Nuup eqqaani qalerallit
Nuup eqqaani qalerallit amerliartortut Royal Greenlandip maluginiarsimavaa. Aggustip qiteqqunnerata nalaani tunisassiorfimmut Nuummiittumut qaleralinnik tulaassuisoqangaatsiarsimavoq.
Tamatumunnga pissutaasut marluusut Tunisassiorfinnik ingerlatsinermi ingerlatsisoq Sten Sørensen isumaqarpoq.
- Nuup Kangerlua qaleraleqartartoq naluneqanngilaq, amerlarpaseqaallu. Taamatuttaaq saarulliit akiisa appasinnerat pissutigalugu tulaassuisartut aalisakkanik pissuseqatigiiaanik allanik aalisartalersimanerat qularinngilluinnarpara. Aalisartut Nuummeersut qaleralinnik tulaassuisuupput. Qalerallit tulaanneqartut Royal Greenlandip nunatsinni tunisassiassanik tunisassiorfianut apuunneqartarput avammullu tunineqartarlutik.
Allattoq: bula@royalgreenland.com
Asseq
