Nuummi tunisassiorfik pujoorivittaarpoq
Nuummi tunisassiorfik pujoorivittaaqqammerpoq, pujooriviullu atuutilernissaanut akuersissutissat utaqqiinnarneqarput.
- Pujoorivik uumasut nakorsaannit akuerineqareerpat pujuukkanik tunisassiorneq aallartinneqassaaq. Pujooriviup akuerineqarnissaanut tunngatillugu uumasut nakkorsaannut assinik nassiussinikuuvugut, taakkulu malillugit pujooriviup akuerineqarnissaa utaqqivarput, Theo Didriksen tunisassiorfimmi ingerlatsisoq oqarpoq.
Pujoorivittaami kapisillit, eqaluit qaleraliillu pujoorneqartalissapput. Ilimagineqarpoq tunisassianik allanik pujoorisarlernissaq piffissami kingusinnerusumi aallartinneqarumaartoq.
- Nioqqutissat pujoorlugit ineriikkat ullormut 50-60 kg-t missaanniittut suliarisarnissaat naatsorsuutigaarput, tunisassiassanillu peqartilluta pujoorisarneq ingerlanneqaannassaaq, Theo Didriksen oqarpoq.
Allattoq:erre@royalgreenland.com
Asseq
