeqertaq Fishimi piginneqataassutsinik pisivoq maannalu piginneqataassutsit 58 procentit piginneqataassutigilerlugit.
Royal Greenlandip tunisassiorfimmi Qeqertaq Fishimi piginneqataassutsit 58 procentii pisiarai, taamalu nunaqarfimmi Qeqertami aalisartut aammalu qallunaat suliffeqarfiutaat Kangaamiut Seafood assigalugit tunisassiorfimmik piginneqataalerluni.
Piginneqataasup ataatsip piginneqataassutsini tuniniarusulermagit Royal Greenlandi periarfissamik atorluaalluni piginneqataassutsinik pisivoq. Qeqertaq Fish suliffeqarfittut nammineertutut ingerlaannassaaq, Royal Greenlandillu suliffeqarfiup ineriartorteqqinneqarnissaanut iluaqusiinissani ilimagaa.
Tunisassiorfik Qeqertaq Fish qaleralinnik tunitsiviullunilu qerisunik tunisassiortarpoq, kipparissukkaanik qerinasuartitsisarluni aammalu ilivitsunik qerititsisarluni. Tunisassiorfik ulapaarfiup nalaani 40-t missaannik sulisoqartarpoq ulapaarfillu qaangiukkaangat 12-nik sulisoqartarluni.
Nunaqarfik Qeqertat 130-t missaannik inoqarpoq.
Allattoq: Káte Hansen, kaha@royalgreenland.com
Asseq: Jakob Broberg
Asseq
