Royal Greenland alliliinissamut piareerpoq
Royal Greenland init Nuummi qullersaqarfimmiittut pisiareqqammisani maanna tiguai kantiinalimmillu aamma saaffiginnittarfilimmik alliliinissamut piareersarluni.
Royal Greenlandip init 363 kvadratmeteringajaasut Kommuneqarfik Sermersuumit pisiani 1. januar 2013-imit tiguai. Init pineqartut imaarneqareerput alliliinissamullu suliarinnittussarsiornissamut alloriaqqittoqarsinnaanngorpoq kingornalu illup iluata sinnerani sanaqqiisoqarsinnaanngussalluni.
Alliliinermi kantiina pisariaqartinneqarluartoq, saaffiginnittarfik iseruminartoq elevatorilu siullertut sananeqassapput. Inuit 75-it missaanni amerlassuseqartut kantiinami nerisinnaasassapput, matumani inip ilaa ataatsimittarfittut, eqimattakkuutaarluni suliaqarfissatut il.il. aamma atorneqarsinnaangorlugu matunik illersittakkanik assersorneqassalluni.
Qullersaqarfimmi inissakilliorneq peqqutaalluni ukioq kingulliinnarmi qullersaqarfimmi aqqaneq-marlunnik atorfinitsitsisoqarmat inissaqarnerup tungaatigut unammillernartoqarsimavoq, matumani ataatsimiittarfik ataaseq allanngortinneqartariaqarsimallunilu inissamillu atuilluarumalluni immikkoortortanik paarlaatiterisoqartariaqarsimavoq.
Init atortariaannaat ullumikkut saaffiginnittarfittut nerisarfittullu - quleriinni tamani – atorneqartut siunissami allaffinnik silaannarissunik initunerusunillu alliliinissamut atorneqarumaarput.
Allattoq: Káte Hansen, kaha@royalgreenland.com
Titartagaq: Qarsoq Tegnestue ApS.
Asseq
