Aggusti

Qasigiannguani saarullinnik tunisassiulerneq iluaqutitaqarpoq

Qasigiannguani tunisassiorfik qaleralinnuinnaq tunisassiorfiunikuugaluartoq ullumikkut saarullinnik aamma tunisassiortalermat tunisassiorfimmi sulisut suliassaarutinngillat

Sulisussanik sulisussarsiortarneq pilertornerulerpoq

Royal Greenlandip tunisassiorfii arlallit nunaqarfinneersunik illoqarfinneersunilluunniit sulisussarsiortarput. Sulisussarsiortarnerup oqinnerusumik ingerlanneqartalernissaa anguniarlugu ulapaarfimmi sulisussanik sulisussarsiortarnerup tungaatigut allaffissornermi suliassat kommunenit siornatigut ingerlanneqartartut Royal Greenlandimi sulisoqarnermut immikkoortortamit 2016-imi akisussaaffgineqalerput. Royal Greenlandip sulisussarsiortarnerup tungaatigut allaffissornermi suliassat akisussaaffigilermagit ulapaarfimmi sulisussanik sulisussarsiortarneq pilertornerulerpoq, tunisassiorfimmilu sulisut 23-t Avannaani nunaqarfinni illoqarfinnilu assigiinngitsuni maanna ulapaarfimmi sulisuupput

Maskiinaq tisaat namminneq iluarsaassinnaalerpaat

Royal Greenlandip tunisassiorfiini Paamiuni, Maniitsumi, Kangaatsiami, Sisimiuni Qasigiannguanilu sulisut aalajangersimasut maskiinanik tisaatinik aqqissuisinnaanermut pikkorissareernerisigut makiinalerisunik nunanit allaneersunik tikisitseqqaanngikkaluarlutik namminneerlutik tisaatit ajortippata aaqqissorsinnaanngorpaat

Omeletti raajalerlugu naatitalerlugulu

Nutaggarimmik aalisariutitaartup saattuarniarneq aallunniarpaa

Aalisartoq Paamiuneersoq Siverth Knudsen Royal Greenlandimit tapiissuteqarfigineqarnermigut aalisariummik 65 fodsiusumik saattuarniutaasumik aalisagarniutaasumillu pisivoq. Laila K saattuanik ullut qulit angullugit uumatitsiviusinnaasumik peqarmat aalisariummik uumatitsivimmik taaneqartarpoq. Laila K nunatsinnut juulip qiteqqunnerani tikikkami Kujataani saattuarniarpoq, avannarpasinnerusumili saattuarniarneq aallunniartussanngorpaa

Ammassat suai nunatsinneersut Japanimi piumaneqartut

Royal Greenlandimi tunisassiassanik inerisaanermi ingerlatsisup tunisassiarineqarsinnaasut nutaat misissuiffigereerlugit ammassat suai Japanimut tunisassiarineqarsinnaanerat periarfissaammat, misileraalluni ammassanniarneq aappaagu ingerlanniarneqarnissaa neriuutigaa.

Umiatsiaaqqanut aningaasaliineq neriullualersitsisoq

Royal Greenland umiatsiaaqqanut Pocanut pingasunut Kujataani nunaqarfimmi Aappilattumi aalisartunut pingasunut attartortinneqartussanut aningaasaliivoq. Aalisartut pingasut Aappilattumeersut annertunerusunik qaleralittaqarnerulernissaminnut periarfissaqalersut qaleralittat Royal Greenlandip Aappilattumi tunitsivianut tunisartakkatik annertunerulersinnerisigut umiatsiaaqqat attartukkatik siunissami pisiarinissaannut periarfissaqalerput

Samuel Macario Nordjobbemeersoq Nutaarmiunut uterpoq

Samuel Macario Nordjobbimit suliartortoq Nutaarmiut inuttaalu maqaasillugit Royal Greenlandip tunisassiorfianut aasaq manna suliartoqqinniarluni aalajangersimavoq.