Nutaaq * cod
Nutaaq*cod tassaavoq Royal Greenlandimit tunisassiaq nutaaq. Tunisassiaq nutaaq Royal Greenlandip Maniitsumi saarullinnik uumatitsivinniititaanik tunisassiaavoq, ukiorlu manna nittarsaanneqassaaq.
Tunisassiap nutaap pitsaassusaa qaffasilluinnarmat naleqqulluinnartumik Nutaaq*-mik atserneqarpoq, tunisassiornerullu aamma niuerfiit tungaatigut sunniuteqassasoq qularnanngilluinnarpoq.
Nutaaq*cod-ip pitsaassusaa saarulliit allat pitsaassusaannut sanilliullugu qaffasinnerummat pitsaassusilerinermi piumasaqaatinut sunniuteqarpoq, pissutigalu:
Nutaajulluinnarmat: Nunatta imartaani pisaammat – pisaritsiarneqaannartoq suliareqqaarneqartarmat
Nerpia qaqornerummat: Nunatsinni kangerluit minguitsunik avatangiiseqarnerat issittarnerallu pissutigalugit nerpia qaqornerullunilu orsoqannginnerummat
Mamarnerummat: Tunisassiassaq pilertortumik peqqissaartumillu suliarineqartarnera pissutigalugu mamassusivia attanneqartarmat
Nutaaq* cod-inut poortuutissat nunatsinnut tikileruttorput, tunisassiallu nutaap ilisarnaaqutigaa naqissut aappaluttoq tunisassiap suuneranik nassuiaatitalik, taannalu tunisassiap nutaap karsiani, allagartaani puuanilu takuneqarsinnaavoq.
Asseq
