- Aappilattumi tunisassiorfimmik nutaajusimik sanaartornermi atortussanik tunniussinerit kingulliit sapaatip akunnerani uani pissappata Aappilattumi Royal Greenlandip tunisassiorfissaa nutaaq sapaatip akunnerata tulliani tunisassiorluni aallartissinnaassaaq, Royal Greenlandimi teknikkikkut suliani aqutsisoq, Niels Bak oqarpoq.

Aappilattumi Royal Greenlandip tunisassiorfigisimasaa 2017-imi junimi isaterneqareermat tunisassiorfik nutaaq sanaartorlugu aallartinneqarpoq. Tunisassiorfiup nutaap atuutsinneqalernissaa qaammammik ataasimik kinguaattoorfuvoq.

- Aappilattumi tunisassiorfup nutaap sanaartorlugu naammassineqarnissaa pilersaarut naapertorlugu qaammammik ataatsimik kinguaattoorfiuvoq. Kinguaattoorneq ilaatigut sanaartornermi atortussat kingusinaarlutik tunniunneqarnerannik aamma assartuinermi ajornartorsiutinik pissuteqarpoq. Taamatuttaaq sanaartornermi naatsorsuutiginngisamik suliassat pissutigalugit kinguaattoorneq pivoq, Nils Bak oqarpoq, nangipporlu:

- Naak aporfeqarsimagaluarluta aamma kinguaattooraluarluta maanna ukiup naannginnerani naammassisinnaalernerput nuannaarutigaarput. Ukiup naannginnerani naammassisinnaalernerput ilaatigut sanaartornermi suliaqartut aamma Upernavimmi Royal Greenlandimi sulisut sulilluarnerisigut pisinnaalerpoq.

Quersuaq qerititsiviutigisoq angisooq

Aappilattumi tunisassiorfiup nutaap quersuaa qerititsiviutigisoq siuliani atuuttumiit 150 tonisinik imaqarsinnaasumiit marloriaat sinnerlugu angineruvoq.

- Aappilattumi tunisasssiorfimmi nutaami quersuaq qerititsiviutigisoq marloriaat sinnerlugu anginerugami siulianiit imartunerujussuuvoq, Nils Bak oqarpoq.

Nunaqarfimmi aalisartut siornatigut ullormut tonsit pingasut sisamallu akornanni tunisassiorfimmut ullormut tunisisinnaasimalllutik tunisassiorfimmi nutaami ullormut 15 tonsit angullugit tunisisinnaanissaminnut periarfissaqalissapput. Tunisassiorfimmi nutaami aalisakkanik blokkikkaarlugit qerititsissutinik qerinasuartitsivinnik marlunnik ikkusuisoqareerpoq. Quersuup qerititsiviutigisup allineqarneratigut tunisineq tunisassiornerlu ukioq kaajallallugu ingerlanneqarsinnaalissaaq.

Aappilattumi tunisassiorfiup nutaap sanaartorneqarnerani 2017-imi oktobarip naanera tikillugu nunaqarfimmi aalisartut Royal Greenlandip attartugaanut umiarsuarmut tunitsivimmut tunisisarput. Umiarsuup tunitsiviusup atuutsinneqarnerani ukioq manna septembarip qulingat tikillugu nunaqarfimmi aalisartut aatsaat taama tunisaqartigalutik qaleralinnik siornarniit 450 tonsinik annertunerusunik tunisaqarput.

Allattoq: Inga Egede, ineg@royalgreenland.com

Assit: Justine Petersen

Asseq

 
 

Royal Greenland aperiguk

i
Write the text from the image