Qeqertarsuarni ammassannik tigooraapput
Qeqertarsuarni Royal Greenlandip tunisassiorfiani Qeqertani, Upernavimmi nunaqarfiinilu aamma Qaanaami qaleralinniarluni aalisarnermi neqitassatut atugassanik sapaatit akunnerni kingullerni ammassannik tigooraapput. Qaqertarsuarni aalisartut 20-it 25 –illu missaani amerlassuseqartut ammassaat 100 tonsit tunisinnnaavaat. Maannamut ammassaat 70 tonsit missingi tunineqareerput
- Amassannik tunisineq tunisassiorfimmi ullukkoorlutik aamma unnukkoorlutik sulisunut suliassaqartitsilluarpoq. Aalisartut pilersaarusiukkamik killilimmik tunisisarput, ataasiakkaarlutik ulloq allortarlugu tonsi ataatsip missinganik tunisarlutik. Ammassaat tonsit 13-it missingi ullormi ataatsimi tunineqartarput, Qeqertarsuarni Royal Greenlandip tunisassiorfiani ingerlatsisoq Emil Mølgaard oqarpoq.
Ammassanniarusunnerupput
Qeqertarsuarni tunisassiorfimmi qaleralinnik saarullinnillu tunisineq aamma periarfissaagaluartoq aalisartut ammassanniarneq aalluppaat.
- Maannakkorpiaq aalisartut saarullinniarnatik ammassanniarneq aallunneruaat. Ammassanniarneq illoqarfiup avatinnguani ingerlanneqarpoq –aamma ammassaqaqaaq. Taamaattumik ammassaat aalisartunut aamma tunisassiorfimmi ullukkoorlutik ualikkoorlutillu sulisunut 14-iusunut suliassaqartitsilluarput, Emil Mølgaard oqarpoq.
Ammassaat tunineqartut 10 kiilukkaarlugit 20 kiilukkaarlugillu poortorlugit qeritinneqareeraangata Royal Greenlandip tunisassiorfiinut avannarpasinnerusuniittuni qaleralinniarnrermi neqitassautut atugassatut nassiunneqartarput.
Qeqertarsuarni ammassannik tunisineq unippat saarullinniarneq aallartissammat Royal Greenlandip tunisassiorfiani manna sulisut 14-iusut saarullinnik qaleralinnillu tunisassiornerni suliassaqartinneqassagamik sulinnaassapput.
Allattoq: Inga Egede, ineg@royalgreenland.com
Assit: Emil Mølgaard
Asseq
