Royal Greenland Unnuk Kulturisiorfimmi alakkaruk
Royal Greenlandip qullersaqarfia aamma Nuummi tunisassiorfik Unnuk Kulturisiorfimmi arfininngorneq januaarip 23-ani innuttaasunit alakkarneqarsinnaassapput. Isiginnaagassiaq ”Karius Baktusilu” ilaatigut isiginnaarsinnaavat unammisitsinernilu assigiinngitsuni eqqugassartalinni pissanganartuni peqataasinnaallutit
Royal Greenlandimi Unnuk Kulturisiorfik aallartissaaq nalunaaqutaq arfinermiit qulingiluat tungaanut. Nunatta Isiginnaartitsisarfiata isiginnaagassiaa ”Karius Baktusilu” meeqqat meerarpaluttunillu nuannarisallit isiginnaarsinaavaat. Royal Greenlandimi ilinniarsinnaanermut periarfissat paasisaqarfiginerusinnaavatit aamma Arctic Winter Gamesip maskotia Kuluk naapissinnaavat.
Unammisitsinerit
Qullersaqarfimmi eqquiniaasitsinerup ingerlanneqarnerani nunatsinni suliffeqarfiit annersaat pillugu ilisimasatit misilittarsinnaavatit. Raajanik qalipaajaalluni aamma aalisakkanik tisalluni unammisitsinerit siorna nuannarineqarluartut Nuummi tunisassorfimmi ukioq manna Unnuk Kulturisiorfimmi ingerlanneqaqqissapput. Meeqqanut aamma aalisarfeeraqassaaq titartaanermillu unammisitsineqassalluni.
Qullersaqarfimmi tunisassiorfimmilu Royal Greenlandip tunisassiaanik ooqattaagassaqarumaarpoq.
Qasapi 2 aamma 4-mi takuss.
Asseq toorlugu Unnuk Kulturisiorfimmi pisussat paasisaqarfiginerusinnaavatit.
Royal Greenlandip Maniitsumi Qasigiannguanilu tunisassiorfii Unnuk Kulturisiorfimmi innutaasunut matutik ammassavaat. Upernavik aamma peqataassaaq nalunaaqutaq ullup-qeqqaniit sisamat tungaanut.
Allattoq: Nathan Kreutzmann, nakr@royalgreenland.com
Asseq: RG
Asseq
