Uummannami Unnuk Kulturisorfik ingerlalluarpoq
Uummanami tunisassiorfimmi Unnuk Kulturisiorfik ukiut siuliinut naleqqiullugu ingerlalluarneruvoq.
- Ukiunut siullernut naleqqiutissagaanni ukioq manna iluatsilluarpoq. Ukiuni siullerni inuit 100-t missaanniittut pulaartarsimapput, maannakkut 229-t isersimasutut atsiorsimapput, kisianni ilimanarpoq 300-t missaanniissimanissaat inuit ilaai atsiorniarlutik utaqqikataleraangamik aniinnartaramik, Kirsten Jensen Uummannami tunisassiorfimmi ingerlatsisoq oqarpoq.
Tunisassiorfiup qanoq ingerlanneqartarnera Unnummi kulturisiorfimmi assut soqutigineqarpoq, tunisassiassallu pisarineqarneriniit qanoq suliarineqartarnerisa oqaluttuassartaat soqutigineqarluni.
- Malunnarpoq amerlasuut tunisassiornermut tunngasunik paasisaqarusunnerat soqutiginninnerallu annertusoq, Kirsten Jensen Uummannami oqarpoq.
Uummannami tunisassiorfimmi assigiinngitsunik sassaalliuteqartoqarpoq, soorlu qalerallit suluppaakkallu igaanngorlugit.
Allattoq: Erninnguaq Reimer, erre@royalgreenland.com
Asseq
