2016

Atorfissaqartitsisut pajuttorneqarput

Qasigiannguani Royal Greenlandimi sulisut, sulisuusimasut aammalu aalisartut tunisisartut tamarmik ukiut siuliinisut juullimi puunnattaassanik tunineqarput. Qasigiannguanili tunisassiorfimmi juullimi puunnattaassat agguaassassat sinneqarmata juullimi puunnattaat 20-it illoqarfimmi ilaqutariinnut pissakinnerusunut tunniunneqarput

Ukiuni 40 –ini atorfilik nalliuttorsiutigineqarpoq

Kilisaammi Nataarnami nioqqutissiornermi pisortaq, Bergur Tausen, Royal Greenland A/S-imi Ice Trawl A/S-imilu atofilittut ukioq manna ukiunik 40-inngortorsiorpoq

Sulisutsialaat nersorniarneqarput

- Tatiginninneq uannut tunniunneqartoq sulerussusermik kajumilersitsivoq, taama oqarpoq 52-inik ukiulik Kaspaaraq Nathanielsen, Ilulissani Royal Greenlandip tunisassiorfiani suleqatitsialattut toqqarneqarnini pillugu

Nungusaataanngisumik aningaasaqarnermi, inuiaqatigiiussutsimi avatangiisilerinermilu

Juullimi puunnattaat nuannaartitsipput

- Nuannersumik tupaallaqaanga. Taama naatsorsuuteqanngikkaluarpunga, taama oqarpoq Nuummi aalisartoq Bent Jørgen Brøndlund juullimi puunnattaassaminik Qinngorpumi angerlarsimaffimmini Nuummi Royal Greenlandimi tunissiorfiani sulisunit ullumi pajunneqarami

Kapisilik pujuugaq purløginik mamarsaasikkamik hytteostilerlugu, agurkilerlugu immiugassartalimmillu iffiaq-qaqortulerlugu

Uummannami nappaanersiorneq

Ippassaq pingasunngorneq novemberip ulluisa 30-ianni Uummannami Royal Greenlandip tunisassiorfiani nutarterillunilu allilierinermut atatillugu tunisassiorfimmi sulisut sanaartornermilu suliaqartut nappaanersiorput

Suleqatit 13-it aqutsisutut ilinniagaq naammassivaat

Sineriammi Royal Greenlandip tunitsiviini tunisassiorfiinilu ingerlatsisut aqutsisullu 13-it Pisortatut Ilisimatusarfimmi aqutsisutut ilinniakkaminnik naammassinnipput. Ilinniagaqartut qaammatini pingasuni modulikkaartunik pingasunik ingerlatsereerlutik novemberip 24-iani allagartartaarput

Royal Greenlandip tunisassiai soraarummeerutigaat

- Ilaqutariippassuit Kalaallit Nunaatalu aningaasaqarneranut sunniuteqarmat Royal Greenlandip tunisassiaatai saqummiutissallugit toqqarparput, taama oqarpoq 39-inik ukiulik Anine Larsen

Paamiuni tunisassiaq nutaaq

Royal Greenlandip Paamiuni aalisakkanik tunisassiorfiani saarullinnik annikitsumik tarajortikkanik upernaaq misileraalluni tunisassiortoqarpoq. Misileraalluni tunisassiat pisisartunit misilinneqarput, naammagisimaarluarpaallu. Taamatuttaaq saarulliit annikitsumik tarajortikkat Europap kujasissuani piumaneqarluartarmata Paamiuni tunisassiorfimmi aalajangersimasumik tunisassiarineqartalissapput

Navigatio ukioq manna kingulleq saqqummerpoq

Royal Greenlandip naqitaliaa Navigatio suliffeqarfiup ingerlatai ingerlatilerumaagaalu pillugit allaasaserisaqarfiusoq saqqummerpoq.

Aalisarneq periarfissalik nutaaq

- Ningittagarsuutip nutaap Masiliup Qaanaap eqqaani misileraalluni aalisarnerani paasinarsivoq Qaanaap avataani qaleralinnik imminnguanillu aningaasarsiutigalugu aalisarneq periarfissaasoq, taama oqarpoq Ice Trawl A/S –ip siulersuisuini siulittaasoq aamma Royal Greenlandimi siunnersortaaneq, Ove Rosing Olsen.

Eqaarsaaqatigiittarneq nuannarineqaqaaq

Kangaatsiami Royal Greenlandip tunisassiorfiani sulisut ullut tamaasa nalunaaqutaq qulinut tasisaarut atorlugu eqaarsaaqatigiinnissamut aggersarneqartarput

Ooqattaariartorlutit ornigutigit eqquillutillu

Royal Greenlandip tunisassiaanik nerisassianik illinnartunik Nuuk Centerip paarlersuani arfininngorpat nalunaaqutaq 11:00-imiit nalunaaqutaq 14:00-ip tungaanut ooqattaagassaqartitsisoqarneranut ornigutigit

Tunisassiorfimmi nutarterineq allilerinerlu iluaqutassaaq

Sulisut sulinerminni atugarisaat pitsaanerusut, aalisartut annertunerusunik tunisisinnaanerat kiisalu tunisassiat marloriaammik annertusineqarsineqartut, tassa tamakkuupput Uummannami Royal Greenlandipi tunisassiorfiani ingerlatsisup Kirsten Jensenip Uummannami Royal Greenlandip tunisassiorfia aasaq juni naasorli nutarterluni allilerneqartup 2017-imi marsimi naammassippat angorusutai

Kangiamiut suppaliarisartagaat raajalerlugu

Imaani angalasut KNR- radio toqqaannartumik tusarnaarsinnaalerpaat

Kilisaatini inuttat allallu imaanilu angalasut maanna internetikkut KNR radio toqqaannartumik tusarnaarsinnaalerpaat, una internettikkut attavik aqqutigalugu:

Royal Greenland Danmarkimi nerisassanik maanngaannartitsinermik pinaveersaartitsinermi peqataavoq

Royal Greenlandip kattuffik Fødevarebanken peqatigalugu isumaqatigiissut oktobarimi atsiorpaa, taamaasillunilu suliffeqarfiit angisuut soorlu Arla, Dansk Supermarked aamma Unilever nerisassanik maanngaannartitsinermik pinaveersaartitsinermut peqataasunut ilannguppoq, ilutigalugulu innuttaasut inooqataanermi ajornartorsiutillit ulluinnarni nerisassanik pissarseriaannaanngitsut nerisaqarsinnaanissaannut ikiuunnermut peqataalerpoq.

Pikkorissartoqarnissaani matoqqanissaq

Royal Greenlandip Nuummi qullersaqarfia pikkorissartoqarnissaa pissutigalugu novembarip aappaani matoqqassaaq.

Raajanik sikulersukkanik tunisisinnaanermik tunisassiornermillu unitsitsigallarneq

Royal Greenlandip Sisimiuni tunisassiorfia raajanik sikulersukkanik tunisisinnaanermik tunisassiornermillu novembarip 15-ianiit unitsitsigallassaaq. Raajanik sikulersukkanik tunisisinnaanermik unitsitsigallarneq decembarip 18-iata tungaanut atuutissaaq

Periarfissamik atorluaavoq

Ikerasaarsummiu aalisartoq 51-inik ukiulik Anthon Petersen Sisimiuni septembarip 23-aniit 25-at ilanngullugu aalisarneq pillugu saqqummersitsinermut, Polar Fish 2016-imut ulloq ataaseq peqataajartorluni aaliasariuteeqqaminik Nuummit 19-iusumik nunaqarfimminiit tassa Ikerasaarsummiit Sisimiunut nalunaaquttap-akunneri pingsasut atorlugit ingerlaarpoq

Pisasseeqqittoqarnera pingaaruteqarpoq

Sinerissap qanittuani aalisarnermut saarullittassiissutit 8.000 tonsinik ilaqqinneqarnerat Royal Greenlandip tunisassiorfiutaani sulisut 300-nit amerlanerusut aalisartorpassuillu oktobarimi novembarimilu suliinnarsinnaanerannik aalisaannarsinnaanerannillu kinguneqassaaq

Nunanit allaneersut upernarpat suliartussapput

Suliffeqarfiup nunami tunisassiorfiutai sulisussaaleqisarnerat Royal Greenlandimit iliuuseqarfigineqalerpoq. Sulisussaaleqisarneq nunanit allaneersunik sulisussarsinikkut qaangerneqassaaq. Pilersaarutit malillugit sulilertussat 30-t Kinameersut nunatsinnut 2017-imi upernaakkut tikissapput

Nerisassiaq stjerneskud nipisat sualerlugu rasimillu qallikkamik oquutalerlugu

New Yorkimi ukiineq immikkut misigisassaqarfiusoq

- New Yorkimut tikikkama ingerlaannaq angerlasimasutut misigivunga. Illoqarfissuarmi eqqumiitsuliortut nunani assiginngitsunersut akornanni angerlarsimasutut misigivunga, aamma assit eqqumiitsuliaralugit suliarisakka suminngaaneersuuuneralu New Yorkimi eqqumiitsuliortut akornanni soqutigineqarluarmata New Yorkimiinninni eqqumiitsuliortortut ineriartorninni atorluarsinnaasannik attaveqarfissarpassuaqalerpunga, taama oqarpoq assilisanik eqqumiitsuliornermik suliaqartoq, ukioq ataaseq New Yorkimi assilisanik eqqumiitsuliornermi ilinniarfimmi International Center of Photography ilinniagaqareerluni Sisimiunut uteqammersoq Inuuteq Storch

Pikkorissartoqarnissaani matoqqanissaq

Royal Greenlandip Nuummi qullersaqarfia pikkorissartoqarnissaa pissutigalugu novembarip aappaani matoqqassaaq.

Royal Greenlandimi sulisut ilinniartut atassuteqarfigaat

Royal Greenlandimi sulisut suliffeqarfiit ilinniarfeqarfiillu Danmarkimi ungasinngitsukkut ussassaarineranni Danmarkimi mistalitut ilinniartut arfinillit, umiarsuarmi maskiinalerisutut ilinniartoq ataaseq, fiskeriteknologitut ilinniartut marluk laborantitullu ilinniartoq ataaseq atassuteqarfigaat

Igitsiinnarnani niuerneq

Aalborg Østimi Royal Greenland Seafod A/S-ip tunisassiorfiani raajanik tunisassiornermi igitassat iginneqaratik atoqqitassanngorlugit katersorneqartartut tunisassiorfiup ingerlatsisua Peter Korsbæk aviisimut Nordjyskemut paasissutissiivoq

Sinerissap qanittuani raajartat fennikelsalaatilerlugit appelsiinallu isseranik akusamik mamarsaasialerlugit

Inneq, pujoq saarullillu

Sisimiut Timersortarfiani aalisarneq pillugu saqqummersitsinermi Polar Fish 2016 –imi pulaartut saqqummersitseqaataasullu Royal Greenlandip tunisassiaatai immikkuullaarissumik mamartuliaralugit sassaalliutigineqartut ussernissaanut periarfissinneqarput Aalborgip uumasuusivissuani Aalborg Zoomi igasuunerup Lars Jeppesenip Sisimiuni inuusuttut peqatigalugit raajat, saattuat aammalu saarulliit nerpii nunani allamiut naatitaannik akuutissaataannillu akuukkat sassaalliutigimmatigit

Pujuukkanik tunisassiat marluk nutaat

Nutaanik tunisassiaqalerpugut, tassaasut aalisakkat pujuukkat 7 mm-isut issussuseqartillugit kilitat mamarluinnartut. Tunisassiat assiiginngitsut marluupput – kapisillit pujuukkat aamma saarulliit Kalaallit Nunaata imartaanersut pujuukkat, pulaartutillu arsunniarukkit imaluunniit pisarnermit mamarnerusunik ullup-qeqqasiuteqarusukkuit nerisassiannut akuutigissallugit naleqqulluinnarput.

Aalisakkanik iganermut ilitsersuusiorlutit unammeqataagit

Naalakkersuisoq pulaarpoq

-Tunisassiorfimmi tunisassiortarnerup ingerlarnga pillugu oqaluttuarineqartut naammagisimaaqaakka. Taamatuttaaq tunisassiorfimmi aqutsisut aalisartut ulapaarfiusuni ajornartorsiutaasa tunisisarnermut tunngasut siunissami iliuuseqarfigineqarnissaat pillugu anguniagaat naammagisimaaqaakka, aalisarnermut, piniarnermut nunalerinermullu naalakkersuisoq Nikolaj Jeremiassen aalisarneq pillugu saqqummersitsineq Polar Fish 2016-imi peqataanerminut atatillugu Royal Greenlandip Sisimiuni tunisassiorfianut pulaarnermini taamatut oqarpoq. Tunisassiorfimmi tallimanngormat pulaarnermini inimut tunisassiorfiusumut takornariartinneqannginnermini raajanik, saarullinnik nipisaallu suaannik tunisassianik saqqummiivigineqarpoq.

Aqagunnissaanut ulloq

Aalisarneq pillugu saqqummersitsineq Polar Fish 2016 - Kalaallit Nunaanni kisiartaalluni ingerlanneqartartoq aamma Sisimiut Timersortarfiani aqagu tallimanngornermi septembarip 23-ani ammarneqartussaq - aallartillualeruttorpoq. Kalaallit Nunaanni suliffeqarfiit assigiinngitsut 54-it aalisarneq pillugu saqqummersitsineq Polar Fish 2016-imi - aqagu tallimanngorneq nal. 10:00 ammarneqartussami kiisalu sapaat septembarip 25-iani nal. 17:00-ip tungaanut ingerlanneqartussami - saqqummersitsisuussapput

Royal Greenland sivikitsumik avaleeraasartoorniarpoq

Tunup imartaani avaleraasartoorniarneq unippoq. Ukioq manna avaleraasartoorniarnermi Royal Greenland A/S-ip kilisaataatai katillugit arfinillit aalisaqataapput, taakkunanit pingasut attartugaapput. Ukioq manna ammassussuarniarnissap ukiuni siuliini ammassassuarniarnerit aallartinneranniit siusinnerusukkut aallartinneqassasoq aalajangerneqarneqarmat piffissaq avaleraasartoorniarfiusoq sivikippoq.

Kangaatsiami aalaakkaasumik tunisassiorput

Ukioq manna saarullinnik tunisassiornerup aallartiaarnera Kangaatsiamilu imissaaleqisoqannginnera pissutigalugit Kangaatsiami Royal Greenlandip tunisassiorfiani aalakkaasumik tunisassiorput. Naak tunisassiorfimmi ilaatigut sulisussaaleqineq ajornartorsiutaasaraluartoq tunisassiorfik maanna siornarniit tunisassiorneruvoq

Masilik Qaanaami misileraalluni aalisarpoq

Aalisariut ningittagarsuut nutaaq Masilik Tunup imartaani saarullinnik tinguttuunillu aasaq aalisareerluni Qaanaap eqqaani qaleralinnik maannakkut aalisaleruttorpoq

Tisagit, grillerigit ussiillutillu

Royal Greenlandip Nunatsinni tunisassianik tuniniaavia Nuummi pisussami" Mamartut Festival- Meeqqat Nerisassallu" meeqqanik sammisassaqartitsilluni peqataassaaq. Aaqqissuussineq ukioq manna meqqqanut sammitinneqassaaq

Spaniami AFS-ereerluni:

- Imminut ilisarisimanerulerpunga

MSC pillugu paasititsiniaaneq

MSC meqqi tungujortoq anginngitsoq MSC-ip ilisarnaaqqutaa aamma nungusaataanngitsumik aalisarneq ukkataralugit nuna tamakkerlugu sapaatip-akunnera 36-mi paasititsiniaassaaq. Paasititsiniaanermi nerisassiornermut ilitsersuutit soqutiginartut pineqarsinnaapput, unammisitsinermi peqataasoqarsinnaavoq taamatuttaaq aalisakkat qaleruallillu MSC-itut akuersissutigineqartut pillugit paasissutissarpassuit pineqarsinnaapput. Paasititsiniaaneq Royal Greenlandimit tapersersorneqarlunilu peqataaffigineqarpoq.

Aarhusimi nerisassanik nittarsaassineq

Aarhus Tangkrogenimi septembarip aappaaniit sisamaat ilanngullugu nerisassanik nittarsaasseqqilerpoq. Royal Greenland Kalaallit Illuutaat peqatigalugu ukioq manna peqataaqqissaaq.

Qaleralik pujuugaq broccolilerlugu sikatanillu pistaciekernilerlugu

Pisisartoq Kinameersoq tikeraartoq

Royal Greenlandip pisisartuisa ilaat Alimex Seafood A/S Royal Greenlandip tunisassiorfiinut arlalinnut juulip aallaqqaataata missaani tikeraarpoq. Alimeq Seafood A/S-imi pisortaanerup Kun Songip Royal Greenlandip Sisimiuni, Sarfannguani, Maniitsumi Nuummilu saarullinnik ilivitsunik qerinasuartitanik tunisassioriaasianik malinnaanissani kissaatigisimavaa. Royal Greenlandip tunisassiai tunisassiaatalu pitsaassusai Kun Songimit naammagisimaarneqarlutillu ajasoorutigineqarput

Paamiuni tunisassiorfik sulisussaaleqisoq

Royal Greenlandip Paamiuni tunisassiorfiata saarulliit nerpiinik ukioq manna tunisassiornera siorna tunisassiornermut sanilliullugu affaannarmik ingerlanneqarpoq. Tunisassiorfimmi sulisussaaleqineq tunisassiornikinnerunermut pissutaavoq

Royal Greenland CPH Food Districtimi

Copenhagen Cooking & Food Festival - nerisassanik nittarsaassineq - aggustip naanerani aallartissaaq, taamaasillunilu Københavnimi ulluni qulini ulapputtunnguaqassaaq. Nittarsaassinermi aaqqissuussaq nutaaq CPH Food District - nerisassanik nittarsaassineq Den Brune Kødbymi aggustip 19-ianiit 21-ata tungaanut ingerlanneqartussaq peqataaffigisinnaavat. Tassani Royal Greenland soorunami peqataassaaq.

Aalisakkat qaleruallillu qaratsamut peqqinnarluinnartut

- Mamartunik peqqinnartunillu taqualiornermut isumassarsiat

Aatsaat taama tunisaqartigaaq

Royal Greenlandimi Nunatsinni tunisassianik tuniniaavik nunatsinni tunisassianik tunisatigut juuli 2016-imi aatsaat taama amerlatigisunik kaaviiaartitaqarpoq. Kaaviiaartitat juuli 2016-imi 3 millioner koruuningajaasut juuli 2015-imi kaaviiaartitanit 1 millioner koruuninit ikinnerunngitsunik amerlanerupput

Qasigiannguaniinnera paasisaqarfigilluarpara

Oqarpoq 24-nik ukiulik Sylvester Fodegaard Jønsson, tassaasoq Nordjobb aqqutigalugu Royal Greenlandip Qasigiannguani qaleralinnik tunisassiorfiutaanut juunimili suliartortut tallimaasut ilaat

Kinamiut nakkutilliisut Sisimiuni nakkutilliipput

Kinami pisortat sinnerlugit nakkutilliisut Sisimiuni Royal Greenlandip tunisassiorfiani nakkutilliartortut juulip ulluisa pingajuanniit tallimaat ilanngullugu Sisimiuniipput. Kinamiut nakkutilliisuisa Royal Greenlandip Sisimiuni tunisassiorfiani nakkutilliiartornerat nunatsinni aalisakkanik avammut niueruteqartut tamarmik avammut aalisakkanik niueruteqarsinnaanermut akuersissuteqaannarsinnaanerannut aalajangiisuuvoq

Sulisoq Nordjobbimeersoq:

- Raajanik tunisassiorfimmi sulinera nuannareqaara

Ilinniakkaminik naammassinnikkami atorfinippoq

Royal Greenlandip assartugalerinermi immikkoortortaani suliffimmik misiliilluni ilinniartuusimasoq 24-inik ukiulik Taatsiaq Olsen assartugalerisutut ilinniakkaminik naammassinnippoq. Taatsiaq Olsenip ilinniartuuffigisimasani suliffigiinnarniarlugu toqqarpaa aggustusillu aallaqqaataani 2016 Royal Greenlandip assartugalerinermi immikkoortortaani assartugalerisutut atorfinilluni

Unnuiffissaqalermat tunisat annertusipput

Aalisartut Aappiluttup eqqaaneersut nunatta kujaterpiaani umiatsiaararsorlutik aalisartut Aappilattumi unnuiffissaqalermata Royal Greenlandip tunisassiorfianut tunisat annertusipput

Ukiunik 45-nngortorsiortoq kaffilliutigineqartoq

Aalisartoq Albrecht Poulsen umiarsuaatileqatigiiffiup umuarsaataanut siullerpaamik ukiut 45-t matuma siorna ikeqqaarpoq. Tamannalu kilisaammi Sisimiut-ni kaffillernertalimmik nalliussineqarpoq.

Inuusuttut pingasut Nordjobbimeersut nunatsinni avinngarusimanerpaami

Inuusuttut pingasut Nordjobb aqqutigalugu suliartortut nunaqarfimmi qalerallerinermik ikiuukkiartorlutik ullumikkut pingasunngornermi Nutaarmiuliassapput.

Sulisoq Nordjobbimeersoq Maniitsimiinnerminik alutorsartoq

Finlandimiu Janne Ojala Nordjobb aqqutigalugu suliartortut arfineq pingasuusut ilaat Maniitsumi aalisakkanik tunisassiorfimmi sulinissaminik neqeroorfigineqartoq sulinermini alutorsaqaaq.

Sulisut Nordjobbimeersut Maniitsumi iluatsitsiffiulluartut

Sulisut Nordjobbimeersut arfineq pingasut Maniitsumi tunisassiorfimmi suleqataanerat iluarisimaarneqaqaaq. Taamaammat tunisassiorfimmi ingerlatsisut aalajangerput Nordjobbimit suleqateqarnermik iluatsitsineq aappaagumut nangeqqinneqassasoq.

Suliffigiuarsimasamini ukiunik 40-nngortorsiortoq

Stephen Hansen Royal Greenlandip Qasigiannguani tunisassiorfiani quersualerisoq inuunini naallugu suliffigiuarsimasamini ukiunik 40-nngortorsiorpoq.

Nipisat suaat naatsiialikkanik tærteeralerlugit, creme fraichelerlugit aappaluttunillu uanitsulerlugit

Siuariartorneq naak tunisassiorfinni unamminartoqaraluartoq

All:: Jens K. Lyberth, Attaveqarnermut Sulisoqarnermullu Pisortaq

Masilik siullermeerluni usingiarpoq

Ningittagarsuut nutaaq Masilik Tunup imaartaani saarullinnik tinguttuunillu aalisartoq siullermeerluni Islandimi usingiarpoq

Emil ilinniakkaminik naammassinnippoq

Tallimanngormat 17. juni Emil Eisner Nuummi Niuernermik Ilinniarfimmi aningaasarneq piginnaasallu pillugit aqutsineq pillugit ilinniakkani (AUØR) naammassigamiuk allagartartaartinneqarpoq

Aalisakkanik qalerualinnillu grillerinermut siunnersuutit

Grillerissatilluni aalisakkat qaleruallillu siullertut toqqarneqarneq ajorput - tupinnaannartumilli grilleruminartupilussuupput. Taamaattumik aalisakkanik qalerualinnillu grillerinermut matumani siunnersuuteqarpugut.

Pisassiissutigineqartut tamakkerneqanngillat

Ukioq manna nipisanniarneq unippoq, nipisanniarnerli iluatitsiffiuvallaanngilaq. Royal Greenlandip tunisassiorfiinut tunitsiviinullu nipisat suaannik tunisineq siornarniit 40 procentinik annikinneruvoq, naak siorna pisassiissutigineqartut 1500 tonsiusunit taamaallaat 1000 tonsit tunineqartut

Suleqatit kussinermi

Saligaatsoq 2016-ip aaqqissugaanik suliffeqarfinni sulisut Nuummi ipaassaq saliitinneqarneranni Royal Greenlandimi sulisut 14-it illoqarfimmi saleeqataapput

Qeqertarsuarni ammassannik tigooraapput

Qeqertarsuarni Royal Greenlandip tunisassiorfiani Qeqertani, Upernavimmi nunaqarfiinilu aamma Qaanaami qaleralinniarluni aalisarnermi neqitassatut atugassanik sapaatit akunnerni kingullerni ammassannik tigooraapput. Qaqertarsuarni aalisartut 20-it 25 –illu missaani amerlassuseqartut ammassaat 100 tonsit tunisinnnaavaat. Maannamut ammassaat 70 tonsit missingi tunineqareerput

Soraarummeeramik angusipput

Nuummi Niuernermik Ilinniarfimmi pisiniarfimmiunngorniarlutik allaffimmiunngorniarlutillu ilinniakkamik SK2-mi ingerlataqartut sisamat Royal Greenlandimi saarullinnik kapisilinnillu tunisassiorneq tuniniaanerlu pillugu iluarsartuullugu pilersaarusiukkamik soraarummeerusiorniarlutik toqqqarsimavaat. Ilinniagaqartut iluarsartuullugu pilersaarusiorlutik suliatik aamma Royal Greenlandip tunisassiai ussassaarinermilu naqitertitat saqqumersillugit saqqummersitsinerat aallaavigalug ilinniagaqartut taakku ilinniarnerminni ingerlaqqissanersut aalajangiivigineqarpoq

Affaannarmik tunisassiorput

Qeqertarsuatsiaani Royal Greenlandip tunisassiorfiani aalisartut tunisinnaasaat tallimanngormat juunip pingajuani killilersorneqalerput. Tunisassiorfimmi sikuliorfiup ajoquteqarnera killilersuilernermut pissutaavoq. Tamassuma nassatarisaanik maanna tunisassiorfimmi tunisat tunisassiarineqarsinnaasut affaannai, tassalu ullormut tonsit arfinillit tunisassiarineqarsinnaapput

Royal Greenland ukiup qiteqqunnerani isertitaqarluartuarsinnarpoq

Royal Greenland 2015/2016-imi ukiup affaata siulliani angusaqarluarpoq, tamatumani angusat akileraannginnermi 85 mio. DKK-ummata angusallu procentinngortikkaanni 3,3 procentiulluni. Tassa imaappoq, massakkut angusat siorna taamaalinerani angusat amerlaqatigaat. Kaaviiaartitat 2,6 mia. DKK-t missaani amerlassuseqartut nikinngillat, tunisalli 4 %-imik annikilleriarput.

Suliffissanik neqeroorutit saaffissallu nittartakkatigut

Royal Greenlandi ukioq manna allatut iliuuseqarluni tunisassiorfinni suliffissanik nittartakkatigut oqallittarfitsigullu neqerooruteqarniarpoq.

Saarullippassuit

Sineriammi Royal Greenlandip tunisassiorfiini saarullinnik tunisineq siorna tunisanut naleqqiullugu marloriaammik annertuseriarpoq. Januarip aallaqqaataaniit maji ilanngullugu saarulliit 4000 tonsit ukioq manna tunineqarput siorna taamaasinerani 1900 tonsit tunineqartut

Immap naasui panertitsivimmi panerserneqassapput

Kangaamiuni Royal Greenlandip tunisassiorfiani panertitsivik ukiuunerani aalisakkanik issimit panertitsivittut atorneqartartoq aasaanerani allatut atorneqassaaq, suliffeqarfiup nutaap Sisimiununeersup Maki Seaweed Greenlandip immap naasuinik panertitsivittut atussammagu

Qalerallit nunatta sineriaata avataaneersut MSC-mut nalilersorneqalerput

Piujuartitsilluni aalisarnissaq anguniarlugu nunatsinni suliniaqatigiiffik Sustainable Fisheries Greenland naliliisartunut attuumassuteqanngitsunut Det Norske Veritasimut isumaqatigiissuteqarneratigut qalerallit Kalaallit Nunaata kitaata imartaata avataani pisat MSC-mik ilisarnaaqquserneqartalernissaat anguniarlugu nalilersuineq aallartippoq.

Eertamik suppaliaq qaleralik pujuugalerlugu sikatsitamik skorzonerrødderilerlugu

Salatit glasnudlitallit raajalerlugit saniatigut soyalerlugit

Raajanik tunisassiat nutaat piumaneqarluartut

Royal Greenlandip Nunatsinni tunisassianik tuniniaaviata qaammatip ataatsip ingerlanerani raajanik tunisassiat nutaat, raajat qalipallit 2,5 kiilunngorlugit poortukkat tonsi ataaseq tunivaat. Raajat avataani uutat nunatsinni pisiniarfinnut angisuunut Pisiffimmut, Pilersuisumut aammalu Kalaallit Nunaanni brugseninut tunineqarput

Tortilla pujuukkamik qaleralilerlugu raajalerlugulu

Qeqertarsuarmiut aalisarluarput

Siornarniit qaleralinnik tunisisoqarnerunera suannillu tunisinerup nalaani aalisakkanik tunisinerup ingerlaannarnera Qeqertarsuarmi Royal Greenlandip tunisassiorfiani sulisut qulit sivisunerusumik sulisalernerannik nassataqarpoq. Taamaattumik aamma sapaatip akunnerata tulliani saattussanik tunisineq aallartippat tunisassiorfimmi sulisut inunnik qulinik amerlineqassapput

Ice Trawl Greenlandi A/S ningittagarsuummik pisivoq

Ice Trawl Greenland A/S 50 procentimik Royal Greenlandimit pigineqartoq aalisariummik ningittagaarsuummik Tunumi aalisartussamik pisivoq. Aalisariut norskit ningittagarsuutigisimasaat Carisma Viking-imik ateqarsimasoq maanna Masilik-mik atserneqarpoq

Qaleralik –immamiit nerrivimmut Navigatiomi atuaruk

Royal Greenlandip atuagassiiaa Navigatio ukioq manna siullermeerluni saqqummerpoq. Navigatiop matumani normuani saqqummersumi atuartartuvut qaleralik pillugu, qaleralik - imaaniit nerrivummut assitalerlugit allaaserisat atuarneqarsinnaapput

Bagekartoffelit sikattut nipisat sualerlugit

Kangaatsiami nerpinnik tunisassiorneq aallartippoq

Kangaatsiami Royal Greenlandip tunisassiorfiani saarulliit nerpiinik tunisasssiorneq ippassaq majip pingajuani allaartippoq. Nerpinnik tunisassiornerup aallartinneqarneratigut sulisut nutaat 30-it sulisorineqalerput. Qaammatip naannginnerani tunisassiorneq aallartilluarpat suliust nutaat allat 30-it sulilersinnaajumaartut tunisassiorfiup ingerlatsisuata neriuutigaa

Sisimiuni saarullinnik tunisineq ammaqqippoq

Sisimiuni bundgarnersorlutik aalisartut ullumi ataasinngornermi Royal Greenlandip tunisassiorfianut tunisisinnaaqqilerput. Saarullinnik tunisisinnaaneq sisamanngormat matuneqarallarpoq, ipassarli sapaammi tunisassiorfimmi ingerlatsisut aalisartut sinnissaannik ataatsimeeqateqarnerminni tunisisinnaanermut pilersaarut najoqqutaralugu tunisineq ingerlanneqalissasoq isumaqatigiissutigaat

Ilulissat tunisassiorfik kingusinaarluni tunisassioqqilissaaq

Royal Greenlandip Ilulissani tunisassiorfiata ikuallannerani tunisassiorfivittaa eqqorneqanngilaq, raajanillu tunisassiorneq ullup qeqqata missaani aallarteqqinneqassaaq.

Sisimiuni saarullinik tunisineq unikkallarpoq

Ukioq manna Sisimiuni bundgarnersorluni saarullinniarnerup aallartiaarnera aammalu Sisimiut eqqaani saarulleqarnerujussuanik pissuteqartumik Sisimiuni Royal Greenlandip tunisassiorfiani saarullinnik tunisineq unikkallarpoq. Mannali tunisassiorfimmi aqutsisut aalisartut sinnissaaanik peqateqarlutik umiatsiaararsorlutik aalisartut 30 –it missingisa aalisariutillu tallimat killilimmik tunisisinnaannaalernissaat pilersaarusiorpaat

Raajat mamarsaasilikkanik iipililerlugit, peberrodilerlugit blegsellerilerlugillu

Nuummi bundgarnersorluni aalisarneq aallartiaarpoq

Ukioq manna Nuummi bundgarnersorluni aalisarneq aallartiaarpoq. Aalisariutit marluk saarulliit 56 tonsit Royal Greenlandip tunisassiorfianut ullut qulit kingulliit ingerlaneranni tunimmatigik ukioq manna saarullinnik tunisisoqarluarnissaa Royal Greenlandip Nuummi tunisassiorfiata ingerlatsisuata isumalluarfigaa

Saarulliup nerpia raspinik qasilitsuminilikkanik qalligaq baconinik hytteostinillu akusanik salatilerlugu

Kangaatsiami eqqaanilu tunisassiorneq annertusivoq

Kangaatsiap eqqaanilu nunaqarfinni ukioq manna sikunnginnera saarullinnik tarajortikkanik qeritanillu tunisassiornermut iluaqutaavoq. Nunaqarfinni Niaqornaarsummii Ikerasaarsummilu tunitsivinni quersuarni uninngasuutit ilanngarneqartarmata saarullinnik tarajortikkanik tunisassiorneq annertunerulersimavoq. Taamatuttaaq Kangaatsiani saarillinnik tunisineq ingerlaannarsinnaasimavoq

Raajat avocadolikkamik panna cottalerlugit

Upernavimmi aalisarneq ingerlalluarpoq

Silap pissusiata allanngoriartornera Upernavimmi eqqaanilu nunaqarfinnut malunniuppoq. Upernavimmi eqqaanilu nunaqarfinni Aappilattumi aamma Upernavik Kujallermi ukioq manna ukiuunera allaalluinnarluni sikugaluariarluni imarornerata nassatarisaanik taavani aalisarneq ingerlalluarpoq

Saarulliup nerpia pujuukkamik skinkelerlugu, appelsiinap isseranik akusamik mamarsaaserlugu kajortitamillu punnilerlugu

Nipisat suaat qerisut annikinnerusut

Paamiuni Royal Greenlandip tunisassiorfiani nipisat suaannik nutaajutillugit qerititanik ukioq manna tunisasioqqissapput. Suaat imermik tarajulimmi saleriarlugit poortorlugit qerititat nutaatut siulllermik 2014-imi tunisassiarineqartut tunineri naatsorsuutigisamiit ajornakusoornerunera pissutigalugu ukioq manna nipisat suaat nutaajutillugit qerititat annikinnerusut Paamiuni tunisassiarineqassapput

ACR -imi peqataaneq killitsinnarpoq

- Apuunnermi inuit isiginnaariat tikilluaqqusillutik suaartaattut Arctic Circle Racemi ujakkaarluni arpaqataanermi nuannernersaraat. Kisianni ulloq arpaffik siulleq uannut aniguineruvoq. Sakkortoqaaq, kisiannili ulloq siulleq naammassivara taamatuttaaq ullut tulliuttut naammassivakka. Aap, ACR naammassivara tamannalu killitsinnaqaaq, taama oqarpoq Nikoline Ziemer

Nipisanniararneq ataasinngorpat aallartissaaq

Kujataani Nanortalimmiit avannaani Qeqertarsuaq tikillugu aalisartut 650-init amerlanerusut nipisat suaat 1500 tonsit ukioq manna tunisinnaavaat. Kujataani nipisanniarneq ataasinngorpat aprilip ulluisa sisamaanni aallartissaaq

Aalisakkat qajuannik suppaliaq grillikkamik flutelerlugu uutanillu naatsiialerlugu

Flutemi sikatsitami nipisat suaat creme fraichellit

Tapiissutit sunniuteqarluartut

- Royal Greenlandip Nanoq-mik taasamik Issittormiut Unammiuaarneranni - Arctic Winter Gamesimut tapiissuteqarnerani suliniummut Inuusuit Kivitsisussanut tapiissuteqarnera inuttut nalitunerpaatut nalilerpara, kisianni Royal Greenlandip sulisuisa AWG-mi kajumissutsimik sulinerat aamma naleqarluarpoq, tamannalu aamma AWG-mi allattoqarfimmi maluginiarneqarpoq, taakkumi Royal Greenlandip sulisuinut kajumissutsimik AWG-mi sulisunut qujassuteqarpoq, Royal Greenlandimi nunatsinni tuniniaavimmi ingerlatsisoq Malik Hegelund Olsen, Royal Greenlandip tapiissuteqarnerani AWG-mut attaveqaataasoq oqarpoq

Ingerlatsisut Polenimi paasiniaaqatigiipput

Royal Greenlandip tunisassiorfiini ingerlatsisut tallimat aamma Royal Greenlandip Kalaallit Nunaani aamma Svenstrupimi saarullinnik tunisassiornermik suliaqartut peqatigalugit Polenemi Koszalinimi Royal Greenlandip saarullinnik tunisassiorfiani tunisassioriaatsit nutaajunerusut paasisassarsiorfiaglugit angalaqatigiipput

Royal Greenland isumaqatigiissutinik saqqummiussivoq

Aalisariutini inuttat atorfinitsinneqartarnerannut isumaqatigiissusiortarneq pillugu Sermitsiaq allaaserisaqartareersorlu Royal Greenlandip ataatsimoorussatut isumaqatigiissutinik aammalu atorfininnermi isumaqatigiissutinik umiarsuaatileqatigiiffinni assigiinngitsuni atuuttunik tamanut saqqummiussiniarluni aalajangerpoq.

Raajanik qallersukkat

Nuummi ullut ulapaarfiusut

- Inunnik nutaanik naapitsineq ilorrisimaarnaqaaq, kisiannil aamma kajumissutsimik sulininni akunnerpassuarni sulineq sakkortuvoq –peqataaqqissinnaavungali, taama oqarpq 22-inik ukiulik Cecilie Jensen

Royal Greenlandip sinniisui ujamminik agguaapput

Royal Greenlandimi siulersuisuni ilaasortaq Sara Heilmann aamma Royal Greenlandimi assartugalerinermi immikkoortortami aqutsisoq Ane Lynge ippassaq sisamnngornermi Arctic Winter Games 2016-imi aputisiutinik unamminerni ajugaasut saqqarmiussaannik agguaassipput

Dene Games ornigarneqarluarpoq

Indianerit piniariaasiannik aallaveqarluni timersuutip Dene Gamesimi timersortartut aammalu dommerit dene Gamesimi unammiuaartitsinerit Atuarfik Ukaliusap eqaarsaartarfiani ingerlanneqartut naammagisimaarpaat. Dene Games indianerit piniarnerminni periusiat aallaavgalugui timersornerusoq nukeqassusermik takutitsineruvoq Arctic Winter Gameseqartoqartarnerini isiginnaarianit ornigarneqarluartartoq, soorlu ukioq manna aamma taamaattoq

Nipisaat suaat mannilerlugit sikattumillu iffialerlugit

Arsaaffimmi pimoorussisunnguaqarpoq

Arctic Winter Games 2016-ip ingerlanneqarnerani ullut pingajussaanni isikkamik arsaallutik unammileruttortut isiginnaartullu nipikingitsumik suaartaatileruttortut Nuup Timersortarfissuanut iserpunga

Nuummi misigisarpassuit

- Kajumissutsimik sulisut akornnani misigisakka nuanneqaat. Inuit inussiarnisaartut, ikiuukkusuttut aammalu nuannaartut naammattoorpakka aamma kajumissutsimik sulisuusugut akornatsinni suleqatigiilluaqaagut. Inuit Issittormiut Unammiuaaqatigiinneranni Arctik Winter Gamesimi aaqqissuisut nersualaarusuppakka. Aaqqissuussinerup annertuup iluatsinnissaa anguniarlugu suliaq annertoqaaq, taama oqarpoq 55-inik ukiulik Johan Rosing. Taanna Paamiuni Royal Greenlandip tunisassiorfiata quersuani ulluinnarni sulisarpoq.

Qiviup Kunngissaq naapippaa

- Kunngissaq Frederik naapillugulu assammikkakku inuuninni misigisama nuannernersaraat. Misigisaq nuanneq, taama oqarpoq 18-inik ukiulik Qivioq Gregersen

Sulisut 25-t AWG-mi sulissapput

- Arraa peqataarusuppunga, tassa taama eqqarsarpunga Nuummi Arctic Winter Gamesimi kajumissutsimik sulisinnaanitsinnik neqeroortoqarnera atuarakku. Inuusuttut timersortartut tapersersorusukkakkit aammalu Royal Greenlandip nittarsaanneqarnerani peqataarusukkama AWG-mi suliniarlunga aalajangerpunga, taama oqarpoq 58-inik ukiulik Susanne Overgaard Svenstrupimi Royal Greenlandip assartugalerinermi immikkoortortaani sulisoq

AWG-mi pitsaanerpaamik kiffartuussisinnaanngorput

Inuusuttut 30-it, taakkunannga qulit sineriammeersut 20-llu Nuummeersut Arctic Winter Gameseqartoqarnerani tikeraat tikippata pitsaanerpaamik sullissinnaanngorlugit piginnaanngorsarneqarput

Qalerallit 337 tonsit qamuteralannik assartorneqartut

Qalerallit 337 tonsingajalluinnaat Uummannap nunaqarfiini Royal Greenlandip tunisassiorfiiniit Uummannami tunisassiorfimmut assartorneqarsimapput. Nioqqutissanik naammasseriikkanik sikukkut qamuteralannik assartuinerit sapaatip akunnerini 5, 6 amma 7-mi ingerlanneqarsimapput

Eqqunnginneraanermik nalunaarut

Royal Greenlandi nalinginnaasumik atorfininnermut isumaqatigiissuteqartarpoq

Pitsaassusilerinermi aqutsisut Nuummi naapipput

Februarip ulluisa 16-ianniit 18-iat ilanngullugu sineriammi Royal Greenlandip tunisassiorfiini pitsaassusilerinermi aqutsisut Nuummi ataatsimiipput. Inatsisitigut maleruagassat atuuttut malinneqarnissaat qulakkeerniarlugu aamma inuussutissalerinermi isumannaallisaaneq, pitsaassusilerinermi naliliisarnerni aammalu aalisakkat pisarineqarneriniit tunisaanissaannut paasissutissanik Royal Greenlandip tunisassiorfiini assigiimmik suleriaaseqarneq qulakkeerniarlugu pitsaassusilerinermi aqutsisut ukiumut arlaleriarlutik naapeqatigiitinneqartarput

Aalisakkanik thailandimiusut suppaliaq

Ukiup affaani sulinissamut sinneranilu freernissamut ilinniagaqarit

Ukiup affaani sulineq ukiullu affaani freerneq siunissarilersinnaavaat fiskeriteknologitut, aquttutut imaluunniit mistalitut ilinniarsimaguit aammalu umiarsuaatitta arlaanni sulisaleruit. Qaammatini marlunni avataasiorlutit sulereernikkut sivisoqataanik akissarsiaqaatigalugu nunami freernissannut periarfissaqassaatit.

Pikkorissartitsinerit pissarsiffiulluartut

Februarip ulluisa pingajuanniit qulingiluaat ilanngullugu Royal Greenland Academy Upernavimmi nunaqarfiinilu sulisunut pikkorissartitsivoq. Upernavimmi Royal Greenlandip tunisassiorfiani sulisut tallimat aammalu Upernaviup nunaqarfiini arfineq marlunni Royal Greenlandip tunisassiorfiini sulisut 15-it ikiueqqaarneq pillugu aammalu suliffeqarfimmi suleqatigiisinnaaneq inuttullu ineriartornermut tunngasoq Ileqqunik inooriaatsimullu allannguineq qulequtaralugu pikkorissartinneqarput

Suli sikunngimmat ingerlaavartumik tunisassiorsinnaapput

Januaarimi issaasannera pissutigalugu Ilulissani Qasigiannguanilu suli sikunngimmat aalisartut suli Ilulissani Royal Greenlandip tunisassiorfianut tunisisarput. Aalisakkat Ilulissanut tunineqartartut Qasigiannguani Royal Greenlandip tunisassiorfiani tunisassiassanngorlugit assartorneqartarmata, Qasigiannguani tunisassiorneq ulloq manna tikillugu tunisassianik nutaanik tunisassiormat tunisassiorfiup upernaaq tikilllugu tunisassiorsinnanera qulakkeerneqarpoq

Saaruliit ilaat siatassatut qalligaq gremolatalikkanik linguinipastalerlugu

AWG-imi timersortartut tamulugassaat piareerput

Arctic Winter Games sapaatit akunnerit pingasut qaangiuppata aallartippat timersortartut peqataasut tamulugassaat saarulliit panertut puussiaaqqanut matoqqittartunut - zip-lock/chain-pachinik taaneqartartunut - 50 grammikkaarlugit poortukkat 9.000-t timersualaaqatigiinnerni peqataasunut tunniunneqarnissaannut piareerput

Nutaaq Cod amerlasuukkaat maanna sinerissami

Royal Greenlandip tunisassiaataa nutatsinneersoq nunatsinni amerlasuukkaanik pisisartunit maanna pisiarineqarsinnaanngorpoq.

Nunatsinneersut AWG-mi atisassaat piareerput

Nunatsinnit AWG-qataasussat atisassaat Pisiffimmeersut peqataasussanut tunioraanneqartussanngorput.

Raajat ooqanngitsut sineriammut aamma tuniniagaalerput

Japan-rejer tassaasut raajat ooqanngitsut aamma Nuummi pisiniarfinni decembarimi nioqqutaalersut sineriammi pisiniarfinni qanittukkut aamma pisiarineqarsinnaanngussapput

Unnuk Kulturisiorfik iluatsilluartoq

Royal Greenlandip Nuummi tunisassiorfianut inuit 400-init amerlanerusut aamma Royal Greenlandip allaffeqarfianut inuit 350-it missingi arfiningormat Unnuk Kulturisiortitsisoqarnerani takusaallutik takkupput. Royal Greenlandimi sulisut piumassusertik aallaavigalugu Unnuk Kulturisorfimmi aaqqissuisuusut unnuk iluatsilluartutut nalilerpaat

Siulersuisut allannguuteqanngillat

Royal Greenlandip siulersuisuni ilaasortai ataatsimeersuarnermi aammalu sulisut toqqagaattut qinigaasut allannguuteqaratik ingerlaqqipput.

Royal Greenland Unnuk Kulturisiorfimmi alakkaruk

Royal Greenlandip qullersaqarfia aamma Nuummi tunisassiorfik Unnuk Kulturisiorfimmi arfininngorneq januaarip 23-ani innuttaasunit alakkarneqarsinnaassapput. Isiginnaagassiaq ”Karius Baktusilu” ilaatigut isiginnaarsinnaavat unammisitsinernilu assigiinngitsuni eqqugassartalinni pissanganartuni peqataasinnaallutit

Nunatsinni sulisut 223-nik ilapput

Ukiumi naatsorsuiffiusumi 2014-15-imi Royal Greenland A/S-imi sulisut ukiup siulianut naleqqiullugu 223-nik amerlanerulerput. 2013-14-imi sulisut 978-iusut 2015-imi sulisut 1202-nut amerlinerat Upernavimmi eqqaanilu tunisassiorfinnik tigusineq aamma tunisassiorfinni sisamani saarulliit nerpiinik tunisassiulerneq ilaatigut peqqutaaqataavoq

Naatsiianik porrenillu suppaliaq kissarsuutikkut uutamik saarullilerlugu

Ataatsimeersuarnissaq januaarip 27-ani

Paamiuni ukioq ingerlalluarfiusoq

Paamiuni Royal Greenlandip tunisassiorfiani ingerlatsisup tunisassiorfimmi 2015-imi angusat naammagisimaarluarpai. Nipisat suaannik aamma saarulliit nerpiinik tunisassiortalerneq tunisassiorfimmi tunisassiornerulernermik nassataqarsimavoq aamma illoqarfimmi suliffissaqartitsinikkut sunniuteqarluarsimavoq

Ukiukkut sikuunerani siuariaateqarluarneq

2014/15-imi ukiumoortumik naatsorsuutit takutippaat ukiut tallimat tulleriit ingerlaneranni pingaarnertut aallussatigut ataqatigiilluinnartumik ineriartorneq pisoq sinneqartooruteqarfiulluartorlu. Akileraannginnermi angusat 204 mio. DKK-usut ukiukkut sivisuumik sikuuneranit sunnigaasimagaluartut ingerlatseqatigiiffiup oqaluttuarisaanerani angusat manna tikillugu aatsaat taama pitsaatigipput.

Ice Trawl Greenland A/S-imi ataatsimeersuarneq

Qeqertarsuarmi igitseqqipput

Qeqertarsuarmi Royal Greenlandip tunisassiorfiani juullinngitsiartoq qerinasuartitsiviup sigginneratigut ammoniakimik aniasoortoqarnerata kingunerisaanik nioqqutissianik ineriikkanik tonsinik sisamanik aamma 377 kiilunik igitseqqitariaqarsimapput

Kangaatsiami tunisassiorfik ammaqqilerpoq

Kangaatsiami Royal Greenlandip tunisassiorfia pingasunngorpat aammaqqissaaq. Tunisassiorfik decemberip qulinganili nutarterisoqarnera pissutigalugu matoqqanikuuvoq

Sisimiuni tunisassiorfimmi sulinermi pissutsit misissueqqaarfigineqalerput

Sisimiuni tunisassiorfimmi sulinermi pissutsit qulaajaavigalugit 2016-imi januaari aallartilaarpat suliniutissatut misissueqqaarfigineqalerput. Suliniutitut misissueqqarneq misissuinermik annertunerusumik tunisassiorfinnit arlalinnit aammalu suliffeqarfinnit allanit peqataaffigineqartumik malitseqartinneqassaaq.