AWG-imi timersortartut tamulugassaat piareerput
Arctic Winter Games sapaatit akunnerit pingasut qaangiuppata aallartippat timersortartut peqataasut tamulugassaat saarulliit panertut puussiaaqqanut matoqqittartunut - zip-lock/chain-pachinik taaneqartartunut - 50 grammikkaarlugit poortukkat 9.000-t timersualaaqatigiinnerni peqataasunut tunniunneqarnissaannut piareerput
- Puussiaaqqat - timersortartut peqataasut tamulugassaattut naatsorsuussat - Royal Greenlandip AWG-mut Nanoq-mik taallugu tapiissuteqarneranut attuumassuteqartumik tunisassiarineqarput, Royal Greenlandimi Nunatsinni tunisassianik tuniniaavimmi ingerlatsisoq Malik Hegelund Olsen oqarpoq.
Royal Greenlandip Nanoq-mik taallugu AWG-imut tapiissuteqarnera aqqutigalugu 1 millioner kr.-t sinnerlugit nalilimmik isumaqatigiissuteqarnermigut tunisassiatigut ilaatigut puussiaaqqanik saarullinnik issimi panertitanik annikitsukkuutaarlugillu poortukkanik AWG-ip ingerlanneqarnerani nerisassaqartitsinissamik imaqarpoq.
Puussiaaqqat tamulugassanik saarullinnik issimi panertitanik mamarluinnartunik imaqartut - 50 grammikkaarlugit puussiaaqqanut poortukkat - ammareernerini matoqqinneqarsinnaasunik zip-lock/chain–packinik taaneqartartunik pooqarput.
- Nunatsinni tunisassiat matoqqittartunik zip-lock/chain-packinik poortorneqartalernissaat anguniagaavoq, Malik Hegelund Olsen oqarpoq.
Isumaqatigiissut Nanoq- mik taaneqartoq naapertorlugu Royal Greenland ilaatigut aamma AWG-ip ingerlanneqarnerani nerisitsinissani, ilasseqatigiinnissani nerersuarnissanilu atugassanik aamma kajumissutsimik sulisussatigut, pikkorissartitsinertigut allatigullu tapiissuteqassaaq.
Allattoq: Inga Egede, ineg@royalgreenland.com
Asseq: John David Eriksen
Asseq
