Arnarlunniartarneq pillugu isumasioqatigiinneq
Arnarlunnit suanniarnertarnermik susassaqartut isumasioqatigiinnissaat pissaaq Nuummi sisamanngorneq 27. juni 2013.
Isumasioqatigiinneq SUSTAINABLE FISHERIES GREENLAND (SFG)-ip suanniartarneq pillugu nakkutilliisuutitaasa aaqqissuutaraat, tassani ilaasortaapput Royal Greenland, Polar Seafood, Sulisitsisut aamma KNAPK.
Qulequtaq pingaarneq tassaassaaq: Suaat MSC-meqqilerneqarnerat angusinnaavarput? Ilaatigullu saqqummiiffigineqassapput: Ukiut kingulliit qulit nipisanniartarneq suaanillu nioqqutissiortarneq, meqqiliissagaanni MSC-piumasarisartagai aammalu Chain of Custody pillugit ilisimatitsineq, biologinit ilisimasat pillugit ilisimatitsineq aammalu Aalisarnermik aqutsinermi Inatsisit malittarisassallu.
Nipisa aammalu aalisarneqartarnera pillugit ilisimasat amigaatilerujussuupput maannalumi amigarluinnarput meqqilertinnissaq anguniassagaanni. Pingaaruteqartorujussuuvoq sapinngisamik annertunerpaanik atuisut ilisimasaannik katersinissaq.Taamaattumik isumasioqatigiinnermi peqataasut immersuiffissamik agguaassiffigineqarumaarput.
Peqataasussat aalisarnermik susassaqartuusut: Aalisartut, Aalisarsinnaanermut Akuersissutinik Nakkutilliisoqarfik (KANUAANA), Pinngortitaleriffik, Aalisarnermut, Piniarnermut, Nunalerinermullu Naalakkersuisoqarfik, Ineqarnermut, Pinngortitamut Avatangiisinullu Naalakkersuisoqarfik, tunitsiviit, Vonin – Qalorsualiorfik aammalu SFG-imi ilaasortat Polar Seafood, Royal Greenland, Sulisitsisut aamma KNAPK.
Allattoq: Bula Larsen
Asseq
