Svenstrupimi suliffimmik misiliineq ilinniarfiulluartoq
-Royal Greeenlandip tuniniaanermi nittarsaassinermilu immikkoortortaqarfiani Svenstrupimiinninni isumassarsiarpassuaqarpunga pissarseqalungalu, taamaattumik aamma ilinniarnera naammassigukku Royal Greenlandimi nunatsinni tunisassianik tuniniaanermi immikoortortaqafiani sulilerusullunga qinnuteqarnissara siunertaraara, Kaassannguaq Zeeb suliffimmi misiliillluni Svensktrupimeereerluni Nuummut uteqammersoq oqarpoq.
28-inik ukiulik Kaassannguaq Zeeb Nuummi Niuernermi Ilinniarfimmi qaffasissumik ilinniagaqartoq nunatsinni tunisassianik tuniniaavimmi Nuummiittumi suliffimmik misiliinerminut atatillugu sapaatit akunneri pingasut Svenstrupimiinnermini Royal Greenlandip tunisassiaanik nunarsuarmi tuniniaaneq nittarsaassisarnerlu pillugit ilikkagaqarsimaqaaq.
- SvenstrupimiiImmikkoortortani assigiinngitsuni misiliininni nunatsinni tunisassiat tuniniaanermik suliaqartut aqqutigalugit nunarsuaq tamakkerlugu assartorneqartarneri aammalu tuniniarneqartarneri pillugit ilikkagaqarpunga.
- Immikkut Royal Greenlandip Europami, Kangiani Skandinaviamilu tunisassiorfiini tuniniaanermi ingerlatseriatsit ilikkagaqarfigaakka paasisaqarfigalugillu, tamannalu pissanganarluinnartuuvoq.
Kaassannguaq Zeeb nunatsinni tunisassianik tuniniaavimmi Nuummiittumi suliffimmik misiliilluni ulluinnarni sulisarpoq.
- Nunarsuaq tamakkerlugu tuniniaasarneq nittarsaassinerlu pillugit ilikkakka ulluinnarni sulininni nunatsinnni tuniaanermik suliaqarninni atorsinnaalluarpakka. Nunatsinni danmarkimilu tuniniaaneq, nittarsaassineq aammalu suleqateqarneq eqqarsaatigalugu pitsanngorsaataasinnaasunik isumassarsivunga .
Kaassannguaq Zeebip ilinniarnerminut atatillugu 2015-mi upernaakkut naggataarutaasumik soraarummeerutissaminik suliaqarnissaminut atatillugu Svenstrupimi ilikkakkani atorlugit soraarummeerusiorniartoq isumaqarpoq Royal Greenland ilinniarfitsialaasoq.
- Tuniniaanermi nittarsaassinermilu allaffissornikkut suliassatigut Royal Greenland angusaqarluarluni atorfeqarsinnaanermut periarfissaqarluarpoq, taamaattumik neriuutigaara ilinniagara naammassigukku Royal Greenlandimi atorfinissinnaajumaarlunga.
Tekst: ineg@royalgreenland.com
Asseq
