Tapiineq sivitsorneqartoq
Royal Greenland A/S-ip Ivalo & Minik Aningaasaateqarfianut aningaasanik tapiisarnini ukiunut 2015-2017-nut sivitsorpaa. Isumaqatigiissutip atsiornerani prinsesse Josephine, kalaallisut ateqartoq Ivalo, aamma prins Vincent, kalaallisut ateqartoq Minik, Ilimmarfimmi 8. august 2014 najuupput. Angajoqqaavi Kunngissaq Frederik nulialu Mary aamma ilassinninnermi peqataapput.
Malik Hegelund Olsen, Royal Greenland sinnerlugu isumaqatigiissutip sivitsorneranik, Ivalo & Minik Aningaasaateqarfiani ingerlatsisoq Kim Hansen atsioqatigaa. Aammattaaq aningaasaleeqataasartut allat pingasut aningaasaateqarfimmut tapiisarnertik atsioqataallutik sivitsorpaat.
Isumaqatigiissutip ilaatigut siunertaaraa Royal Greenland A/S-ip aamma Ivalo & Minik Aningaasaateqarfiup tamarmik immikkut aamma ataatsimoorlutik suleqatigiillutik Kalaalllit Nunaanni ilinniarnermi angusarisartakkat aammalu ilinniarnermi qaffasissutsit siuarsaavigissagaat.
Kunngikkormiut qitornaasa angajoqqaatik Kunngissakkut aamma qatanngutitik prins Christian aamma prinsesse Isabella Nuummeeqatigaat Kalaallit Nunaanni aasaanerani 2014-imi angalanerminnut atatillugu.
Royal Greenlandip saniatigut aningaasaleeqataasartut pingasut tassaapput: NunaFonden, Royal Arctic Line A/S aamma Grønlandsbankip Suliffimmik Aallartitsinermut Aningaasaateqarfia.
Ivalo & Minik Aningaasaateqarfia pillugu atuarit uani.
Allattut: Erninnguaq Reimer aamma Bula Larsen
Asseq
