Qeqertarsuarmi Royal Greenlandip sisorartartut tapersersorpai
Sisorartartut Kalaallit Nunaanni tamaneersut 200 missaani amerlatigisut Kalaallit Nunaanni sangusaarluni sisorarnermik pissartanngorniunnermi Qeqertarsuarmi poorskikkunni, apriilip 14-ianiit 16-iata tungaanut ingerlanneqartumi, naggataarnersiornerannut atatillugu Qeqertarsuarmi Royal Greenlandip tunisassiorfiata nunatsinni tunisassianik tunissuteqarnikkut tapiissuteqarfigai
- Illoqarfimmi sisorartartut peqatigiiffiat DSP, Diskomi Sisorartartut Peqatigiiffiat, Kalaallit Nunaanni sangusaarluni sisorarnermi pissartanngorniunnernut aaqqissuussisuusoq tunissuteqarnikkut tapertikkumalluni qinnuteqarpoq. Timersortartut tapersersorpavut, taamaammat sisorartartut naggataarnersiornissaannut nunatsinni tunisassianik tunissuteqarluta taperserpavut, Qeqertarsuarmi Royal Greenlandip tunisassiorfiani ingerlatsisoq Emil Mølgaard oqarpoq, nangipporlu:
-Poorskip ulluani timersortarfimmi naggataarnersiornermi suleqatigut marluk nerriviit ilaanni nunatsinni tunisassianik sassaalliisuupput. Tunisassiaatigulli piumaneqangaarmata naggataagut naggataarnersioqataasut nammineq tigooqqaatiinnarpavut, Emil Mølgaard oqaluttuarpoq.
Royal Greenland-ip sisorartartut tunisassianik makkunannga tapersersorpai: saattuat, raajat qalipaajakkat, nipisat suaat, qalerallit pujuukkat, kapisillit pujuukkat aammalu aalisakkat panertut, taamatuttaaq akuutissat soorlu iffiat naatitallu.
Allattoq: Inga Egede, ineg@royalgreenland.com
Assit: Emil Mølgaard
Asseq
