Decembari

Avataani juullimi nerilluassapput

Kikkut tamarmik ilaquttat ilagalugit juullisiorneq ajorput, nunatsinnimi "maskiinap " ingerlaavarnissaa inuit ilaasa isumagisussaammassuk. Juullikkunni sulisussat ilagaat Royal Greenlandip kilisaataataani aalisartut inuttallu

Ammoniakimik aniasoorneq eqqaanermik kinguneqarpoq

Qeqertarsuarmi Royal Greenlandip tunisassiorfiani ammoniakimik aniasoorneq nioqqutissianik naammasseriikkanik tonsit qulit sinnerlugit igitsisariaqarnermik kinguneqarpoq. Aniasoorneq sisamanngormat ualikkut pisoq unnukkut nakkutigineqalerpoq. Maannamulli nioqqutissanik naammaseriikkanik qanoq annertutigisunik igitsisoqaqqittariaqarumaarneroq suli ilisimaneqanngilaq

Aalisartunut juullimut tunissutit 1405-it

Pisarneq malillugu Royal Greenland sinerissami aalisartunut tunitsivinnut tunisisartunut juullilernerani tunissuteqarput. Ukioq manna puussiat juullisunnitsunik imallit 1405-iusut avannaani Qaanaami kujataani Aappilattoq tikillugu aalisartut puussiannapput

Nioqqutissiaq mamartoq Nuummi pisiassaalerpoq

Ullumi pingasunngorneq decemberip ulluisa 16-iat aallarnerfigalugu Nuummi pisiniarfinni raajat ooqanngitsut pisiarineqarsinnaalerput. Nioqqutissiat Royal Greenlandip kilisaataataanni avataani poortorneqartut japan-raajanik taaneqartartut Nuummi tunisaalluassappata sineriammi aamma tuniniagaalissapput

Qamuteralannik qimussinillu sikumi aalisarneq

Ukioq manna nunatsinni isserujussuarnera pissutigalugu sineriammi sikujaarpoq. Maannalu nunatsinni aalisartorpassuit Royal Greenlandip tunitsiviinut aalisakkanik tunisisartuusut sikumi aalisartalilerput. Sikumi aalisarneq pisariitsuinnaaneq ajortoq avannaani Ukkusissani aalisartut ilaata 50-inik ukiullip Jokum Davidsenip misigisarpaa. Taanna inuusuttuullunili aalisalerpoq, ullumikkullu aalisarneq inuussutissarsiutigaa aalisartuunerlu sungiusimalluarlugu

Qamuteralannik assartuineq ukioq manna ingerlaqqissaaq

Ilulissat kangiani qimusserlutik sikumi aalisartut pisatik qamuteralannik nunakkut Ilulissani Royal Greenlandip tunisassiorfianut assartuisitsisinnaanermut akuersissummik tunineqarput. Pisanik qamuteralannik nunakkut tunisassiorfimmut assartuineq aalisartut qaleralinnik annertunerusunik tunisisinnaanerannik periarfissiivoq taamatuttaaq Ilulissani Royal Greenlandip tunisassiorfiani ataavartumik suliassaqartitsisinnaaneq periarfissaalerpoq

Ilinniarninni Royal Greenlandimi ilisimasaqarnerulerit

Royal Greenlandimi suliffimmik misiliinissannut ilinniarnivillu naammassiniarnerani periarfissarpassuaqarputit, kingornalu ilinniarnivit naammaassereernerani Royal Greenlandimi atorfinissinnaanissamut periarfissaqarlutit

Tartelitsit raajalerlugit asapargesilerlugillu

Saarullinnik panertuliorneq aallarteqqinneqassaaq

Maniitsumi Royal Greenlandip tunisassiorfiani saarullinnik maskiinamik panertitanik tunisassiorneq aallarteqqilerpoq. Maniitsup tunisassiorfiani saarullinnik maskiinamik panertitanik tunisassiornissaq Nuummi Royal Greenlandip tunisassiorfia suleqatigalugu ingerlanneqassaaq

Ukkusissani imissaaleqineq kinguneqassaaq

Ukkusissani imissaaleqineq pissutigalugu Royal Greenlandip tunisassiorfiani qalerallit ilivitsuutillugit qerinasuartittalerpaat. Imissaaleqineq tunisassiorfimmi sulisunik suliunnaarsitsigallarnermik aamma kinguneqassaaq

MSC marloriaammik bonusisiassaqalersitsivoq

Kalaallit Nunaata kitaata sineriaani nipisanniarnerup MSC-itut ilisarnaaqquserneqartalernera aalisartut KNAPK-mi – Kalaallit Nunaanni Aalisartut Piniartullu Katuffianni – ilaasortat marloriaammik bonusisiassaqalersinneqarnerannik kinguneqarpoq

Royal Greenland Canadami Quin-Sea Fisheriesimut aningaasaliivoq

Aningaasaliineq Atlantikup Avannaani nunat killeqarfii apeqqutaatinnagit suleqatigiinnerunissamut patajaannerusumillu inissisimalernissamut alloriarnertut pingaarutilittut isigineqarpoq.

Saarulliit niaquerneqanngitsut tunineqartalerput

Qeqertarsuatsiaani aalisartut saarullinnik niaquerneqanngitsunik tunisisalerput, Royal Greenlandilli tunitsiviani niaquiaammik niaquiarneqartalerlutik. Taamaaliornikkut niaquiaat misilittarneqarpoq aalisartullu ukiuunerani saarullinnik niaquerneqanngitsunik tunisisinnaalerput

Tunisinerusoqarsinnaaneranut periarfissagissaarpoq

Aalisagarpassuit, imeqarniarneq pitsaasoq, innaallagissiorfik nutaaq aammalu aalisartunut avataaneersunut illu unnuiffigineqarsinnaasoq, tassa tamakkuupput kujataani nunaqarfimmi Aapilattumi Royal Greenlandip tunisassiorfianut tunisisoqarlualernissaanut neriulersitsisut