Juuni | Royal Greenland A/S

30. juni 2017

Kinamiut Uummannamut apuupput

Kinamiut Uummannami Royal Greenlandip tunisassiorfiani suliartorlutik sapaatip akunnerata siuliani nunatsinnut tikittut Uummannami pisut pissutigalugit Qasigianngualiartinneqarallarnikut maanna Uummannamut apuussimalerput.

30. juni 2017

Ukkusissani tunitsivik sapaatiuppat ammaqqissangatinneqarpoq

Ukkusissani qaqqaq sisoormat Royal Greenlandip Ukkusissani tunitsiviutaanut tunisisinnaanerup matuneqarallarneranik kinguneqartumik erngup aqqutaa aserorpoq. Royal Greenlandip Ukkusissani tunitsiviutaani sulisut ippassaammat tunisat tamakkerlugit erngup aqqutaa suli aserunngitsoq tunisassiarisimammatigit tunisassiassanik maangaannartitsisoqanngilaq Uummannamulluunniit aamma assartuisoqanngilaq

27. juni 2017

Kinamiut kalaallillu unammiuaaqatigiipput

Qasigiannguani Royal Greenlandip sulisuisa aaqqissuussipallannerisigut arfininngormat kinamiut kalaallillu isikkamik arsaapput allunaasumillu nutsoruullutik unammiuaaqatigiipput

23. juni 2017

Tunitsivik qanoq innarlersimatiginersoq suli paasineqanngilaq

Nunaqarfimmi Nuugaatsiami arfininngormat unnukkut tassaarsuartoqareernerata kingorna Royal Greenlandip Nuugaatsiami aalisakkanik tunitsiviutaa qanoq innarlersimatiginersoq suli paasineqanngilaq

22. juni 2017

Uummannami nunaqarfiinilu tunisineq aallarteqqippoq

Ullumi sisamanngorneq junip 22-iani 2017 Uummannami Royal Greenlandip tunisassiorfianut –Uummannallu sulluani nunaqarfinni Ukkusissani, Saattuni Ikerasannilu Royal Greenlandip tunitsiviinut qaleralinnik tunisineq aallarteqqippoq

19. juni 2017

Kinamiut suliartortut Qasigianngualiaanneqarallarput

Kinamiut qulingiluat Uummannami Royal Greenlandip tunisassiorfiani suliartorlutik ippassaq sapaammi Kangerlussuarmut apuuttut ullumi Uummannaliarlutik ingerlaqqittussaagaluartut maanna Uummannap eqqaani pisut pissutigalugit Qasigianngualiaanneqalerput

18. juni 2017

Uummannap sulluani Royal Greenlandip tunisassiorfiinut tunisineq unitsikkallarneqarpoq

Uummannap sulluani pingaartumillu Nuugaatsiami pisimasoq ilungersunartoq pissutigalugu tunisassiorfiillu arlallit sunnerneqarsimanerat pissutigalugu Royal Greenlandimit aalajangerneqarpoq, Royal Greenlandip Uummannap pigisaani tunisassiorfiinut tunisineq unitsikkallarneqassasoq.

16. juni 2017

Eqqagassalerinermi suleqatigiit ataatsimuualaarput

Ippassaq juunip ulluisa 15-ianni Saligaatsup Nuummi illoqarfimmi saliititsinerani Royal Greenlandimi sulisut saleeqataapput

15. juni 2017

Nutaaq Cod nunani allani soqutigineqarpoq

Royal Greenlandip nutaaliorluni Maniitsumi saarullinnik tisaanik tunisassiaa Nutaaq Cod ukiuni aggersuni pisisartunut amerlanerusunut tuniniarneqartalissaaq. Tunisassiaq februarimi 2017-imi Tysklandimi aalisakkanik tunisassiortartut saqqummersitsinersuanni tunisassiani qerisuni pitsaanerpaatut “Seafood Star Award”-imik taaguutilinmmik nersornaaserneqartoq Tysklandimiinnanngitsoq aamma Tuluit Nunanni pisisartut akornanni maluginiarneqalerpoq

14. juni 2017

Espersenip Royal Greenlandip Koszalinimi tunisassiorfiutaa ineriartortitsiffiusumik suleqatigiinneq tunngavigalugu pisiaraa

Espersen aalisakkanik qaqortumik nerpilinnik tunisassiortartuni nunarsuarmi siuttuusoq aamma Royal Greenland aalisakkanik qalerualinnillu Atlantikup Avannaata imartaaneersunik niueruteqartartuni nunarsuarmi siuttuusoq ukiuni arlaqartuni atuuttussamik ineriartortitsiffiusumik suleqatigiinneq tunngavigalugu isumaqatigiissusiorsimanertik matumuuna nuannaarutigalugu nalunaarutigaat.

13. juni 2017

Kangaamiut mamartunik pilersuipput

Royal Greenlandip Kangaamiuni tunisassiorfiani ukioq manna tonsit qulit missinginik annertussuseqartunik saarullinnik issimi panertitanik tunisassiorput. Kangaamiuni tunisassiat siulliit februarimi panermatali ingerlaavartumik Nuummi Royal Greenlandip tunisassiorfiani poortorneqariarlutik kingorna nunatsinni atuisunut nassiussorneqarput.

08. juni 2017

Snowboardertartoq pitsaanerpaat akornanni

Snowboardertartoq piginnaaneqarluartoq 19-inik ukiulik Jonas Strømsted Royal Greenlandip aningaasatigut tapiissuteqarneratigut Danmarkimi snowboardertartut aprilimi 2017 Norgemi unammersuarneranni angusaqarluarluni unammersuaqataasoq maanna Freestyle Kraftcenterip 2017-18-imi unammisartut pitsaanerpaat akornanni toqqaaneranni akuuvoq. Jonas Strømsted snowboardertartut pitsaanerpaat akornanni toqqagaanermigut Danmarkimi snowboardertartut pitsaanerpaat akornanni sungiusaqataasarnissaminut periarfissaqalerpoq