Emil ilinniakkaminik naammassinnippoq
Tallimanngormat 17. juni Emil Eisner Nuummi Niuernermik Ilinniarfimmi aningaasarneq piginnaasallu pillugit aqutsineq pillugit ilinniakkani (AUØR) naammassigamiuk allagartartaartinneqarpoq
Emilip ukiut marluk kingulliit paarlagaattumik Nuummi Niuernermik Ilinniarfimmi atuartarluni Royal Greenlandip qullersaqarfiani naatsorsuuseriviani suliffimmik misiliisarluni ilinniakkani ingerlappaa.
Emil Eisner ilinniarfigisimasamini Royal Greenlandip Nuummi qullersaqarfiata naatsorsuuseriviani atorfinittussanngortup ilinniarsimasutut sulilernissi qilanaaraa.
- Nuanneqaaq eqqissiallannaqalunilu ilinniagaqarsimasutut allagartaqalerama. Maanna ilinniariaqattaartarnissara eqqarsaatigisariaarullugu ulluinnarni suliassat suliaralugit sulisinnaanngorpunga, 27-inik ukiulik Emil Eisner Ilulissaneersuusoq oqarpoq.
- Misigisimagama Royal Greenlandip qullersaqarfiata naatsorsuuseriviani misilittakkanik pissarsiaqarsinnaallunga aamma ineriartornissannut periarfissaqarluartunga Nuummiiginnarnissara toqqarpara, Emil Eisner oqarpoq.
Allattoq: Inga Egede, ineg@royalgreenland.com
Assit : Lars Wittendorff
Paste content here. Then press OK.
Asseq
