Royal Greenlandip nittartagaagut nunatsinni tunisassianik tuniniaavik
Maanna Kalaallit Nunaanni Brugsenit aamma Pisiffik taavalu namminersorlutik niuertarfiutillit toqqaannartumik nunatsinni tunisassianik Royal Greenlandip nittartagaatigut pisiniarsinnaalerput. Taamatuttaaq hotelit, kommunit suliffeqarfiutai, kantinat neriniartarfiit il.il. annertuukkaarlugit (catering) toqqaannartumik inniminniisinnaalerput.
Tunisassianik inniminniinermi immersugassaq aaneqarsinnaavoq, immersoriarlugulu toqqaannarlugu mailikkut imaluunniit aniseriarlugu faxikkut tuniniavimmut nassiunneqarsinnaavoq.
Nunatsinni tunisassiat tassaapput aalisakkat qaleruallillu Kalaallit Nunaanni aalisarneqarlutillu tunisassiarineqartartut. Tunisassiaativut pisariitsumik nerisassiarineqarsinnaallutillu inuussutissanik, vitamininik mineralinillu akoqarluartuupput.
Tunianiakkagut tassaapput aalisakkanik nutaggarinnik siatassat, uulliat aamma saaneqanngitsunngorlugit amiikkat. Aalisakkat ilivitsut, aalisakkat panertitat, aalisakkat pujuukkat, raajat, saattuat kiisalu sushit pisiassaatigaagut.
Allattoq: Bula Larsen
Asseq
