2013

Utoqqaat nersorniarneqartut

Uummannami Royal Greenlandip 77-inik ukiulik Pavia Nielsen aamma 73-inik ukiulik Jonas Nielsen juullip qaammataani pajussimavaat, ukiorpassuarni inuiaqatigiinni sullissisimanerat nersorniarlugu.

Wilhelmshavenimi tunisassiorfimmik tunisineq naammassisoq

Royal Greenlandip Wilhelmshavenimi tunisassiorfiutiminik suliniutinillu tunisassiorfimmut attuumassutilinnik tunisinini naammassivaa.

Kissarsuutinik aalaliutinik nakkutilliisunngortoq

Marius Lennert 50-inik ukiulik Sisimiormiu kissarsuutinik aalaliutinik nakkutilliisutut naammassivoq december 2013-imi.

Suleqatit aalisartullu juullimut puussiannattut

Royal Greenlandip tunisassiorfiutimini tunitsivimminilu tamani sulisuminut, aamma aalisartunut suliffeqarfimmut tunisisartunut tamanut juullimut puussiannatsitsisivoq.

Tunisassiorfimmi pujoorivittaaq IFS-imik allagartartaartoq

Aalborgimi tunisassiorfimmi pujoorivik Hirtshalsimi suleqatitsinnut Dan Salmonimut nuunneqarpoq. Tamanna pivoq arfininngorneq 26. oktober.

Suleqatigiinnissamut isumaqatigiissusiortoqarpoq

Kommuneqarfik Sermersooq aamma Royal Greenland suleqatigiinnissamut isumaqatigiissusiorput.

Uummannami tunisassiorfik decembari 2013-imi iluarsartuunneqassaaq

Tunisassiorfik decembarimi iluarsartuunneqassaaq, juullimullu matunissaq ukioq manna siusinaassalluni. Ulloq kingullertut tunisiffiussaaq 12. decembari, ammaqqissaarlu 6. januaari 2014.

Oquuttat nerpii saaneqanngitsut raspimik qallikkat porrenik akuukkat

Tunisassiorfinni eqqiluisaarneq pingaarluinnarpoq

Royal Greenlandimi eqqiaanermi siunnersorti Eugen Pfanner ingerlaavartumik Royal Greenlandip tunisassiorfiinut eqqiluisaarneq pillugu pikkorissaajartoqattaarluni angalaarpoq. Tunisassiorfiit tunisassiorfittai allallu eqqiluitsuutinnissaat pingaarluinnarpoq, bakterianik ajornartorsiuteqaleqqunagit.

KNAPK aamma Royal Greenland A/S isumaqatigiissuteqartut

Saattussat ilaasa taasartagaat assagiarsuit pillugit KNAPK aamma Royal Greenland A/S akit pillugit aammalu tunisinermi periutsit pillugit isumaqatigiinniarerlutik nutaamik isumaqatigiissuteqarput. Akit nutaat atuutilerput ullumikkumiit ataasinngorneq 11. november 2013.

Finlandimi sungiusarneq

Nunatsinnut angerlalaariarlunga aallaqqissaanga. Sisorarluta unammisaqattaartalernissavut nallileruttorput. Unammineq siulleq sapaatip akunnera ataaseq qaangiuppat novembarip 15-iani Finlandimi Muoniomi pissaaq. Kalaallit ujakkaarlutik nunanut allanut unammiartortartut sungiusaqatigalugit unammiartorlugillu maani Finlandimeeqatigaakka.

Glyngøremi MAP-inik tunisassiorneq ingerlaannassaaq

Glyngøremi MAP-inik tunisassiornerup ingerlaannarnissaanut iluarsiissutissarsisoqarpoq.

GRØNLANDSKE GOURMETREJER-inik tunisassiorneq siulleq

Tunisassiorfimmi Langerakimiittumi sisamanngormat GRØNLANDSKE GOURMETREJER-inik - Raajanik Kalaallit Nunaata imartaaneersunik seernartulikkanik - siullerpaamik tunisassiortoqarpoq, atortutoqqat teknologiilu nutaaq atorlugit seernartulikkat pitsassuit tunisassiaapput.

Tærti kapisiliup nerpianik pujuukkamik, uanitsunik spinatsalatinillu akuugaq

Nunaqarfimmiut pikkorissartut

Kangaatsiami, Niaqornaarsummi aamma Ikerasaarsummi tunitsivinni suleqatit eqqiaaneq, uumasut ajoqutaasut aamma inuussutissalerinermi isumannaallisaaneq pillugit pikkorissarput Kangaatsiami 8.- 9. oktober 2013.

Niuernermi periarfissanik nutaanik pilersitsinissamut susassaqarfik nutaaq pilersinneqarpoq

Royal Greenlandip suliffeqarfiutini aaqqissuussaanerup tungaatigut allivaa susassaqarfik "New Business Development – Greenland" Nikoline Ziemerimillu Business Development Manageritut aqutsisunngortussamit aqunneqalersussaq novembarip aallaqqaataani 2013-imi pilersinneqarmat.

Saarulliit nerpii saaniiakkat tomatinik miseqqiamik immussuaq mozzarellamillu mamarsaaserlugit lasagnealiat

Royal Greenland innuttaasunik oqaloqatiginnissaaq

Royal Greenland arlaleriarluni innuttaasunik ataatsimiisitsiniarpoq, ataatsimiisitsinerillu siulliit nunaqarfimmi ataatsimi illoqarfinnilu marlunni ingerlanneqasssapput.

Tunumi makrelinik misileraalluni aalisarneq iluatsilluartoq

Aalisarneq septemberip qeqqata missaani 2013 unippoq, misileraallunilu aalisarneq ingerlalluarsimasutut nalilerneqarpoq.

Paamiuni inuusuttut: Royal Greenland ilinniarfissarpassuaqarpoq

Royal Greenland suliffeqarfiit arlallit peqatigalugit atuarfimmi atuartut annerit allallu inuusuttut ilinniarnissaminnik piareersartut suliffeqarfinnit piumasaqaatit paasisaqarfiginissaannik periarfissippaat.

Østrigimi sungiusarneq

Ukiumut sisorarlunga unammisaqattaarnissannut pisareersarlunga maanna Ramsau am Dachsteinimiippunga Østrigimi. Tamaani 2700 meterinik portussusilimmi sisorarsinnaavunga qoorumilu sisoraatit assakaasullit atorlugit sisorarlunga arpallungalu sungiusarsinnaavunga. Sungiusarfissaqqittupilussuuvoq, ullunilu 14-ini maanissaanga.

Sulisussanik amigaateqartarneq qaangerneqarluinnar-tariaqalerpoq

Tunisassiorfiit pingasut sulisussaqarnerulernissaannut taamalu ataavarnerusumik tunisassiulernissaannut periarfissat pingasuusut suleqatigiisitamit 2013-imi uper-naami pilersinneqartumit akilersinnaanerusumik ingerlatsinissamut missingersuusi-ornissamut tunngavigineqartussanngorput.

Tranhusip ammaqqinnera tapersorpaa

Tranhusip Strandgademiittup Nordatlantens Bryggep eqqaaniittup ammaqqinnissaanut Royal Greenland KNI aamma Polar Seafood peqatigalugit tapersersuivoq. Tranhuset ammassaaq 22. november 2013.

Saarullik niutsivimmi kissarsuutikkut uutaq qaqorteqqasulerlugu

Nunatsinni tunisassianit pisiassat amerlipput

Royal Greenlandip qaleralimmik tisaaq, raajat uiluiillu ataatsimut poorlugit nutaamik tuniniarpai. Nunatsinnit tunisassianit nunatsinni pisiniarfinni pisiassat taamaalillutik amerlipput.

Aasaanerani suliartortitsineq iluatsingaanngilaq

Aasaanerani suliartortitat 74-iusut affai sinnerlugit suliffimminnik paarsisinnaannginnerat pissutigalugu illoqarfinni pingasuni tunisassiorneq ataavartumik ingerlanneqarsinnaasimanngilaq.

Ingerlatsisut nutaat

Royal Greenland nutaanik arfineq pingasunik ingerlatsisortaarpoq, taakku ilinniagartik naammassigamikku 13. september 2013. Ilinniagaqarneq Niuernermik Ilinniarfimmi Pisortatut Ilisimatusarfik suleqatigalugu ingerlanneqarpoq.

CSR-ip politikkia atsiorneqarpoq

Royal Greenlandip qullersaqarfia CSR-ip politikkia atsioqqammeruttorpaa, taamaasillunilu CSR tunngavigalugu suliaminik ingerlatitseqqinnini tunngavilerpaa.

Nuummi silarluinnaavippoq!!

Taamaakkaluartoq sitsiaatsunik kiagummillu aalannguutsitsisartunik atilsaerlungalu alersilerlunga sisoraatit assakaasullit arpaatigalugit sungiusartarpunga.

Østrigimut sungiusariarnissaq

Pilersaarusiorneq naammassivoq… Oktobarimi sapaatit akunneri marluk sinnerlugit sivisussusilimmik Ramsau-imut Østrigimiittumut sungiusariartussaanga. Ukiamit nillataartumit sumiiffimmut kiannerusumut Europamiittumut sungiusariartornissara nuannerunarpoq. Taassuma kingorna ulluni qulingiluani Nuummiissaanga kingornatigullu Finlandimut aperlaamut novembarip tallimaaniit novembarip naanissaata tungaanut sungiusariarlunga avannamukassallunga.

Royal Greenlandip Wilhelmshavenimi tunisassiorfiutini suliniutillu tunisassiorfimmut attuumassutillit tunivai

Royal Greenlandip Wilhelmshavenimi Tysklandimiittumi aalisakkanik tunisassiorfiutiminik tuniniaanerminut atatillugu Singaporemi ingerlatseqatigiiffiit marluk - Sahara Investment Group Pte. Ltd aamma Meridian Investment Group Pte. Ltd – peqatigalugit isumaqatigiissusiorsimanini 6. juni 2013-imi nalunaarutigaa.

Iffiaq-qaqortoq grilligaq raajanik, tomatinik basilikuminillu qallersuusigaq

Sungiusariaaseq angusaqarluaataasoq aallullualerlugu

Martin Møllerip blogianit nutaarsiassaq kingulleq: Aasaq manna ullup ilaannaa sulisarpunga, tamannalu pissutigalugu ulloqeqqata tungaanut sungiusariarlunga nal. 12.00 suliartortarpunga, nal. 16. 00-inullu soraareeraangama nal. 16.30-imiit nal. 18.00-ip missaata tungaanut sungiusartarlunga.

Illoqarfimmiut siuttuujuarsimasoq pillugu kaffisoriartoqquneqarput

Qeqertarsuarmi innuttaasut illoqarfiup tunisassiorfiani ukiorpassuarni ingerlatsisuusup Knud Mølgaardip soraarninngortussap naggataartinneqarnissaani ullumi tallimanngornermi Hotel Arthurimi kaffillerfigineqarput.

Saarullinnik ukiumi panertitsineq

Saarullinnik nivinngaatitigassanik tisaneq Kangaamiuni Qeqertarsuatsiaanilu aallarteruttorpoq. Saarulliit Kangaamiuni ukiumi panertinneqassapput, panertitserinerlu 2013-imi oktobarip aallaqqaataani aallartissalluni.

Nuup eqqaani qalerallit

Nuup eqqaani qalerallit amerliartortut Royal Greenlandip maluginiarsimavaa. Aggustip qiteqqunnerata nalaani tunisassiorfimmut Nuummiittumut qaleralinnik tulaassuisoqangaatsiarsimavoq.

Saarullinnik tunisassiat nutaat Tuluit Nunaanni nioqqutigineqarneri ingerlalluarput

Tuluit Nunaanni niuertarfissuit annerpartaat Royal Greenlandip saarullinnik tunisassiai mamarsaasikkat nutaaliaasut marluk naammagisimaarluinnarpai, tunisassiamillu allamik aamma mamarsaasikkamik toqqaaqqammerluni.

Innaallagisserisutut tunisassiorfimmi naammassisoq

Arkalo Geisler innaallagisserisutut Qasigiannguit tunisassiorfianni augustip 1-ani 2013 naammassivoq.

Ilulissani Qasigiannguanilu angerlartitsisoqanngilaq

Royal Greenland Ilulissani aalisakkerisunik angerlartitsinani allanut suliassaqarfinnut nuutsitsivoq. Tamanna pivoq sinerissap qanittuani qaleralittassat nungullugit aalisarneqareerneranut atatillugu. Qasigiannguani angerlartitsisoqanngilartaaq.

Royal Greenlandip raajarniuteeraq tunivaa

Royal Greenlandip sinerissap qanittuani raajarniuteeraq 'Ittut' Ilulissani Isortaq Aps-imut tunivaa 12. august 2013.

Nataarnarujussuaq 220 centimeterinik takitigisoq

Umiatsiaararsorlutik aalisartut Kangaamiuneersut Kangerlussuup paavani nataarnarniartillutik tupaallapput. Tassami nataarnarujussuaq 220 centimeterinik takitigisoq, 101 kiilunillu oqimaatsigisoq pisarigamikku.

Angut umiatsiamit kivisumit qaqippaat

Royal Greenlandip sulisuisa angut umiatsiamit ippassaq kivisumit qaqippaat. Ernera kivinermi maqaasineqarpoq.

Sulisutoqaasimasoq umiatsiamut atsiunneqarpoq

Royal Greenland Uummannami Targamik umiatsiartaarpoq, ukiorpassuarnilu sulisutoqaasimasoq Piitaaraq atsiunneqarpoq.

Verdensnaturfondeni: Raajanik Kalaallit Nunaata imartaaneersunik pisisarit

WWW Verdensnaturfondenip innersuussutigaa, Danmarkimi najugallit raajanik akuutissalersugaanngitsunik imaluunniit raajanik Kalaallit Nunaata imaata nillertuaaneersunik MSC-imik meqqilersukkanik aamma niuertarfissuarni pisiarineqarsinnaasunik pisisassasut.

Ikamiuni Attumilu tunisassiorfiit 2012-imi matusat

Fødevarestyrelsen Attumi Ikamiunilu tunisassiorfiit tunisassiornissaannik 2012-imi inerteqqusiisimasoq.

Koszalinimi tunisassiorfik "Manager of the Year"-innattoq

Royal Greenlandip Koszalinimi Polenimi tunisassiorfia aviisimit "Manager of the Year" 2013-mik akissarsitinneqartoq.

Immikkoortortaq Corporate Business Development nutaaq atuutilerpoq

Iliuuseqarnissamut pilersaarutip nutaap ’The North Atlantic Champion’-ip sunniuteqarluartumik timitalerneqarnissaa qularnaarumallugu immikkoortortamik Corporate Business Developmentimik pilersitsisoqassasoq qullersaqarfik aalajangerpoq.

Aalborgimi misissuineq naammassineqarluarpoq

IFS-imit aamma MSC-imit misissuisartut Aalborgimi tunisassiorfik pulaarpaat.

Jens K. Lyberth Royal Greenlandimi pisortatut atorfinitsinneqarpoq

Royal Greenlandip kissaatigaa ingerlatseqatigiiffiup Kalaallit Nunaanni suliniutai suli sukumiinerusumik aallukkumallugit. Tassunga atatillugu Jens K. Lyberth Nuummi pisortatut nutaatut atulersitamik atorfinitsinneqarpoq.

Royal Greenlandip aalisagaviit tuniniartarpai

Hiistip neqaanik akulinnik tuniniaasarnermut atatillugu Marine Stewardship Council (MSC) aalisakkanik tunisassiat dna-vinik arlaannaannulluunniit attuumassuteqanngitsumik misissuivoq. Royal Greenlandip tunisassiaatai eqqortunik akoqarput sumiiffinnilu eqqortuni pisaasimallutik.

Kalaallit tunisassiaataat inuiattut ullorsiornermi

Københavnimi, Odensimi Århusimilu kalaallit illuini inuiattut ullorsiornermi Royal Greenlandip tunisassiaataanik pikkusuttunnguaqarpoq.

Navigatio aasaanerani saqqummerpoq

Navigatio saqqummertoq pdf-filitut nittartakkatsinnit aaneqarsinnaavoq.

Arnarlunniartarneq pillugu isumasioqatigiinneq

Arnarlunnit suanniarnertarnermik susassaqartut isumasioqatigiinnissaat pissaaq Nuummi sisamanngorneq 27. juni 2013.

Franskit pisiniartartui Ilulissani Qasigiannguanilu misissuiartorput

Qaleralinnik pisiniartartutta pingaarnerpaat ilaat Picard Frankrigimeersut iluatsilluartumik misissuiartorlutik tikeraaginnanngillat, saniatigulli angallannikkut ajornartorsiorneq misigivaat pinngortitamilu alianaaqisumik misigisaqarlutik.

Aappilattumi tunisassiorfik qimaannagaq

Royal Greenlandip tunisassiorfiit qulit Greenland Venture aqqutigalugu pisiarisimasani killilimmik ilisisamaqarfigai. Taakkunannga kujataani Aappilattumi tunisassiorfik assersuutissaqqissuuvoq. Tunisassiorfik 2004-mili uninngaannalersimavoq, tunisassiornissamut akuersissuteqarani nutartertariaqarlunilu.

Aqqalunnguaq Akademi merkonominngorpoq

Aqqalunnguaq Pedersen Akademi merkonominngorpoq immikkut aningaasaqarneq aamma isumalluutinik aqutsineq ilinniagarisimallugit. Ukiut marluk ilinniarnermini Royal Greenlandimit Nakkutilliinermut immikkoortortami isumaqatigiissummik atorfinitsitaaqqalluni ilinniartuusimavoq.

Maniitsumi tunisassiorfik maanna allagartalerpoq

Maniitsumi tunisassiorfik Royal Greenlandimit pisiarineqaqqammersoq maanna suliffissuarmut ilisarnaatilerneqarpoq.

Raajat 30 tonsit iginneqartut

Royal Greenlandip Nuummi raajat 30 tonsit igittariaqarsimavai, truckit batteriiat kilisaammi Nataarnami ikuallaleraluarmat raajallu puui ajoquserneqarmata.

Unamminartoqaraluartoq kusanartumik angusaqarneq

Niuernermi pissutsit ilungersunarnerulernerat, saarulliit tunisaanerisa akiisa apparnerannik, kapisillit tunisassiassat akiisa qaffariarnerannik Japanimiullu aningaasaasa yenip nalingata apparneranik kinguneqartoq Royal Greenlandip iluanaaruteqarniarneranut unamminartuusimavoq. Taamaakkaluartoq ingerlatseqatigiiffiup akileraannginnermini 84 millioner koruunit 2012/13-ip affaata siulliani anguai, siorna ukiup taamaalinerani 95 million koruuninik angusaqartoq.

KNAPK-mut tunissut

Royal Greenlandip pisortaanerata Mikael Thinghuusip KNAPK ukiuni 60-nngortorsiorneranut atatillugu ujaqqamik qiperukkamik 5.000 koruuninillu tunissuteqarfigivaa.

Kunngikkormiutut Ataqqinassusilik Prins Joachim Ilulissani tunisassiorfimmut pulaartoq

Kunngikkormiutut Ataqqinassusillip Prins Joachimip pingasunngornermi ualikkut Ilulissani Royal Greenlandip tunisassiorfia pulaarpaa. Kaffisoqatigiinnermi raajanillu qallersugartoqatigiinnermi Anders Sandgreen aamma Jensigne Schmidt tunisassiorfik pillugu oqaluttuarput. Kingorna Prins Joachim tunisassiorfimmi takornariartinneqarpoq, qanorlu raajanik tunisassiortoqarnersoq malinnaavigillatsiarlugu.

Paamiuni aasaanerani aalisakkerisut

Aasaanerani aalisakkeriartortut 24-t maanna tikissimalerput, Paamiullu tunisassiorfiani sulillutik. Marluk tulaassuinermi tigooraasuupput sinnerilu tunisassiorfimmi sulillutik.

Nipisat suaannik tulaassuineq 30 procentimik annertuseriarpoq

Royal Greenlandimut nipisat suaannik tulaassuineq ukiumut kingullermut sanilliullugu 30 procentimik annertuseriarpoq.

Qasapi salinneqarpoq

Allunaasakorpassuit, biilit motooriisa eqqarfikui, radiukut, siatsivikut aalisartullu qarlikui.

Aqutsisut 50-it ataatsimeersuarialersut

Aqutsisut 50-it tungaannut amerlassusillit Royal Greenlandip nunarsuaq tamakkerlugu immikkoortortaaneersut ulluni marlunni sapaatip akunnerata tulliani Nuummi ataatsimeersuassapput.

Wilhelmshavenimi tunisassiorfiup tunineqarnissaa

Royal Greenland Wilhelmshavenimi aalisakkanik tunisassiorfimmik tunisisinnaanermik isumaqatigiissuteqarallarpoq

Aasaanerani aalisakkerilersut

Aasaanerani illoqarfinnit allanit aalisakkeriartortut Royal Greenlandip kommunit sisamat suleqatigalugit suliartortitaasa sap.ak. 22-mi Uummannaq, Qasigiannguit Paamiullu tikerarfigaat.

Royal Greenlandip Danmarkimi isigineqarnini pitsanngoriartippaa

Ukiut tamaasa Danmarkip suliffeqarfissuinik 140-usunik Berlingske Businessip misissuineq 'Guld-Image analyse'-mik taaneqartartoq ingerlattarpaa. Qallunaat inuussutissarsiornikkut ingerlatsisuusut 4.130-t ingerlatseqatigiiffiit qulingiluanik assigiinngitsunik tunngaveqarlutik nalilertarpaat, ilaatigut tassaasunik aqutsineq, uppernassuseq, akisussaassuseqarneq, attaveqatigiinneq aammalu nutaaliorsinnaaneq. Royal Greenland naliliisarnerni qaffakkiartuaarusaarpoq.

Suleqatit suliniutinik aqutsisinnaanermik pikkorissartut

Pikkorissarnermi sap.ak. 20-mi ingerlanneqartumi Royal Greenlandip suliniutinut annertunerusunut tamanut aqutseriaaseq atulerniarlugu aalajangiisimanera qitiutinneqarpoq. Taamalu sulisorisat aqutseriaatsimik ilinniartinneqarnissaat kissaatigisimavaa.

Nutarterineq pissutigalugu raajalerineq unissaaq

Ilulissani tunisassiorfimmi nutarterinissaq pilersaarutaareersoq pissutigalugu raaja-nik tulaassuineq tunisassiornerlu juulip qaammataani unitsinneqarallassaaq.

Pisortaaqatigiit misilittagaqarluartunik ilapput

Tuniniaanermi nittarsaassinermilu pisortaq Bruno Olesen (56-inik ukiulik) aamma Tunisassiornermi pisortaq Lars Nielsen (49-nik ukiulik) 1. maj 2013-imi atuutilersumit Royal Greenlandip pisortaqatigiivinut ilanngummata nuannaarutigalugu nalunaarutigivarput.

European Seafood Exhibition 2013 ornigarluarneqarpoq

Bruxellesimi 21-ssaanik ESE saqqummersitsimmat Royal Greenlandip tuniniaavia pisisartunit nunarsuarmit tamaneersunit ornigarluarneqarpoq.

Nipisat suaannik tunisineq ingerlalluarpoq

Aprilimi sapaatip-akunneri marluk siulliit Royal Greenlandip tunisassiorfiutaanut nipisat suaannik tunisineq 2012-imut naleqqiullugu pingasoriaataavoq. Aprilillu naangajalernerani marloriaataalluni.

Royal Greenlandimi ingerlatsisut marluk nutaat

Royal Greenlandimi ingerlatsisut marluk nutaat ilinniarnerminnik naammassipput ullumi 25. april 2013.

Ikerasannit qalerallit assartorunnaarpaat

Uummannap sulluani sikup ajorsiartuinnarnera pissutigalugu Ikerasanniit qaleralinnit qamuteralannit assartuisoqarsinnaajunnaarpoq.

Illoqarfinni pingasuni nunaqarfinnilu aasaanerani sulisussarsiorneq

Royal Greenlandip aasaanerani ulapaarfiusussaq piareersimaffiginiarlugu illoqarfinni nunaqarfinnilu allani qaammatini arlalinni suliartorusussinnaasunik sulisussarsiorni-alerpoq.

Qassutinut saligut atuinikitsoq nassaara

Niels Sakariassen paasiniaasimavoq qassutinut saligummik pisiassamik peqarnersoq, sunaaffalumi peqartoq. Kisianni tupaallaatigisaminik taanna assut innaallagissamik imermillu annertuumik atuisoq paaseriaramiuk nammineq naassaassarsiorsimavoq.

Timersullammak unamminissanut aggersunut qilanaarpoq

22-nik ukiulik kalaaleq sisorartartoq timersullammak Karl-Peter Kristensen, Royal Greenlandimit aningaasatigut tapersersorneqartoq, 2012/13-imi unamminernut naammagisimaarinnippoq, ukiullu ilaani unammisarfiup tulliani VM-mimut qilanaarluni.

Royal Greenlandip nittartagaagut nunatsinni tunisassianik tuniniaavik

Maanna Kalaallit Nunaanni Brugsenit aamma Pisiffik taavalu namminersorlutik niuertarfiutillit toqqaannartumik nunatsinni tunisassianik Royal Greenlandip nittartagaatigut pisiniarsinnaalerput. Taamatuttaaq hotelit, kommunit suliffeqarfiutai, kantinat neriniartarfiit il.il. annertuukkaarlugit (catering) toqqaannartumik inniminniisinnaalerput.

Thor Jacobsen soraarninngorpoq

Controller Thor Jacobsen maanna 71-inik ukioqartoq Royal Greenlandimi suliunnarluni soraarninngorpoq. Royal Greenlandimi sulinini Uummannami allaffissornikkut ingerlatsisutut aallarnerpaa, suliffeqarfillu ukiut 25-ngajaat katillugit suliffigisimavaa. Ukiut arfinillit kingulliit tunisassiornermi naatsorsuuserinermilu nakkutilliisutut Nuummi qullissaqarfimmi sulivoq.

Qalerallit sikukkut assartorpaat

Aalisartut Saattunit Uummannamut qamuteralannik qamutinik kalillutik qaleralinnik qerisunik assartuipput.

Royal Greenland maanna Facebookimiilerpoq

Royal Greenlandip Nuummi qullersaqarfia maanna Facebookitaarpoq suliffeqarfiup nutaarsiassaanik siaruarterisussamik.

Nipisat suaannik tunisinermi akit isumaqatigiissutigineqarput

KNAPK aamma Royal Greenland A/S nipisat suaannik tunisinermi akimik appasinnerpaaffissamik kilomut 20,00 kr.-niusumik ullumi pingasunngornermi marsip 27-ani isumaqatigiissuteqarput.

Kalaaleq ilinniartoq Japanimi suliffimmik misiliisoq

Nick Bæk Heilmann ilinniagaqarnerminut atatillugu Royal Greenlandip Japanimi tuniniaanermut allaffeqarfiani suliffimmik misililluni japanimi Kangiatalu kujasissuata kangisinnerusortaani tuniniaanermi periutsinik ilinniagaqarniarpoq.

RG-p sulisuisa meerartaasa Nuummi meeqqat tusarnaariarnissamut qaaqquaat

Royal Greenlandip Nuummi sulisuisa meerartaasa meeraqatitik akeqanngitsumik Hinnarik aamma Frederik Elsnerimik tusarnaariarnissamut qaaqquaat. Tusarnaartitsineq pissaaq arfininngorneq 23. marts nal. 15-16 katersortarfimmi.

Ilulissani kranilerinermik pikkorissarneq

Royal Greenlandip EUC Nordvestsjælland suleqatigalugu sulisut qulingiluat kranilerinermik pikkorissartissimavai piffissami 16.-21. marts

Marsip 25-ani nipisat suaannik tunisisinnaanngortoqassaaq

Inuussutissarsiutigalugu aalisartut marsip naanerata missaaniit juunip naanerata imaluunniit juulip aallartilaarnerata tungaanut nipisat suaannik tunisisarput.

Misileraalluni Paamiuni siuterorniarneq

Canadamiut marluk 8. marts 2013-imi Paamiunut tikipput, maannalu Royal Greenland peqatigalugu siuterorniarlutik misileraapput.

Aluk Qeqertarsuatsiaanut saarullinnik tulaassuivoq

Sila pissutaalluni Kujataani aalisarnerup ilungersunarneranik takutitsinerata kingunerisaanik kilisaat aalisariut Aluk Qeqertarsuatsiaanut saarullinnik tulaassuivoq.

Royal Greenland Tysklandimi akissarsitinneqarpoq

Royal Greenlandip aalisagamininngorlugit tunisassiarisartagai aalisakkanik tunisassiortartut silarsuaanni "Oscar"-iannik – Seafood Starip aalisakkat/qaleruallit qerisut pillugit akissarsissutigisartagaanik – ukioq manna akissarsitinneqarput.

Qalerallit pillugit Uummannami isumasioqatigiinneq

Aalisartut Uummannameersut Uummannallu nunaqarfiineersut peqataasoralugit sapaatip akunnera kingulleq 20. februar 2013-imi qalerallit pillugit isumasioqatigiittoqarpoq.

Aalisakkanik issimit panertitanik tunisassiorneq

Royal Greenlandip aalisakkat issimit panertitat 8-10 tonsit missaanni annertussuseqartut Kalaallit Nunaanni nioqqutissanngorlugit tunisassiarisarpai. Nioqqutissat saarulliupput issimit panertitat aqilisakkat, qalerallit qeeqqallu qullukkat issimit anorimillu panertitsivinni ammanilinni panertitat.

Tapiissuteqartarnerup nutaap atuarneq ilinniartitaanerlu tapersersorpai

Royal Greenlandip tapiissuteqartarnermut maleruagassiani nutarterpaa, siunissamilu pingaarnertut meeqqat inuusuttullu atuartitaanerannik ilinniartitaanerannillu tapiissuteqartarnikkut Naalakkersuisut Nunap immikkoortuisa ineriartortinnissaannut pilersaarutaat tapersersorniarneqarpoq.

Meeqqat Sorlanneersut pulaartut

Meeqqat qulit atuareersut paaqqinnittarfiannit Sorlaat meeqqerisut ilagalugit Royal Greenlandip tunisassiorfianut qullersaqarfianullu Nuummi takornariarput.

GSS-ip assammik arsaattartui kilisaammik usingiaarusussimapput

GSS-ip assammik arsaattartui inuusuttut kilisaatip Nataarnap usingiarnerani ulluni arlalialunnguani unnukkut peqataapput, taamaasillutillu Islandiliarnissaminnut aningaasarsiulaarlutik.

Kilisaat qaleralinniut nutaaq

MANU kingoraartissarsineqarpoq, kilisaallu qaleralinniut ”nutaajusoq” naleqquttumik atserneqarpoq; TUUGAALIK.

MSC-mik ilisarnaatitaarneq nuannaarutigineqartoq

Kalaallit Nunaata kitaata imartaani raajartarineqartut MSC-mik ilisarnaatitaartinneqarnissaannik tusarniaaneq naammasseriitsiartorlu Royal Greenland raajanik ilisarnaasikkanik tunisassiorlunilu tuniniaasinnaalissaaq.

Peqataasut tamarmik iluaqutigisassaannik Royal Greenland aalisartullu isumaqatigiissusiorput

Allatut eqqarsarneq ilungersorlunilu sulineq Koszalinimi ukioq 2013 naallugu sukkasuumik tunisassiortoqalersinnaanissaanut akikinnerusunillu aalisakkanik amerlanerusunik pissarsiaqartoqartalernissaanut ilimasutsitsilersitsivoq, tamannalu ilutigalugu aalisartut aningaasaqarniarnerat pitsaanerulissaaq.

Nunarsuarmi aalisagaq pitsaanerpaaq Royal Greenlandimeersuuvoq

Pauli Olsen kilisaammi Sisimiut-ni naalagaq nunamiinnermi ilaani inuummarissartarfimmiitilluni pulaartut ilaata nunarsuarmi aalisakkamik pitsaanerpaamik misiliisimanini oqaluttuarigaa naammattoorpaa.

Qasigiannguani Unnuk Kulturisiorfik

Qasigiannguani Royal Greenland Unnuk Kulturisiorfimmut atatillugu Villads Villadsenip Efterskolianut ulloq ataaseq nuuppoq.

Kuupiup Royal Greenland angusaqarluarneranik qutsavigaa

Siulersuisuni ilaasortat qinigaaqqipput

Royal Greenlandip siulersuisui tamarmiusut siulersuisunilu siulittaasoq ullumi pingasunngornermi januaarip 23-ani Katuap inersuaaraani ataatsimeersuartoqarnerani qinigaaqqipput.

Ilulissani Sisimiunilu tunisassiorfiit misileraasut

Ilulissani Sisimiunilu raajanik tunisassiorfiit poortueriaatsinik nutaanik misileraapput, raajat kiilukkaat amerlanerusut containerikkut nassiunneqartarnissaat siunertaralugu.

Royal Greenlandimi sungiusarlutik ilinniartut amerliartorput

Nuna tamakkerlugu tunisassiorfinni sungiusarlutik ilinniartartut Royal Greenlandip amerliartortippai. 2011-mi tallimanik ilinniartoqartoq maanna 2013-ip aallartilaarnerani 13-iupput. Ukiut marluk-pingasut qaangiuppata 25-t missaannik ilinniartoqalernissaa siunertaavoq.

Royal Greenlandip Aalborgimi tunisassiorfiani kalaallinik sulisoqarpoq

Aalborgimi kalaalerpaaluit najugaqarput, Royal Greenlandilu kalaallit suliffeqarfiutigimmassuk pissusissamisuuginnarpoq tunisassiorfimmi kalaallinik sulisoqassappat.

Royal Greenlandip oqaluttuarisaanerani angusaq pitsaanerpaaq

Ingerlatseqatigiiffiup Royal Greenlandip oqaluttuarisaanerani aatsaat taama pitsaatigisumik angusaqartoqarpoq, matumani akileraarutit ilanngaatigereerlugit 136 millioner DKK-t isertinneqarmata kaaviiaartitallu 5 procentimik qaffallutik.

Ataatsimeersuarnissamut ataatsimiigiaqqusissut

Ataani atuarneqarsinnaavoq Royal Greenlandip ataatsimeersuartitsinissaanut pisortatigoortumik qaaqqusissut pingasunngornermi januaarip 23-ani nal. 10.00 Katuap Inersuaaraani pisussaq.

Royal Greenland alliliinissamut piareerpoq

Royal Greenland init Nuummi qullersaqarfimmiittut pisiareqqammisani maanna tiguai kantiinalimmillu aamma saaffiginnittarfilimmik alliliinissamut piareersarluni.

Royal Greenland nutaaliorluni suleqatigiinnermi aallarterlaajusumi peqataavoq

Tunisassioriaatsit nutaat qallunaat naasorissaariaatsiminni inuussutissalereriaatsiminnillu unammillersinnaajuarsinnaanissaannut iluaqutaassapput. Royal Greenland suleqatillu qulingiluat peqatigalugit ukiuni pingasuni tulliuttuni nutaaliorluni suleqatigiinnermi "Neqinik, qalerualinnik immussuarnillu tunisassianik pitsaasumik kissaaneq nillorsaanerlu"-mik taaneqartumi qalerualinnik, neqinik immussuarnillu nipimik tusarsaanngitsumik (ultralyd) kallerup-inneranillu atuilluni uutsinerit kingornatigullu nillorsaanerit pitsaanerulersissinnaaneraat nassuiaatissarsissavaat.

Korea kujallermi inuussutissarsiornerup tungaatigut pilerisaarisoqarmat Royal Greenland peqataavoq

Kalaallit Nunaat Korea kujalliillu akornanni qanimut suleqatigiittoqarnissaa anguniarlugu Naalakkersuisuni siulittaasoq Kuupik Kleist siulersortigalu december 2012-imi Kalaallit Nunaat ussassaarivoq. Matumani takornariaqarnermut, aatsitassaqarnermut ikummatissaqarnermullu, imeqarnermut, nerisassanut mutinullu tunngasut sammineqarput.