Meeqqat Ikiortigit tapiissutinut qujassuteqarpoq
Peqatigiiffik Meeqqat Ikiortigit Nuummiittoq, Kalaallit Nunaanni nuna tamakkerlugu peqatigiiffiup Meeqqat Ikiortigit-p Danmarkimilu Red Barnet-p ataanni inissisimasoq, Kommuneqarfik Sermersuumi meeqqanut ikiortarialinnut ilaqutaannullu poorskerpalaartitsimmat Royal Greenlandimi nunatsinni tunisassianik tuniniaaviup tapiissuteqarneranut atatillugu qujassuteqarluni allagartamik nersorinnissummik tunniussaqarpoq
Royal Greenlandimi nunatsinnni tunisassianik tuniniaavik peqatigiiffik Meeqqat Ikiortigit meeqqanut ikiortarialinnut ilaqutaannullu Nuummi nammineq piumassutsiminnik sulisut illuanni 2017-imi apriilip 14-iani poorskerpalaartitsimmat aalisakkanik issimi panertitanik raajanillu tapiissuteqarpoq.
- Royal Greenlandip aalisakkanik panertunik raajanillu Nuummi nammineq piumassutsimik sulisut illuanni poorskerpalaartitsinitsinnut tapiissuteqarnera Meeqqat Ikiortigit-minngaanneersugut ilaqutariillu meerartallit peqataasut qujamasuutigisorujussuuarput, Meeqqat Ikiortigit-mi nammineq piumassutsiminik sulisoq Rebekka Olsvig oqarpoq.
Rebekka Olsvig Nuummilu Meeqqat Ikiortigit-mi nammineq piumassutsiminnik sulisut allat meeqqanut ilaqutariinnullu Kommuneqarfik Sermersuup ilaqutariinnut sullissiviani sullinneqarnertik pissutigalugu Nuummiittunut assigiinngitsunik sammisassaqartitsisarput.
- Nammineq piumassutsimik sulisarpugut, meeqqanullu ikiortarialinnut ilaqutaannullu sammisaqartitsisarnivut tamarmik tapiissuteqarfigineqartarput. Taamaammat tapiissuteqartoqaraangat qujamasuttaqaagut. Tamatumunnga atatillugu meeqqanik ikiortarialinnik ilaqutaannillu sullissinitsinnut tapersersuisut tamaasa allagartamik nersorinnissummik tunisarpavut, Rebekka Olsvig Red Barnet-imi siornatigut maannalu peqatigiiffimmi Meeqqat Ikiortigit-mi Nuummiittumi ulloq manna tikillugu ukiut 20-t sinnerlugit nammineq piumassutsiminik sulisoq, oqarpoq.
Allattoq: Inga Egede, ineg@royalgreenland.com
Assit: Meeqqat Ikiortigit
Asseq
