Saarulliit akii pillugit isumaqatigiissut inissippoq
Kalaallit Nunaanni Aalisartut Piniartullu Kattuffiat, KNAPK aamma Royal Greenland A/S saarulliit akii pillugit isumaqatigiissuteqarput.
Saarulliit akii pillugit isumaqatigiissut 2017-imi apriilip aallaaqqaataaniit atuutilertussaq isumaqatigiissummik nutaamik isumaqatigiittoqarnissaata tungaanut atuuttussaq Kalaallit Nunaani Royal Greenlandip tunitsiviinut tamanut atuuppoq.
Saarulliit akiinut isumaqatigiissut imaappoq:
Saarulliit niaqullit ammarneqanngitsut: Kiilumut 4,00 koruuninit
Saarulliit niaqullit:
Saarulliit bundgarninik pisat: Kiilumut 5,70 koruunit
Saarulliit aalisaammik ningittakkanilluunniit pisat: Kiilumut 5,75 koruunit
Saarulliit qassutinik kivisittakkanik pisat: Kiilumut 4,75 koruunit
Saarulliit niaqoqanngitsut:
Saarulliit bundgarninik pisat: Kiilumut 8,00 koruunit
Saarulliit aalisaammik ningittakkanilluunniit pisat: Kiilumut 8,00 koruunit
Saarulliit qassutinik kivisittakkanik pisat: Kiilumut 6,00 koruunit
Isumaqatigiissut saarullinnut niaqulinnut ammarneqanngitsunut atuuttoq Maniitsumi Royal Greenlandip tunisassiorfianut saarullinnik uumasunik tunisinermi atuutsinneqartussatut naatsorsuussaasoq ajunngitsorsiassartaqarpoq. Ajunngitsorsiassat tunisat annertussusiannik aallaaveqartoq 2017-imi decemberimi tunniunneqassaaq.
Saarulliit akiisa isumaqatigiissutigineqarnerat pillugu atsioqatigiinneq pivoq marsip 21-iani 2017. Isumaqatigiissuummik atsiortuupput KNAPK-ip siulittaasua Henrik Sangreen aamma Royal Greenland A/S-imi Tunisassiornermi pisortaq Lars Nielsen.
Asseq
