Atorfissaqartitsisut pajuttorneqarput
Qasigiannguani Royal Greenlandimi sulisut, sulisuusimasut aammalu aalisartut tunisisartut tamarmik ukiut siuliinisut juullimi puunnattaassanik tunineqarput. Qasigiannguanili tunisassiorfimmi juullimi puunnattaassat agguaassassat sinneqarmata juullimi puunnattaat 20-it illoqarfimmi ilaqutariinnut pissakinnerusunut tunniunneqarput
- Juullimi puunnattaat 20-it decemberip 23-iani Qasigiannguani inunnik isumaginnittoqarfimmut tunissutigaavut. Tassani sulisut ilaqutariinnut pissakinnerusunut aammalu utoqqarnut atorfissaaqartitsisunut juullimi puunnattaat agguaappaat, Qasigiannguani Royal Greenlandip tunisassiorfiani ingerlatsisoq Hans Grønvold oqarpoq.
Qujamasupput
Taakkulu juullimi puunnattaat juullisusunnitsunik assigiinngitsorpassuarnik imaqartut Qasigiannguni ilaqutariinnut pissakinnerusunut utoqqarnullu agguaanneqaramik nuannaarutaasimaqaat.
- Decemberip 23-iani juullimi puunnattaat ilaqutariinnut pissakinnerusunut utoqqarnullu agguakkatsigit nuannaarutaaqaat, aamma pajunneqartut qujamasoqaat, Qaasuitsup Kommuniani Qasiginannguani fuldsmægtigi Marie Johansen oqarpoq, nangipporlu:
- Aamma uagutsinnut nuanneqaaq juulliaraq aqaguttoq juullimi puunnattaanik agguaassisinnaagatta. Taamaattumik aamma uagut Qasiginnaguani Royal Greenlandip pajuguteqarneranut qujavugut.
Juullimi puunnattaaq ataaseq inunnut arfinilinnut naammattunik igaassanik aammalu jullisunnitsinik makkuninnga imaqarpoq: Qeerlutooq ataaseq, puulukimineq siatassaq, rødkålit, mandelit, suaasat qaqortut, piskefløde, kirsebærsause, kaffit aamma mamakujuttut poortat arlaqartut.
Hans Grønvold oqarpoq juullimi puunnattaassat suli sinneqarmata illoqarfimmi efterskole ammaqqeriarpat pajunniarlutik.
- Kisianni aamma utoqqaat illuannut pajunniarpugut, utoqqaat illuanni sulisut utoqqaat igganniassammatigik, Hans Grønvold oqarpoq.
Aalisartut Royal Greenlandimut tunisisartut tamarmik aamma nunatsinni nunaqarfinni illoqarfinnilu Royal Greenlandip tunisassiorfiini sulisut tamarmik juullimi puunnattaassaannik pajunneqarput. Juullimi puunnattaat katillugit 3666-it agguaanneqarput.
Allattoq: Inga Egede, ineg@royalgreenland.com
Asseq: RG Qasigiaannguit
Asseq
