Misigisassarsiorneq puigunaatsoq
Meeqqat Nuummi meeqqat inuusuttullu illuannit Mælkebøttenimeersut Danmarkimi misigisassarsiorlutik aasaq angalapput. Angalaneq suliffeqarfiit assigiinngitsut tapiissuteqarnerisigut piviusunngorsinnaasimavoq, ilaatigut Royal Greenlandip tapiissuteqarneratigut.
Meeqqat ilaqutariinnit nukissakinnerusuneersut inersimasunik ilaqarlutik juunip 24-aniit juulip 8-ta tungaanut angalapput. Takusassat assigiinngitsut, soorlu Legoland, Tivoli Friheden, Aalborg Zoo aamma Fårup Sommerland misigisassarsiorfigineqarput meeqqanut puigunaattussamik. Angalanermi meeqqat amerlanersaannut Nuuk qimallugu angalaneranni siullersaavoq, taamaammat misigisassarpassuaqarlutillu puiukkiussarpassuaqarput.
- Kalaallit Nunaanni meeqqanut atugarissaannginnerusunut misigisassat taamaattut akuttusarput, taamaammat angalasinnaaneq meeqqanut periarfissatut qaqutigoortuuginnarani aamma ukiuni arlalinni kingumut qiviartarumaagaannik eqqaamasassinneqarput. Sammisassaqartitsinerit pissanganartut aamma misigisat nutaat eqqaamasaqarfigiumaarpaat aammali meeqqat akunnerminni inersimasunullumi ataqatigiinneq annertunerulerpoq, Mælkebøttenimi ningiuusoq Kirsten Østergaard qujaniuteqarluni allakkiamini oqaaseqarpoq nangillunilu:
- Angalaneq ulluinnarni ajornartorsiuteqarfiukkajuttumit qimagulluni allatut misigisassarsiorfiusimavoq aammalu misigisassarsiornikkut iliuuseqarfigineqarnikkullu ilaquttaminnit pissarsiarisinnaanngisaminnik periarfissinneqarput. Kissaatigisatut angalaneq meeqqanut misigisaqarluarfiusimavoq eqqaamajuagassaannik.
Kirsten Østergaardip qularutiginngilaa angalaneq meeqqat peroriartuutigiumaagaannik puiukkiussaajumaartoq aammalu atugarissaannginnerunermit atugarissaarnerulernissamut suliniuteqarnermi aqqutissiueqataajumaartoq.
Asseq
