Taama allappoq, Levnedsmiddel Bladet tassa Dansk Aktieanalyse suleqatigalugu ukiumoortumik naatsorsuutit imaluunniit naatsorsuutit pillugit nalunaarutit 2017-imi aggustip aallaqqaataani tamanut saqqummiunneqartut tunngavigalugit misissueqqissaarisoq. Kitsitsisit misissueqqissaarinermi najoqqutarineqartut Erhvervs - og Selskabsstyrelsenimit pissarsiarineqarput aamma suliffeqarfissuup kisitsisaatai najoqqutaralugit naatsorsorneqarput.

Suliffeqarfiit aalisarnermik aallussallit kaaviiaartitaqarnerpaat qulit allattorsimaffiat naapertorlugu Polar Seafood Danmark kaaviiaartitaqarnerpaat tulleraat, tassa 2016-imi kaaviaartitai 3,109 milliard koruuniummata.

Levnedsmiddel Bladet ilaatigut ima aamma allappoq:

- Ukiumi kingullermi qaammatini aqqaneq-marlunni angusat qaammatinilu 15-ini angusat sanilliunneqarmata Royal Greenlandip kaaviiaartitai 14 procentinik siuariaateqarput, tamatumani naatsorsuutit kingulliit saqqummiunneqartut qaammatit 15-it tunngavigalugit suliarineqarmata. Taamatuttaaq ingerlatseqatigiiffiup pingaarnernik ingerlatsinermini isertitai 337 million koruuniummata ingerlatseqatigiiffik aatsaat taama isertitaqartigaaq.

Suliffeqarfiit inuussutissalerinermik aallussallit ingerlalluarnerpaat 100-t allattorsimaffiat tunngavigalugu Danmarkimi suliffeqarfiit kaaviiaartitaqarnerpaat allattorsimaffiat naapertorlugu Royal Greenland kaaviiaartitaqarnerpaat qulingiluaraat.

Suliffeqarfiit inuussutissalerinermik aallussallit ingerlalluarnerpaat 100-t allattorsimaffiat taamatuttaaq suliffeqarfiit aalisarnermik aallussallit kaaviiaartitaqarnerpaat qulit allattorsimaffiat kiisalu suliffeqarfiit inuussutissalerinermik aallussallit qulit sulisoqanerpaalersimasut il.il. allattorsimaffiat Levnedsmiddel Bladet nr. 6 September 2017-imi takuneqarsinnaapput.

Allattoq: Inga Egede, ineg@royalgreenland.com

Asseq: RG

Asseq

 
 

Royal Greenland aperiguk

i
Write the text from the image