Karl-Peter VM-imut annguppoq
Karl-Peter Kristensen inuusuttuuvoq ujakkaartartoq Royal Greenlandimillu tapiissuteqarfigineqarsimasoq. Tapiiffigineqarnermi kingorna sungiusarnini VM-imullu anngunnini pillugit ima allappoq:
- Ukioq unammiffiusoq aallartimmat Finlandimi sungiusaqatigiippugut unamminernillu naggaserlugu. Angusakka naammagisimaarpallaanngikkaluarlugit U-23 VM-imut peqataasussanngorlunga annguppunga. Taassuma kingorna ajoraluartumik qaammatingajak napparsimavunga, decemberillu aallartinnerani aatsaat sungiusarneq aallarteqqillugu.
- Aasianni juullisiorama qujanartumik silagissiuinnavippugut aputeqaqalunilu. Taamaalillunga sungiusarluarpunga, massakkullu piareersarnerit kingulliit ingerlappakka Italiamut aallanngilaattaa.
- U-23 VM Italiami Val di fiemmemi ingerlanneqassaaq. Tassani sprint 1,4 km skate, 15 km klassisk kiisalu 15 km +15 km duathlon unammissutigineqassallutik. Pissangavunga qilanaarlungalu, neriuppunga angorusutara 120 fispoint ataatissallugu.
Asseq
