Aalisartunut juullimut tunissutit 1405-it
Pisarneq malillugu Royal Greenland sinerissami aalisartunut tunitsivinnut tunisisartunut juullilernerani tunissuteqarput. Ukioq manna puussiat juullisunnitsunik imallit 1405-iusut avannaani Qaanaami kujataani Aappilattoq tikillugu aalisartut puussiannapput
Avannaani Ikerasaarsummi aalisartut 20-t missaaniittut ilaata Steffen Filippusenip juullilernerani tunissutisiassani nunaqarfiup tunitsivianut aallernerani assilisaq nuannerluinnarpoq. Puussiap juullerpaluttunik imallip ilaatigut imarai qeerlutooq, puulukimineq, mamakujuttut, kaffit akuutissallu assigiinngitsut.
Tunisassiorfiit ilaanni aalisartut katerisimaartinneqarput kaffilernertalimmik, tunitsivinnilu amerlasuuni aalisartut namminneq juullilernerani tunissutisiassatik aassavaat. Illoqarfiilli ilaanni aalisartut angerlarsimaffiinut juulliarannginnerani pajugutigineqassapput.
Allattoq: Nathan Kreutzmann, nakr@royalgreenland.com
Assiliisoq: Dorthe Inûsugtok
Asseq
