Uummannami nappaanersiorneq
Ippassaq pingasunngorneq novemberip ulluisa 30-ianni Uummannami Royal Greenlandip tunisassiorfiani nutarterillunilu allilierinermut atatillugu tunisassiorfimmi sulisut sanaartornermilu suliaqartut nappaanersiorput
Uummannami tunisassiorfik aasaq juni naajartortorli annertuumik nutarteriffigineqarluni allaleneqarpoq. Tunisassiorfimmi nutarterineq allilerinerlu 2017-imi marsimi naammassineqartussatut naatsorsuutigineqarpoq.
Nutarterineq annertooq allilerinerlu naammassineqarpat tunisassiorfimmi immikoortortat atortorissaarutillu nutaaliat atuutilissapput, taamatuttaaq tunisassiorfiup ilassutaa nutaarluinnaq atorneqalissalluni. Tunisassiorfiup ilassutissaani imikkoortiterivik nutaaq aammalu tunisassianut ilioraavik atuutilissapput. Tunisassianik tigooraanermi sapusiaq nutaaq atuutsinneqalissaaq taamatuttaaq qerisinasuartitsiviit qeritsitiviillu nutaat ikkussuunneqassallutik.
Uummannami Royal Greenlandip tunisassiorfiani ipaassaq nappaanersiortoqarnera nalliuttorsiutigalugu tunisassiorfimmi sulisut aamma sanaartornermik suliaqartut tunisassiorfimmi jullerpalaartumi pølsitorlutillu sodavanditortinneqarput.
Allattoq: Inga Egede, ineg@royalgreenland.com
Assit: Kirsten Jensen aamma Nils Bak
Asseq
.jpg?w=1200&h=900&action=crop)
.jpg?w=1200&h=900&action=crop)
