Aalisatutsialaat Maniitsumi toqqarneqartut
Maniitsumi aalisartut aalisarluarsimaneranni qujaniarfigineqarmata aalisartutsialaat marluk toqqarneqarput.
Sisamanngornermi 14. december Maniitsumi aalisartut ukiumi 2017-mi Royal Grenlandip Maniitsumi tunisassiorfianut tulaassilluarsimanerat pillugu qutsaviginiarneqarput juullerpalaarnertalimmik, aalisartut amerlanaavillutik 51-iullutik takkuffigisaannik.
Ukioq manna nutaatut Royal Greenlandip tungaanit aalisartutsialannik toqqaasoqarpoq, angallatersorluni aamma umiatsiaararsorluni aalisartunit. Aalisartutsialammik toqqaaniarnermi oqaasertaliussaq imaappoq:
- Aalisartoq ukiuni tulleriinni NUTAAQ-mik aalisarnermi peqataalluartoq, saaffigalugu paasinnilluartartoq, tungitsinnut isummaminik saqqummiisartoq anguniagaqarnitsinnilu tapersersuisartoq!
Angallatersorluni aalisartuni toqqagaavoq Hans Heilmann, umiatsiaararsortunilu toqqagaalluni Frans Petersen.
Aalisartunut ukiup tunisatigut tunisassiatigut ingerlasimanera seqersertagaq atorlugu tunisassiorfiup ingerlatsisuanit Susanne Marie Knudsenimit nassuiaatigineqarpoq.
Allattoq: Lauritz Kreutzmann, Maniitsoq
Assit: RG Maniitsoq
Asseq
