Nipisat suaannik tulaassuineq 30 procentimik annertuseriarpoq

Sapaatip akunnerata tulliani naggataamik nipisannik tulaassuisoqassasoq ilimagineqarpoq.

- Nipisat suaannik tulaassuiffigilluarneqarsimanerput naammagisimaartorujussuuarput, matumanilu saarulliit akii appasinnerugallartillugit aalisartut isertitaqarfigisinnaagamikkit qujamasuutigigunaqaat. Tunitsivikumit AGF-imit akiliisinnaajunnaarnikumit Maniitsup eqqaaninngaanniit tulaassuisoqartarsimanera tulaassorneqartut annertuseriarsimanerannut pissutaarpiarpoq. Kalaallit Nunaanni nipisat suaannik tunisassiortartunit tamanit tunisassiarineqartut tamakkiisumik annertussusaat siornatulli annertussuseqassasut ilimagaarput.

- Piareersarluartarpugut, taamaattorli nipisanniarnissap ingerlanissaa qanoq isikkoqartassanersoq tamatigut nalunartuaannarpoq. Pilersaarusiornerup tungaatigut ukioq manna iluatsittumik ingerlarpasippugut, piffissallu ilaani silarluttaraluartoq nipisanniarneq ingerlalluarpoq, Royal Greenlandimi Ingerlatsinermi ingerlatsisoq Sten Sørensen oqarpoq.

Allattoq: bula@royalgreenland.com

Asseq: jder@royalgreenland.com

Asseq