Ukiut siuliinisut Royal Greenlandip Qasigiannguani tunisassiorfia sulisunut aamma tunisassiorfimmut tunisisartunut aallisartut juullimi puunnattaassanik tunineqarput. Qasigiannguanili tunisassiorfik aammaarluni ukioq manna juullimi puunnataassanik agguassassanik sinneqartoormat taakku pisariaqartitsisunut tunniunneqarput.

- Juullimi puunnattaassat 16 –it decemberip 22-iani agguaakkatsigit inunni pisariaqartitsisuni nuannaarutaaqaat, taama oqarpoq Qasigiannguani inunnik isumagittoqarfimmi sulisoq, Najannguaq Olsvig Sandgreen oqarpoq, nangipporlu:

- Nuanneqaaq tunniussilluni pisariaqartitsisunut, kiinnat nuannaartut qujamasuttut takulligit. Ilaat oqarpoq igaassarsiutissaraluani imaallaanngooq meeqqami pissaanik oqartunik atallaarsiutigisinnaanngorlugit. Taamannak tunioraasarneq qamuuna pilluarnarpoq attortinnarlunilu.

Juullimi puunnattaat katillugit 3741-it aalisartunut aammalu sineriammi Royal Greenlandip tunisassiorfiini sulisunut aammalumi Qasigiannguani pisariaqartitsisunut makkuninnga imaqartut agguaanneqarput: Qeerlutooq ataaseq, puulukimineq siatassaq, rødkålit, mandelit, suaasat qaqortut, piskefløde, kirsebærsause, kaffit aamma mamakujuttut poortat arlaqartut.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image