Kunngikkormiutut Ataqqinassusilik Prins Joachim Ilulissani tunisassiorfimmut pulaartoq
Kunngikkormiutut Ataqqinassusillip Prins Joachimip pingasunngornermi ualikkut Ilulissani Royal Greenlandip tunisassiorfia pulaarpaa. Kaffisoqatigiinnermi raajanillu qallersugartoqatigiinnermi Anders Sandgreen aamma Jensigne Schmidt tunisassiorfik pillugu oqaluttuarput. Kingorna Prins Joachim tunisassiorfimmi takornariartinneqarpoq, qanorlu raajanik tunisassiortoqarnersoq malinnaavigillatsiarlugu.
- Prins Joachimip kaptajnløjtnant Thomas Bruun de Neergaard allallu marluk peqatigalugit tunisassiorfik pulaarpaa. Pulaarneq aallarnerneqarpoq kaffisoqatigiinnermik raajanillu qallersugartoqatigiinnermik, tunisassiornermi aqutsisoq Anders Sandgreen aamma tunisinermi ingerlatsisoq Jensigne Schmidt peqatigalugit. Tassani tunisassiorfik tunisassiagullu pillugit oqaluttuunneqarput.
- Kingorna Prins Joachim tunisassiorfimmi takornariartipparput, tunisassiorfittaanilu raajanik Pandalus borealisinik tunisassiornitta ingerlanera malinnaaffigaa uunneraniit poortorneranut. Nuannerluinnartumik pulaarpaatigut, tunisassiornermi aqutsisoq Anders Sandgreen oqaluttuarpoq.
Prins Joachim Nunani Avannarlerni Illersornissami sakkutuut naalagaasa Ilulissani ataatsimiinneranni peqataavoq ulluni 11.-13. juni 2013.
Allattoq: Bula Larsen,bula@royalgreenland.com
Asseq
