MSC-mit nutarterineq kalaallit raajaat pillugit
MSC-p nalunaarusiaa Kalaallit Nunaata kitaani raajarniarneq pillugu piffissap sivisunngitsup i-ngerlanerani tamanut saqqummiunneqarsinnaanngussaaq. Tassani soqutigisaqartut atuarnissaminnut, oqaaseqarnissamminnut aamma apeqquteqarnissaminnut periarfissaqassapput. Nalunaarusiaq MSC-p nittartagaatigut saqqummiunneqassaaq* uani ’fiskeri i Arctic ocean’, ilanngussinissamullu piffissaq ullunik 30-nik sivisussuseqassaaq.
Tamatuma kingorna periusissaq tassa oqaaseqaatit takkuttut, soorlu assersuutigalugu NGO-neersinnaapput imaluunniit allanit nunanit aalisarnermik ingerlatsisunit, taakku misis-suisartoqatigiinnit misissorneqassapput. Tamatuma saniatigut nalunaarusiaq arlaannaan-nulluunniit atassuteqanngitsunit siunnersuisartunit misissorneqassaaq, tamatumuuna qulakkeerniarlugu ingerlatsinerup eqqortup malinneqarsimanera. Nalunaarusiaq naammassineqartoq tamatuma kingorna MSC-p nittartagaanut ilanngunneqassaaq, akuersissuteqarsimanermullu akerliliinissamut periarfissaq ullunik 15-inik suliffiusunik sivisussuseqassaaq. Akerliliisoqanngippat pisortatigoortumik akuersissuteqarluni nalunaarusiaq suliarineqassaaq, kiisalu aalisarneq akuersissutigineqarsimassaaq.
Corporate Sustainability and Environmental Manager Lisbeth Due Schønemann-Paul oqarpoq: -
- Maannakkut pissangalluta utaqqivarput avatitsinninngaanniit iliuuseqartoqassanersoq, imaluunniit piffissaq tamanna eqqissisimasumik ingerlassanersoq. Pilersaarutini suut tamarmik iluatsippata akuersissut januaarip qiteqqunnerani 2013-imi iluarsineqareersimassasoq naatsorsuutigineqarpoq.
Allattoq: Ulla Skibsted
Asseq
