Ammoniakkimik aniasoqarmat inunnik ajoqusertoqanngilaq, aniasorlu qatserisartunit isumagineqarpoq tunisassiorfimmullu aqqummik assersuineq politiinit nal. 10:30-p missaani unitsinneqarpoq.

Malittarisassat malinneqarput

- Tunisassiorfimmut aqqut politiinit qatserisartunillu nakkutigineqarpoq, taakkulu inuit tunisassiorfimmut iseqqissinnaanngornissaat aqqutillu ingerlaarfigineqaqqissinnaanngornissaat pillugit nalunaaruteqartuupput, Royal Greenlandip Nuummi tunisassiorfiani teknikkeqarnermi ingerlatsisoq Max Andersen oqarpoq.

Max Andersenip ilisimatitsissutigaa ammoniakkimik aniasoqarnera ullaaq nal. 7:00-ip missaani aallartissimagunartoq.

- Ammoniakkimik aniasoqartoq paasigatsigu upalungaarsimanissamut malittarisassat naapertorlugit erngertumik iliuuseqarpugut. Taamaammat politiit qatserisartullu piaartumik aggersarpavut, kinguninngualu apuupput periusissartillu malillugu upalungaarsimanissamut qimarngutitsipput, inunnik angerlartitsipput aamma tunisassiorfimmut aqqut assersorpaat, Max Andersen oqarpoq.

Allattoq: Inga Egede, ineg@royalgreenland.com

Assit: John David Eriksen

Asseq

 
 

Royal Greenland aperiguk

i
Write the text from the image