Maniitsumi Royal Greenlandip tunisassiorfiani ingerlatsisuata nersornaat nalunaaqutaq pingasut-qeqqanut tunniuppaa.

Ane Kathrine Christoffersen 65-inik ukioqarpoq, uinilu marlunnik meeraqarput arfinilinnillu ernutaqarlutik.

- Nuanneqaaq killitsisimanarlunilu, ilimaginngikkaluarakku taamaattumik nersornaammik tunineqarnissara, kisianni soorunami paasigakku Dronningip nersornaasiuttagaanik tunineqarniarlunga nuanneqaaq taamannak pineqarluni, Ane Kathrine Christorffersen oqarpoq.

Ane Kathrine Christoffersen ukiuni 41-ni sulinermini Royal Greenlandip iluani immikkoortortaqarfiit arlallit suliffigisimavai, ilaatigut raajanik saattuanillu tunisassiortarallarmata peqataaffigisimavai, suleqatigiiaannut aqutsisuuneq ullumikkullu Royal Greenlandip errorsisarfiani sulisarluni.

Ukiuni taakkunani sulisimaninni suna eqqaamanerpaaviuk?

- 1975-ip ingerlanerani sulileqqammerlunga tunisassiorfimmi maskiinalerisarnikuunera aamma eqqaamaqaara nuanneqisoq, taamani paasivara sunaaffa angutit suliassaannik aamma sapernanga. Taamanikkut aamma nuannersut eqqaamasama ilagaat qiteqqukkaangatta illaqattaattarnerput suleqatigiilluta, Ane Kathrine Christoffersen oqaluttuarpoq.

- Suliffik nuannarigaanni suliat artornalaarsinnaasaraluartut nuannersumik tigusaraanni ukiut 41-t anguneqarsinnaapput, Ane Kathrine Christoffersen oqarpoq.

Allattoq: Marie Kuitse Kristensen, mkri@royalgreenland.com

Assit: Jesper Leth Christiansen

Asseq

 
 

Royal Greenland aperiguk

i
Write the text from the image