Tapiissutit sunniuteqarluartut
- Royal Greenlandip Nanoq-mik taasamik Issittormiut Unammiuaarneranni - Arctic Winter Gamesimut tapiissuteqarnerani suliniummut Inuusuit Kivitsisussanut tapiissuteqarnera inuttut nalitunerpaatut nalilerpara, kisianni Royal Greenlandip sulisuisa AWG-mi kajumissutsimik sulinerat aamma naleqarluarpoq, tamannalu aamma AWG-mi allattoqarfimmi maluginiarneqarpoq, taakkumi Royal Greenlandip sulisuinut kajumissutsimik AWG-mi sulisunut qujassuteqarpoq, Royal Greenlandimi nunatsinni tuniniaavimmi ingerlatsisoq Malik Hegelund Olsen, Royal Greenlandip tapiissuteqarnerani AWG-mut attaveqaataasoq oqarpoq
Sulisut 50-it AWG-mi kajumissutsimik sulisinnaanerat, Inuusuit Kivitsisussat pikkorissartinneqarnerisa aningaasaliiffiginerat, timersoriat nerisaqartinneranni tunisassiaanik tunissuteqarneq aammalu puussiaaqqanik saarullinnik 50 grammikkaartunik imalinnnik Royal Greenland AWG-mut tapiissuteqarpoq.
Kajumissutsimik sulisut tunniussaqarluarput
Sulisut 50-it AWG-mi kajumissutsimik sulerusuttut pissarsiarineqanngitsoorput, taarsiullugu sulisut 25-it kajumissutsimik suliumaallutik nalunaartut sapaatit akunnerini marlunni AWG-mi sulisinnaanissaminnik periarfissinneqarput.
-Sulisut 25-it kajumissutsimik suliumallutik nalunaartut annertuumik AWG-mut tunniussaqarput. Royal Greenlandimi sulisut kajumissutsimik suliumallutik nalunaartut amerlanerpaartaat sapaatit akunneri marluk- ilaallu sapaatit akunneri pingasuni AWG-mi silipput. Ajoraluartumik sulisut 50-it pissarsiarinngikkaluarlutigik, taamaattoq kajumissutsimik sulisut AWG-mut annertuumik tunniussaqarput, amerlanerimmi sapaaatit akunnerni marlunni sulinerminni ullormut akunnit 14-it angullugit sulisarput, Malik Hegelund Olsen oqarpoq.
Sunniuteqarnernerpaaq
Royal Greenlandip AWG-mut tapiissuteqarnera aamma AWG Youth Ambassador Programmimut kalaallisut Inuusuit Kivitsisussat-nut aningaasaliissuteqarpoq. Aningasaliissut aqqutigalugu inuusuttut sineriammeersut qulit Nuummeersuullu 20 –it aaqqissuussaasumik pilersaarusiorsinnaanermut, kajumissutsimik sulinikkut kiffartuussinermut, Issittumi kultuuri, oqaatsit, AWG pillugu aammalu tusagassiuteqarnerneq pillugu pikkorissartinneqarput.
Inuusuttut siunissami inuunissaminni aammalu kajumissusseq aallaavigalugu AWG-mi sulinerminni pitsaanerpaamik kiffartuussisinnaangornissaat anguniarlugu piginnaanngorsarlugit inuusuttut isumassarsitinnissaat pikkorissaanerup siunertaraa.
- Roayl Greenlandip AWG-mut aningaasaliinerani Inuusuit Kivitsisussat pikkorissartinneqarnerat naleqarnerpaajuvoq. Inuusuttut pikkorissartinneqartut imminnut ilisimasaqarfiginerulerput imminnullu tatiginerulerlutillu imminnut upperineruleput. Tamannalu inuusuttut imminnut pitsaasumik sunneqatigiinnerannik nassataqarpoq. Inuusuttut assigiinngilluinartunik aggerfeqarput aammalu assigiinngilluinnartunik inuuneqarlutik. Assiginngitsunik tunuliaquteqarnitik paasisaqarfigaat aamma ataatsimoorussamik kivitseqatigiissinnaanermut assigiinngissuseqarnertik iluaqutigisinnaallugu paasisaqarfigaat. Inuusuttut siunissami inuunerminni sakkussarisinnaasaminnik pikkorissarnermi pissarsiaqarput. Taamaattumik inuiaqatigiinnut iluaqutissaq eqqarsaatigalugu Inuusuttut Kivitsisussanut aningassaliissuteqarluni tapiissuteqarneq annertuumik sunnuiteqarluartoq isumaqarpunga, Malik Hegelund Olsen oqarpoq.
Saarulliit panertut 50 grammikkaarlugit puussiaaqqanut poortukkat 9.000-it Royal Greenlandip AWG-mi timersorianut tapiissutigisaasa ilagisaat AWG-mi kajumissutimik sulisunit mamarineqarluarlutik aamma agguaanneqarput, taamatuttaaq tunisassiat Royal Greenlandimeersut AWG-mi tikeraanut tapiissutigineqartut AWG-qarnerani nerisagissaatitsimmata nersualaarneqarput.
Allattoq Inga Egede, ineg@royalgreenland.com
Assit: John David Eriksen
Asseq
