Angallatinik aquttussat pikkorissartut
Royal Greenlandip Kangaatsiami, Maniitsumi, Ilulissani Nuummilu tunisassiorfiisa angallataataanni aquttussat maanna ´immami angallannermi aqussinnaaneq´ aamma radiomik atuisinnaanermut ´ROC-certifikat´ Nuummi pikkorissarfigaat.
Kangaatsiaq aamma Maniitsoq nutaanik Nordstar 26- rinik april 2014-imi angallatitaassaaq. Tassunga atatillugu sumiffinnit pineqartunit angallatinik aquttussat aqunnissamut piukkunnassutsimut aamma radiomik atuisinnaanermut, Ilulissanit Nuummiillu peqataasut peqatigalugit, katillutik inuit arfineq-marluullutik pikkorissarput.
Esmar Bergstrøm angallatinik aquttussat Imarsiornermik Ilinniarfimmi Nuumiittumi pikkorissarpai, taakkulu maanna tallimanngorneq 14. marts teoriimi misilitsipput, marlunngorpat 18. marts 2014 angallammik namminneq aqullutik misilitsissallutik.
Royal Greenland Nuummi angallatigaa Nordstar 26, Ilulissat Targa 30 Uummannallu targa 32.
Allattoq: bula@royalgreenland.com
Asseq
