Ipaassaq decemberip 21-iani Qasigiannguani aalisartoq, 62-inik ukiulik Hans Christian Zeeb, Qasigiannguani Royal Greenlandip tunisassiorfianiit juullimi puunnattaassaanik tunineqarpoq.

- Juullimi puunnattaassannik tunisinnera uagutsinni nuannaartitseqaaq. Meeqqatta inersimasut ilinniagaqarnertik pissutigalugu illoqarfimmi allami najugaqarneranni nuliaralu ernuttavut arlaqartut paaraavut. Ippassaq juullimi puunnattaara angerlaakkakku meerartatsinnut nuannaartitseqaaq, taakkumi isumaqaramik juullimi puunnattaara niisimaamiit tunissutisiarigiga, Hans Christian Zeeb oqarpoq.

Mamartorpassuit

Sineriammi aalisartut Royal Greenlandip tunisassiorfiinut tunisisartut Royal Greenlandimilu sulisut assigalugit Hans Christian Zeeb juullimi puunnattaamik juullisunitsunik makkuninnga imaqartumik tunisippoq: Qeerlutooq ataaseq, puulukimineq siatassaq, rødkålit, mandelit, suaasat qaqortut, piskefløde, kirsebærsause, kaffit aamma mamakujuttut poortat arlaqartut.

- Juulliaqqami inuit 20-it missaanniilluta nerilerutta juullimi puunnattaama imarisai juullimi nerisassanik allanik akuutinneqarlutik sassaalliutigineqassapput, Hans Christian Zeeb oqarpoq.

Aalisartut Royal Greenlandimut tunisisartit Royal Greenlandillu tunisassiorfiini sulisut katillutik inuit 3666-it siorna 2016-imi juullimi puunnattaassaanik tunineqaramik ukioq manna siornarniitt inuit 75-inik amerlanerusut juullimi puunnattaassannik tunineqarput.

Allattoq: Inga Egede, ineg@royalgreenland.com

Foto: RG

Asseq

 
 

Royal Greenland aperiguk

i
Write the text from the image