Naqqiut
Tunisassiorfik Royal Greenland A/S-imit aamma Qaanaami piniartut aalisartullu piginneqatigiillutik ingerlatseqatigiiffianit Inughuit Seafood A/S-imit pigineqartoq mattannik pisisinnaannginnerarlugu KNR-ip nittartagaani nutaarsiassani allaaserineqartumut naqqiut
KNR-ip nittartagaatigut saqqummiunneqarpoq Qaanaami Inughuit Seafood A/S-ip tunisassiorfia Qaanaami piniartunit ukioq manna mattassisisinnaanngitsoq, tamannali eqqunngilaq.
Qaleralinnik tunisisoqartillugu mattannik tunisineq ingerlanneqarsinnaanngilaq, taamaattumik umiarsuup siulliup Qaanaamut juulip aallartilaarnerani tikereerneratigut qerititsivimmi uningasuutigineqartut ilanngarneqareersimalermata pilersaarutigineqartutuut Qaanaami Inughuit Seafood A/S-ip tunisassiorfiata mattannik ukioq manna pisiortornera ullumi juulip ullluisa 28-ianni aallartippoq.
Inughuit Seafood A/S-ip tunisassiorfiata mattaat katillugit 10 tonsit 653 kiilullu siorna 2014-imi juulimiit oktoberi ilanngullugu pisiarai.
Qaanaami mattannik pisiortorneq ukioq manna aamma ingerlanneqassaaq, Qaanami sikumi qaleralinniarnerup aallartinnissaata tungaanut.
Ilisimatitsissutitut taasinnaavarput Qaanami qalerallit 110 tonsit 2013-14-imi pisiarineqarmata qalerallillu 130 tonsit 2014-15-imi pisiarineqarlutik.
Taamaattumik Royal Greenlandimiit erseqqissaassutigissavarput Qaanaami Inughuit Seafood A/S-ip tunisassiorfianut mattannik tunisinerup ingerlaannarnissaaa sulissutigigatsigu, tamannalu atortorissaarutit pigisat aallaavigalugit pivoq.
Asseq
