Maniitsormiut qalerallerinermut ilikkarput
Maniitsup tunisassiorfiani sulisut arfinillit qalerallerinermik pikkorissariartortinneqarlutik, septembarip 23-ani Qasigiannguanut aallartinneqarsimasut qalerallerinermut ilikkarsimallutik maanna utersimalereerput. Qasigiannguarmiullu Maniitsumut ikiuukkiartorlutik aamma tikissapput.
Qalerallerinissamut pikkorissariartortinneqartut oktobarip qulingani Maniitsumut uterput. Pikkorissariatortinneqartut aallaqqaataaniit nassuiaalluarneqarsimapput. Tunisassiorfiup iluani qaleralinnik passussinissaannut ilinniartinneqarput, ilitsersuisullu pikkorissut paasisaqarfigilluarsimallugit.
- Saarullinnik tunisassiortartutut qalerallit tunisassiarinissaat artornartutut mersernartutullu takorloorsimavarput. Qasigiannguanut pikkorissariareernitta kinguneraa immitsinnut tatiginerulernerput, tunisassiornerup naqqaniit ingerlannissaa saperunnaarlutigu misigigatta. Qasigiannguani ilitsersuisut misilittagaat ilikkarfigeqaagut. Qalerallerinermik pikkorissarneqarnerput tamatsinnut ajunngilaq aamma iluarisimaarparput qujarullugulu, Karl Olsen Maniitsup tunisassiorfiani sulisunut siulersuisoq oqarpoq.
Maniitsup tunisassiorfiani qaleralinnik suliaqartalernissap aallartinnginnerani qaleraleralinnik suliaqartussat qalerallerinissaminnut ilisimasaqareerniassammata Qasigiannguanut aallartinneqarput.
-Qasigiannguaniit inuit marluk aallartinnissatsinnut ilitsersuisussat sapaatip akunnerata tulliani tikissapput, taakkualu aallartinnissatsinnut arlaatigut annertuumik iluaqutiginiartussaavagut. Oqaatigisinnaavara qalerallerinerup aallartinneqarnissaanut maanna piareerluta, Pele Nathansen Maniitsup tunisassiorfiani ingerlatsisoq oqarpoq.
Allattoq: erre@royalgreenland.com
Asseq
