Royal Greenlandip sinniisui ujamminik agguaapput
Royal Greenlandimi siulersuisuni ilaasortaq Sara Heilmann aamma Royal Greenlandimi assartugalerinermi immikkoortortami aqutsisoq Ane Lynge ippassaq sisamnngornermi Arctic Winter Games 2016-imi aputisiutinik unamminerni ajugaasut saqqarmiussaannik agguaassipput
AWG 2016 –imi Royal Greenland aningaasaliisut pingaarenerit ilagimmassuk taakku arnat marluk Royal Greenland sinnerlugu ujamminik agguaassisuupput.
Sara Heilmann aamma Ane Lynge tamarmik imikkut ujamminik 27-inik AWG-mi aputisiutinik unammeqataasuni ajugaasut niviarsiaqqani nukappiaqqanilu guldtinnattut, sølvinnattut aammalu bronzinnattut saqqarmiussaannik agguaassiffigaat.
- Royal Greenlandimi siulersuisuni ilaasortaq aammalu sulisut arfinillit AWG 2016-imi Royal Greenland sinniisoqarpoq, tassalu Royal Greenlandi sinnerlugu Sara Heilmann uangalu AWG-mi aputisiutinik unamminerni ajugaasut saqqarmiussaannik agguaasivugut, Ane Lynge oqarpoq.
Royal Greenland AWG 2016-imi aningaasaliissutaasa ilagaat puussiaaqqat tamulugassanik saarullinnik issimi panertitanik imaqallit- 50 grammikkaarlugit puussiaaqqanut poortukkat. Ane Lynge oqaluttuarpoq saqqarmiunik agguaassinerminnut atatillugu tamulugassat Royal Greenlandip tunniussai pillugit qutsavigineqarsimallutik
- Unamminermi ajugaasut saqqarmiussaanik agguaassivigineqannginneranni nalunaarutigineqarpoq Royal Greenland sinnerlugit saqqarmiunik agguaassisuussasugut. Saqqarmiunik agguaassisoqareernerani AWG-mi peqataasunit saaffigineqarpugut tumulugassat mamarnerarlugit qujasunik, Ane Lynge oqaluttuarpoq.
Apusiutinik unamminerni ajugaasut saniatigut tunissutisipput Royal Greenlandip sinniisaasa ajugaasut kukkiliseeqqanik Royal Greenlandip ilisarnaataanik naqinnilinnik tunineqarmata.
Allattoq Inga Egede, ineg@royalgreenland.com
Assit: John David Eriksen
Asseq
