Raajat ooqanngitsut sineriammut aamma tuniniagaalerput

Raajat ooqanngitsut Royal Greenlandip raajanut kilisaataataanni avataasiutaasuni poortuutissanut kiilukkaarlugit poortukkat, japan-rejer-nik taaneqartartut, Nuummi piumaneqarluarmata Royal Greenlandimi Nunatsinni tunisassianik tuniniaaviup sineriammi pisiniarfinnut tuniniartalerniarpai.

- Raajat ooqanngitsut Nuummi tunisaalluarput. Tamatumani malunnarpoq, raajat ooqanngitsut Kalaallit Nunaanni tamarmi siornatigut nioqqutaasartut maqaasineqarsimasut. Raajat ooqanngitsut 3-400 kiilut Nuummiinnaq decembarimi tunivagut, taamaattumik qaajat ooqanngitsut mamarluinnartut piumaneqarluartullu sineriammi pisiniarfinnut anginernut aamma tuniniartalissallutigit aalajangerpugut, Royal Greenlandip Nunatsinni tunisassianik tuniniaaviani tuniniaanermi ingerlatsisoq Malik Hegelund Olsen oqarpoq.

Tassa imaappoq, Pilersuisoq A/S-ip Pisiffik A/S-ip aamma Kalaallit Nunaanni Brugsenip sineriammi pisiniarfiutaat Royal Greenlandip tunisassiaanik inniiminniigaangata raajat ooqanngitsut ilanngullugit Nunatsinni tunisassianik tuniniaavia aqqutigalugu inniminnersinnaanngorpaat.

- Raajat ooqanngitsut tunisassiat inniminnerneqarsinnaasut allattorsimaffianni sineriammi pisianiarfinnut anginernut nassiussorneqartartumi allassimalerput. Tassa imaappoq, pisiniarfinni tuniniaasartut raajanik ooqanngitsunik inniminneerusunnerlutik nammineq aalajangissavaat, aqaguminngaanniimmi tallimanngorneq januaarip 29-aniit inniminnerneqarsinnaanngussapput, Malik Hegelund Olsen oqarpoq.

Raajat ooqanngitsut Japanimi niuerfinnut tunineqartussanngorlugit tunisassiarineqartarnerat pissutigalugu nioqqutissap suuneranut nassuiaat puuinut nipitinneqartartoq japanimiusut allassimavoq, kisianni nittarsaassineq pillugu nalunaarut Kalaallit Nunaanni atuuttoq naapertorumallugu kalaallisut qallunaatullu allassimasulinnik nioqqutissap suuneranut nassuiaatilersorneqarnernikuupput.

Allattoq: Inga Egede, ineg@royalgreenland.com

Assit: RG

Asseq