2018

Sulisut aalisartullu juullimi puunnapput

Sineriammi Royal Greenlandip tunisassiorfiini sulisut 2045-it aamma aalisartut Royal Greenlandip tunisassiorfiinut tunisisartut 1749-it julleriartornerani nerisassanik mamakujttunillu imalinnik juullimi puunnattaassaanik tunineqarput. Royal Greenlandip sulisunut aalisartunullu juullimi puunnattaassanik tunisarnera ileqqoq 2014-imi aallartippoq

Tunisassiorfik aalisartunik qaaqqusivoq

Decemberip ulluisa arfernani Maniitsumi Royal Greenlandip tunisassiorfiani aqutsisut Maniitsumi aalisartut qaaqqugamikkit nuannersumik katerisimaaqatigaat. Katerisimaartitsineq tunisassiorfiup nerisarfiani ingerlanneqarmat tunisassiorfiup aqutsisui ukiup ingerlanerani tunisassiorfimmut tunisat paasissutissallu allat pillugit aalisartunut paasissutissiipput. Katerisimaartitsinermi aalisartut marluk ukiup aalisartuisut toqqarneqarputtaaq

Tunisassiassaqannginneq pissutigalugu sulisut angerlartiinnarneqarput

Uummannami Royal Greenlandip tunisassiorfiani tunisassiassaqannginneq pissutigalugu sulisut 30-it ullumi ataasinngorneq decemberip 17-iani 2018 angerlartiinnarneqarallarput

Ikamiuni suliffeqarfiit silami orpiliartitsipput

Ikamiuni Royal Greenlandip tunisassiorfiani sulisut, aalisartut, Pilersuisumi sulisut aamma nunaqarfimmiut piumasut arfinngorneq 8. december silami orpiliaqatigiipput. Silami orpiliaqatigiinneq Royal Greenlandimi sulisut Pilersuisumilu sulisut ataatsimoorlutik aaqqissuuppaat

Paamiuni saattussanik tunisassiorneq ingerlalluarsimavoq

Ukioq manna saattuarniarnermi aqutsiveqarfimmi Kujataani aamma aqutsiveqarfimmi Paamiuni Nuummilu pisat 70-iisa missingi Paamiuni Royal Greenlandip tunisassiorfiani tunisassiarineqarput. Ukioq manna saattussat Paamiuni tunisat siornarniit procentinik qulinik qaffasinnerummata tunisassiorfimmi sulisut 50-it missaaniittut suliassaqarluarsimapput

Tunisassiorfik iluarsartuunneqaqqammersoq sulisussaaleqivoq

Saattuni Royal Greenlandip tunisassiorfiata iluarsartuunneqarnera pissutigalugu qaammatit sisamat matoqqareerluni sapaatip akunnerani kingullermi ammaqqippoq. Tunisassiorfik siornatigorniit ullormut pingasoriaammik annertunerusunik tunisassiorsinnaanngormat nunaqarfimmi aalisartut ullormut 15 tonsit angullugit tunisisinnaanngorput; kisianni tunisassiorfik sulisussaaleqivoq

Avataq singinneqarpoq

Kalaallit inuiattut erinarsuuterput” Nunarput utoqqarsuanngoravit” højtalerikkut atorneqartoq Royal Greenlandip kilisaatitaassaa “Avataq” novemberip 23-iani Spaniami Bilbaoimi umiarsualiorfimmi Astilleros de Muruetaimi singinneqarpoq. Royal Greenlandip kilisaatissai nutaat marluk, Sisimiut aamma Avataq umiarsualiorfimmi Astilleros de Muruetaimi sanaartorneqartut 2019-imi naammassisussaapput

Saarullinnik uumasunik tunisineq:

Nunaqarfinni umiatsiaararsorlutik aalisartunut iluanaarutaavoq

Saqqami tunisassiorfimmi sanaqqiineq ingerlanneqarpoq

Saqqami Royal Greenlandip tunisassiorfiani tunisassiat pingasoriaatinngorlugit qaffassinnaanngorlugit qerinasuartitsiviit marluk ikkussuuttussaaneri pissutigalugu tunisassiorfik novemberip qulingiluaaniit 20-iat ilanngullugu matoqqanikuulluni ammaqqippoq

Aalisakkat pillugit aallakaatissiorneq

Meeqqat aalisagartorusunnissaat nerisassiornermilu peqataarusunnissaat angorusupparput.

Royal Greenland ilinniartunut nittarsaassinermi peqataavoq

Royal Greenlandimi sulisoqarnermut immikoortortami sulisut aamma Royal Greenlandimi ilinniagaqartut arlaqartut peqatigiillutik Danmarkimi ilinniagaqartunut sammitinneqartumi ippassaq Århusimi suliffeqarfiit nittarsaasssineranni peqataapput.

Unammisitsinermi atortussiat Royal Greenlandimit tunniunneqarput

“Ukioq manna iggarinnerpaaq” Inuussutissalerinermi Ilinniarfimmi, INUILI-mi unnugu toqqarneqartussaavoq. Nunatsinni igasut pikkorinnerpaat sisamat igasunngorniallu qulit iggarinneqqusaallutik unammisinneqarneranni nerisassiorneranni atortussiat atugassaasa ilaat Royal Greenlandimit tunniunneqartut atorneqassapput

Aatsaat taama tunisaqartigipput

Royal Greenlandimi Nunatsinni tunisassianik tuniniaavik nunatsinni tunisassianik tunisatigut oktoberimi 2018-imi aatsaat taama amerlatigisunik kaaviiaartitaqarpoq. Oktoberimi 2018-imi kaaviaartinneqartut 4 millioner koruuningajaapput, taakkulu julimi 2016-imi qaffasinnerpaamik kaaviaartinneqartut 3 millioner koruuniusuniit amerlanerupput.

Raajat naasunik mamarsaatinik akusamik mayonnaisilikkanik naatsiialerlugit

Bulgurit hvidløgilikkat raajalerlugit

Eertanik suppaliaq kinertoq raajalerlugu hytteostilerlugu

Ooqattaagassiaalluartut mamarsaatigineqarluarput

- Aalisakkat qaleruallillu sassaalliutigisavut mamarluinnarlutillu qaffasilluinnartumik pitsaassuseqarput. Aalisakkat qaleruallillu aamma tunisassiat Polar Fish 2018-imik taallugu aalisarneq inuussutissarsiornerlu pillugit saqqummersitsinermi sassaalliutigisakka nunatsinneersuinnaapput. Saqqummersitsinermut orniguttut - canapéliaralugit mamartuliaralugillu saqqummersitsinerup aallartinneraniit naammassinissaata tungaanut sassaalliutigisatsinnik - ooqattaarisut sassaalliutigisavut ajasoorutigaat. Sassaalliutigisavut piareersarlugit aamma nuanneqaaq, igasoq Ilannguaq Hegelund aalisakkat qaleruallillu aamma tunisassiat Royal Greenlandimit tunissutaasut atorlugit canapéliaminik mamartuliaminillu 1.300-t missaanniittunik Arctic Circle Business sinnerlugu sassaalliisoq oqarpoq

Ooqattaagassiat orniguttunit ajasoorutigineqarput

- Mamarluinnarput. Nunatsinni tunisassiat allatut sassaalliutigineqarnerat isumassarsiatsialaavoq. Panimma inuuiani kaffilleruma ilaquttannut ikinngutinnullu sassaalliutigissavakka. Taakuninnga nerisassiornermut ilitsersuutit sumi pissarsiarisinnaavakka?

Raajat cremefraichelikkanik iipililerlugit uanitsulerlugillu

Tunisassiat mamarluinnartut aggiasoqarluartitsipput

Aalisarneq inuussutissarsiornerlu pillugit saqqummersitsineq Polar Fish 2018-imik taallugu Sisimiut timersortarfiani tallimanngormat septembarip 21-aniit sapaat septembarip 23-at ilanngullugu ingerlanneqarmat Royal Greenlandip tuniniaavia ornigarneqarluarpoq. Inuit 1.814-it saqqummersitsinermut ornigupput, orniguttunilu 1000-nit amerlanerusut Royal Greenlandip saarullinnik issimi panertitanik tunisassiaminik mamarluinnartunik miserartuummik chililimmik akusanik taamatuttaaq raajanik mayonnaisemik persillenillu miserartuutiliamik akusanik kuanninillu kissarsuummi siggilasulianik nakkalatsivigisanik ooqattaariartorput.

Royal Greenlandip sulisui qanimut naapikkit

Sapaatip akunnerata naanerani Sisimiuniissaguit, taava aalisarneq inuussutissarsiornerlu pillugit saqqummersitsinermi Polar Fish 2018-mi Sisimiut Timersortarfiani pisussami Royal Greenlandimi aalisarnermik siunnersortit naapikkit imaluunniit Royal Greenlandimi ilinniarfiusinnaasut pillugit paasissutissanik aallerit. Aamma niuertarfeqarfinni igaffissuaqarfinniluunniit sulisut soqutiginnittullu allat tamarmik Royal Greenlandimi nunatsinni tuninisassianik tuniniaavimmi sulisut naapillugit tunisassiat pillugit oqaloqatigiartorsinnaavaat, taamatuttaaq Sisimiut Timersortafissuani saqqummersitsinermi takusassarsiorlutik isertut Royal Greenlandip tuniniaaviani raajanik issimik panertitanik ussiaartorsinnaapput

Royal Greenlandimi ingerlalluartoqarsinnarpoq

Naak Kalaallit Nunaanni aalisarnermi akitsuutinut akilersukkat amerleriaraluartut akileraannginnermi sinneqartoorutit 2018-ip qiteqqunnerani 50 millioner koruuninut pitsanngoriartinneqarput. Pingaarnertut tunisassianik tunisaqarnerup pitsanngoriarnera ingerlalluartoqarneranut pissutaavoq.

Kullorsuarmi aalisartut tunisatik marloriaatinngortikkaat

Containerit qerititsiviutigisut nutaat 40 fodsitut angissusillit qulit, sumiiffiit aalisarfiusinnaasut nutaat aamma Arctic Fish Greenland A/S-ip Kullorsuarmi tunisassiorfianut aasaanerani tunisinerit qalerallit 2018-imi aggustip naanerani tunisaareersimasut 2017-imi tunisanit marloriaammik annertussuseqarnerannut tunngaviupput

Raajat pillugit paasissutissat qulit

Raajanik unnukkorsiorninni immaqa eqqarsaatigineq ajorpat. Kisianniliuna raajat imarmiuusut tupinnarluinnartuullutillu mamarineqarluinnartuusut. Raajat pillugit paasissutissat immaqa ilisimanngisatit ataani allassimapput.

Royal Greenlandip tunisassiai Aarhusimut ooqattaariartukkit

Royal Greenlandip tunisassiai nunat avannarliit mamartuliaataannik Tangkrogenimi septembarip arfineq-aappaaniit qulingiluaat ilanngullugu nittarsaassinersuarmi ukioq manna aammartumik ooqattaariartorneqarsinnaapput

Atserneqassaarlu… Avataq

Royal Greenlandip kilisaatitaassaasa aappaa Avataq-mik atserneqassaaq. Atertaassaa suliffeqarfimmi atissarsiuussilluni unammisitsinerup kingorna toqqarneqarpoq. Atissarsiuussilluni unammisitsinermi ajugaasoq kilisaatip Nuummi atserneqarnissaani peqataassaaq.

Pisarnertut nerisassiarineqartartut stjerneskud

Royal Greenlandip aalisarfiusartuni nungusaataanngitsumik qaleralinniartoqartalernissaa angorusuppaa

Royal Greenland suliniummik - ”Nungusaataanngitsumik aalisarneq pillugu suliniut – Qaleraleralinniarfiusartumik ukkassineq”-mik taallugu - pilersitsivoq.

Kangerluassuarmi katerisimaartitsineq iluatsilluarpoq

Royal Greenland Academy Bootcampimik taallugu Royal Greenlandimi suliffimmik misiliillutik ilinniartunik 16-inik Kangerlussuarmi 2018-imi aggustip 13-ianiit 16-iat ilanngullugu katerisimaartitsivoq.

Raajat peberrodilikkanik karselikkanillu hjertesalaatilerlugit

Ulapaarfimmi suliartortitat affai angerlarlutik aallarput

Kalaallit Nunaanni illoqarfinniit aamma nunaqarfinniit Royal Greenlandip tunisassiorfiinut ulapaarfimmi suliartortitani 100-ngajaasuni 50-it najukkaminnut angerlarlutik ulapaarfik suli qaangiutinngitsoq aallarput. Tamatuma kingunerisaanik Royal Greenlandip tunisassiorfiutaani arlalinni ingerlatsinerup tungaatigut ajalusoorujussuartoqarpoq, Royal Greenlandimi sulisoqarnermi siunnersortaaneq Søren Olsen Damgaard oqarpoq

Japanimiut TV-qarfissuaneersut Ilulissaniipput

Japanimiut TV-qarfissuat; TV Asasimeersut Royal Greenlandip Kangianut tunisassanik tunisassiortarnera, Kinamiut Royal Greenlandip tunisassiorfiini sulisut amerliartornerat taamatuttaaq Kinamiut Kalaallit Nunaanni inuuniarnikkut naleqqussarnerat pillugit aallakaatitassiornissaminnut Royal Greenlandip Ilulissani tunisassiorfianut immiussiartorlutik pulaarput

Wrapsit mamarsaaserlugit tanitanik kapisililerlugit, salsalerlugit avocadolerlugillu

Kangaatsiap eqqaani uumatitsivinnut tulaassuisunnguupput

Kangaatsiap eqqaa piffissami matumani uumatitsivinnut tulassuisuuffiunerpaavoq. Aalisartut Kangaatsiameersut nunaqarfinnillu sisamaneersut saarulliit nunatta avannaanut illikarnerat iluaqutigalugu aningaasarsiorluarfigaat. Juulip aallartilaarnerani saarullinnik uumatitsiviit qulit Kangaatsiap eqqaani inissinneqarpt. Aaalisarnerlu ima ingerlalluartigaaq saarullinnut uumatitsiviit maanna 47-nngorsimallutik.

Tunitsiviit marluk sulisussaaleqingaarnatik tunisassiorsuaarput

Actic Fish Greenland A/S-ip Kullorsuarmi Nuussuarmilu tunitsivii sulisussaaleqingaarnatik tunisassiorsuaarput. Tuniasassiorneq ima ingerlalluartigaaq allaat containerinik qerititsivilersuineq malinnaarpiarsinnaani.

Saattuni tunisassiorfik nutartissammat qaammatini pingasuni matoqqassaaq

Saattuni tunisassiorfik qerinasuartitsiveqalersinniarlugu ilaneqarnissaa pissutigalugu tunisassiorfik qaammatini pingasungajanni matoqqasussanngorpoq. Tunisassiorfik ammaqqippat pingasoriaammik tunisassiortoqarsinnaalissaaq. Nunaqarfimmi aamma sulisussaaleqisoqarmat sulisunut arfineq-pingasunut inissalimmik inissialiortoqassaaq.

Maniitsup tunisassiorfiani saleersuaartut

Maniitsumi 2018-imi juulip 20-ani tunisassiortoqannginneranut ataatillugu tunisassiorfiup silataani saleersuaartoqarlunilu kar-inik tunisassiorfiup iluani errortuinersuaqarpoq.

Ammassannik niuertarfinnut pilersuisoqassanngilaq

Silap nillernerujussua pissutigalugu Royal Greenland ukioq manna ammassannik qerisunik tunisassiorsinnaanngilaq. Niuertarfiit Royal Greenlandillu tunisassiorfii aalisarnermi ammassannik neqitsersuutissanik tuniniaasartut ammassannik qerisunik Royal Greenlandimit pissarsinissartik ukioq manna naatsorsuutigisinnaanngilaat.

Alisakkat nunatsinneersut Tysklandimi inatsisartoqarfimmi

Royal Greenland Tysklandimi sumiiffiit akimanersaanni inatsisartoqarfimmi nammineq tunisassiat atorlugit nerisassianik mamartuliat aallaavigalugit sapaatip akunnera naallugu misigisassaqartitsivoq. Ussagartut mamartunik ooqattaagassanik Kalaallit Nunaannillu soqutiginnilluarsimapput.

Innaarsunni tunisassiorfik qimatsinneqarpoq

Royal Greenlandip Innaarsunni tunisassiorfia iluliarsuup nunaqarfiup avataaniittup aseroratarsinnaaneranit qimarngutitsiffiusunut siusinnerusukkut ilaasimanngikkaluartoq ippassaq qimatsinneqarpoq. Tunisassiorfiup qerititsiveqarfia nakkutigineqanngippat qalerallit 175 tonsit qerititsivimmiititat asiuinnarsinnaapput.

Tulaassuinermi pilersaarutit aningasatigut annaasaqatsaaliutaapput

Tulaassuinermi pilersaarutit Royal Greenlandip aningaasarpassuarnik annaasaqarnissaraluanik pinaveersaarutaapput pingaarutillit. Uummap tunisassiorfiani aalisartut piniartullu peqatigiiffiat suleqatigalugu tulaassuisarnernik aqutsilluartoqarpoq, aalisakkanillu 2014-imili eqqaasoqaqqissimanngilaq.

Sulisussaaleqisoqarmat sulisut sulipiloorput

Sineriammi Royal Greenlandip tunisassiorfiini katillugit silisut 120-it missingi maannakkorpiaq amigaatigineqarput. Ingammik Upernavimmi, Uummannami Maniitsumilu Royal Greenlandip tunisassiorfiini sulisunik amigaateqarput

Aappilattumi tunisassiorfik ammaqqinneqarmat nuannattunnguupput

Ullumi ulloq Aappilattumi nuannattunnguaqarpoq. Qaanaammi tikisitat sisamat ikiorsiullugit Royal Greenlandip Aappilattumi tunisassiorfia tunisassioqqissinnaalerpoq.

Inughuit Seafood A/S-imut tunisineq quleriaammik qaffariaateqartoq

Qaanaami aalisartut Royal Greenlandilu piginneqatigiillutik 2014-imi tunisassiorfik Inughuit Seafood A/S –ip pilersinneraniit tunisassiorfimmut qaleralinnik tunisineq ukiut sisamat ingerlanerini quleriaammik annertusivoq. Piginneqatigiiffiup pilersinneqannginnerani tunisassiorfimmut tunisat ukiumut 20 tonsit missinganiitarnikuusut ukiut sisimat qaangiunnerini november 2017-imiit juni 2018 –i tikillugu qalerallit 225 tonsit tuneqarlutik tunisassiarineqarput

Aappilattumi tunisassiorfik sulisussaaleqisoqarneranik matoqqagallarpoq

Aappilattumi Upernaviup eqqaaniitumi tunisassiorfik ukiup affaanik pisoqaassusilik sulisussaaleqineq pissutigalugu matoqqagallartinneqarpoq. Naak aalisartut tunisassiornermi ikiuukkaluartut tunisassiorfik tamakkiisumik tunisassiorsinnaanngilaq.

Sivikitsuinnarmik tunisinermi killilersuisoqarpoq

Uummannami Ukkusissanilu Royal Greenlandip tunisasssiorfiini teknikkikkut ajoquteqartoqarnera pissutigalugu junip ingerlanerani Uummannami aalisartut tunisinerat ulluni arfinilinni killilersorneqarpoq. Sapaatip akunnerata 26-ip ingerlanerani teknikikkut ajornartorsiutaasut aaqqinneqarmata aalisartut killilimmik tunisinerat unitsinneqarpoq, Uummannamilu Royal Greenlandip tunisassiorfiani tunisassiorneq maanna ingerlavaartumik ingerlasoq, Uummannami tunisassiorfiup ingerlatsisua Kirsten Kristensen Worm oqarpoq

Imarsiortut katerisimaartinneqarput

Angutit inuusuttut 15-it ilinniakkamik ingerlatsinerminnut imarsiortunngorniarnerminnullu atatillugu kilisaatini Royal Greenlandimit pigineqartuni ilinniartuusut inuttut ineriartorneq pillugu pikkorissartinneqarlutik maajimi katerisimaartinneqarput

Innuttaasunik ataatsimiisitsineq ornigarneqarluarpoq

Maniitsumi innuttaasut 60-iniit amerlanerusut marlunngormat junip 19-iani Royal Greenland Maniitsumi innutaasunik ataatsimiisitsinerani takkupput. Maniitsumi Royal Greenlandip saarullinnik uumasunik tunisassiorneranut atatillugu umiarsualivimmi saarullinnik uumasunik nuutitsivinnik marlunnik atuutsitilernera innuttaasunik ataatsimiisitsinermi paasissutissiissutigineqarpoq

Qalerallit pujuukkat grillikkanik aspargesilerlugit pestolerlugillu

Kapisillit pujuukkat mamarsaasikkanik iipililerlugit aappaluttunillu uanitsulerlugit

Mexicomiutut salaatiliat totoposilerlugit

Innuttaasunik ataatsimiisitsinissamut qaaqqusissut

Maniiitsumi innuttaassunik ataatsimiisitsinissamut Royal Greenland qaaqqusivoq katersortarfimmi marlunngorneq junip 19-iani nalunaaqutaq 19:00- imiit 20:45 tungaanut

Royal Greenlandimi atorfilik Canadami akissaasersugaanngitsutut konsuulinngortinneqartoq

Royal Greenlandip Canadami suliffeqarfiutaata Quin-Sea Fisheries Limitedip tunisassiorfiini pisortaaneq St. John’s-imi 2018-imi juunip aallaqqaataani akissaasersugaanngitsutut kosuulinngortinneqarpoq. Simon Jardingip Danmarkip aallartitaqarfia sinnerlugu Newfoundlandimi Labradorimilu akissaasersugaanngitsutut konsuulinngortinneqarnera ilutigalugu Royal Greenlandip atorfilittaminik nunarsuarmi immikkoortortaqarfippassuisa ilaanni aatsaavissuaq kosuuleqalerpoq.

Saattuni nalliuttorsiortoq nalliussineqarpoq

Saattormiu 41-nik ukiulik Arne Zeeb Royal Greenlandip Saattuni tunitsiviani sulinermini 2018-imi ataasinngorneq juunip sisamaani ukiunik 25-nngortorsiorluni nalliuttorsiorpoq. Arne Zeeb nalliuttorsiornerminut atatillugu allagartamik nersornaatisiamik Naalakkersuisut siulittaasuannit Kim Kielsenimit atsiukkamik tunineqarlunilu tunniusimalluarluni ukiuni 25-ni sulinerminut atatillugu Royal Greenlandimit aningaasanik kajumissaaserneqarpoq.

Umiarsuup qaavaniit aquttarfianut

Angallammi naalakkatut ilinniarsimasut kilisaatini avataasiutini qaamiutut massakkut inuttaasut kilisaatini avataasiutini siunissami aquttuunerulernissaat naalaganngornissaallu anguniarlugit aquttarfimmiunngortinnissaannut ilinniartinneqarnissaat Royal Greenlandimit sulissutigineqarpoq

Umiarsuaq oqimaannerpaaq Bilbaoimi singinneqartoq videoliatut

Royal Greenlandip kilisaatitaassaasa marluusut aappata singinneqarnera pilersaarutit malillugit Spaniami Bilbaoimi amutsivimmi Astilleros de Muruetami sisamanngornermi kingullermi ingerlanneqarpoq.

Royal Greenland Naalagaaffit Peqatigiit anguniagaat tunngavigalugit pilersaarusiukkamik ingerlatsilissaaq

Royal Greenland suliniummik suliffeqarfiit ingerlatsinerannik Naalagaaffiit Peqatigiit nunarsuarmi piujuartitsinermik ineriartortitsineq pillugu 2030 qaangiutsinnagu anguniagaat 17-iusut tunngavigalugit patajaallisaanermut iluaqutaasussamik Danmarkimi suliffeqarfiit 20-t peqatigalugit ingerlatseqataavoq

Ice Trawl Greenland A/S tapiissuteqartalissaaq

Uummannami, Ilulissani Qasigiannguani Sisimiunilu atuaqatigiiaat atuartullu ataasiakkaat Nunani Avannarlerni oqaatsitigut, avatangiisimut tunngasunik kulturikkullu tunngasunik paasisassarsiorlutik angalanissaannut aningaasatigut tapiissuteqartoqartalissaaq. Atuaqatigiianut atuartunulluuniit ataasiakkaanut immikkut eqiasuitsunut, piumassuseqartunut piginnaanilinnullu akissarsititsinernut atugassanik tapiissutinik aamma qinnuteqartoqarsinnaavoq

- Royal Greenlandi isertitaqarnerulersitsivoq

Taama oqarpoq Qeqqata Kommuniani kommunalbestyrelsimi ilaasortaq Maniitsumeersoq, Karl Lyberth. Saarulliit uumasut Maniitsup eqqaani aalisartut pisaat uumatitsivimmiiteriarlugit Maniitsumi tunisassiorfimmi Nutaaq Cod-iliaralugit Royal Greenlandip 2014-imi tunisassiarisalermagit Maniitsumi innuttaasut ataasiakkaat isertitarisartagaat agguaqatigiisillugit procentinik 22-inik qaffannera pillugu, Karl Lyberth taama oqarpoq

Nuummi aalisartut saarullinnik uumasunik tunisipput

Royal Greenlandip saarullinnik uumasunik tunisineq maanna Nuup eqqaanut siaruarpaa. Sapaatit akunnerit arlaqanngitsut qaangiuppata Sisimiuni aalisartut aamma umiarsuarmut uumatitsivimmut “Maniitsumut “ saarullinnik uumasunik tunisisinnaalissapput. Umiarsuaq “Maniitsoq maanna aalisakkanik uumasunik Nuup eqqaaniit, Maniitsup eqqaaniit Sisimiullu eqqaaniit saarullinnik uumasunik Maniitsumi Royal Greenlandip tunisassiorfiani Nutaaq Cod-iliassanik assartuisalissaaq

Siulersuisuni ilaasortat qinigassanngorteqqittut

Siulersuisuni ilaasortat ataatsimeersuarnermi qinigaasimasut Royal Greenlandip maajip 16-iani ileqquusumik ataatsimeersuartitsinissaani qinigassanngorteqqipput.

Qasigiannguani “Maaji peqqissuutiguk”

Qasigiannguani Royal Greenlandip tunisassiorfiani sulisut Qasigiannguani “Maaji peqqissuutiguk” –mi illoqarfimmi aaqqissuussinerni aaqqissusseqataapput

Kapisillit-nunatsinneersuunatik-Norgemi-tukertitsivinneersut

Namminersorlutik Oqartussat kapisilinniarnermut nalunaarutaat naapertorlugu Kalaallit Nunaanni kalaalimineerniarfinni aamma pisortat suliffeqarfiutaannut neriniartarfinnullu taamaallaat tunisassanik kapisilinniartoqarsinnaavoq. Royal Greenland kapisilinnik Kalaallit Nunaanneersunik tunitsivigineqarnissamut niueruteqarnissamullu akuersissuteqanngilaq, taamaattumik kapisillit Norgemi tukertitsivimmeersut atorlugit tunisassiaminik niueruteqartarpoq.

Suliffeqarfipput qinerneqarnissaq piinnarlugu pinnguarineqassanngilaq

Hermann Berthelsenip aviisimi Sermitsiami siunnersuuteqarneranut qisuariaat.

Iliuusissatut pilersaarut iluatsippoq: Royal Greenland siuariartortuarsinnarpoq

Royal Greenland 5,6 milliarder koruuninik kaaviiaartitaqarluni akileraannginnermi 253 millioner koruuninik isertitagissaarluarpoq. Taama pisoqarsinnaasimavoq naak ukiup affaani kingullermi allamiut aningaasaasa ineriartornerat 80 millioner koruuninik kingunerluuteqarfiugaluartoq.

Atorfimmi qaffakkiartorsinnaaneq kajungilersitsivoq

Nunani assigiinngitsut akornanni aallutaqarneq aammalu atorfimmi qaffassinnaaanemut periarfissat, tassa ilaatigut tamakku pissutigalugit kilisaateqarfimmi nalunaarusiornermi ilitsersusisup, Mikkel Krogh Søndergårdip aamma sulisoqarnermi immikkoortortami sulisup Tina Hansenip, maanna Royal Greenlandimi atorfeqarnerannut tunngaviupput. Taakku inuusuttut marluk Ilisimatusartut Kattuffiata ILI ILIp suliffeqarfinnik nittarsaassinerani tallimanngorneq aprilip 13-inia Ilisimatusarfimmi pisumi Royal Greenland sinnerlugu saqummiisuupput

Jacob Poulsenimut eqqaaniut

Jacobip 82-inik ukioqarluni ulloq 2. april toqukkut qimagunneratigut pujortaataa qamippoq oqaluttuallu nuannersut nipaarupput. Inuuneq sivisooq misigisaqarfiulluartorlu ingerlappaa, taamaakkaluartorli Jacobip akornatsinniikkunnaarnera tusarlugu assut aliatsannarpoq. Suleqatitsialak oqaluttuallaqqissorlu annaavarput.

Piginnaanngorsaanissamik suleqatigiissuteqartut

Royal Greenland aamma suliffeqarfik VMS Group Danmarkimiittoq maskiinalerinermik ingerlatsisunngortussanik piginnaanngorsaanermik suleqatigiissuteqalerput, taamalu ilaatigut aqumiunik sulisussaaleqilernissaq pakkersimaarniarneqarpoq.

Imarsiortunngorniat pikkorissartinneqarput

Royal Greenlandip nunaqavissunik ilinniarsimasunik amerlanerusunik inuttaqalernissaq anguniarlugu suliniuteqarneranut atatillugu suliffeqarfissuup kilisaataataani qaamiut arfineq marluk qalulerinermik aamma qalut aserfallaatsaaliorneqartarnerat pillugu pikkorissartinneqarput. Qalulerinermik qalunillu aserfallatsaaliuinermi pikkorissarneq ulluni arfinilinni sivisussuseqartoq Thyborønimi Fiskeriskolen suleqatigalugu ingerlanneqarpoq

Royal Greenland A/S-ip Nuummi qullersaqarfiani nerisarfik igasunngorniartumik ilinniartussarsiorpoq

Igaffimmi anginngitsumi tamatigoortumilu sulerusuppit? Ilinniarnerit suliffeqarfiup igaffiani pimoorullugu ingerlakkusuppiuk aamma misilittakkatit piginnaasatillu tunngavigalugit suliatit pillugit ilikkagaqarluarusuppit kiisalu suleqatinik suleqateqarnermik aallussaqarusuppit? Taava igasunngorniartortaarerusuppatsigit!

Nioqqutissianik ineriikkanik sikukkut assartuineq

Aalisartut Ukkusissaneersut, Saattuneersut, Ikerasammeersut Uummannameersuullu 40-iniit amerlanerusut qalerallit nioqqutissiat ineriiikkat pallit 600-iniit amerlanerusut nunaqarfinnit Uummannami Royal Greenlandip tunisassiorfianut qamuteralannik sikukkut assartorpaat. Assartuisoqarneratigut nunaqarfinni qerititsiviit imaarneqarmata nunaqarfinni aaalisartut nunaqarfimminni tunisinertik ingerlatinnaarsinnaavaat

Tunumeersunik ulapaarfimmi sulisussanik toqqaasoqarpoq

Royal Greenadimi sulisoqarnermut immikkoortortaqarfimmi sulisut sulisinnaasunik oqaloqateqariartorlutik marloriarlutik Tasiilamut angalareerlutik Kitaani Royal Greenlandip tunisassiorfiini 2018-mi ulapaarfimmi sulisisinnaasut 27-it suliffissaannik neqeroorfigisinnaasaatik toqqarpaat

Qaanaami aalisarneq tunisassiornerlu siuariartuinnarpoq

Qaanaami Inughuit Seafood A/S-ip tunisassiorfianut qaleralinnik tunisineq ukiuni kingullerni annertusiartuinnarpoq. Maanna Qaanaami tunisassiorfimmi qalerallit paperuikkat niaqquikkallu tunisassiarineqalermata sulisut tallimaasimasut maanna 15-it 19-illu akornanni amerlassuseqalerput

25.000 koruunit MIO-mut

Royal Greenland akilersuisarfittut sillimmasiisarfimmi Atradiusimi makitsinikkut eqqugassamik aannerpaamik 25.000 koruninik aningaasartalimmik eqquivoq, aningaasallu Meeqqat Pisinnaatitaaffiinut Sullissivimmut MIO-mut ullumi tunissutigineqarput.

Ataavartumik issinnera aalisakkanik panertitsinermi iluaqutaavoq

Kangaamiuni Royal Greenlandip tunisassiorfiani aalisakkanik issimi panertitanik tunisassiornermi ataavartumik issittuarnera iluaqutaalluarpoq

Suleqataalersinnaasut Tunumi naapinneqarput

2018-imi ulapaarfiup nalaani Kitaani tunisassiorfinni sulisussanik Tunumeerssunik inunnik 20-it 30-illu akornanni amerlassuseqartunik Royal Greenlandip sulisussarsisinnaanissani neriuutigaa. Tassunga atatillugu Royal Greenlandimi sulisoqarnermut immikkoortortaqarfimmi sulisut marluk sulisorilersinnaasat naapikkiartorlugit Tasiilamiipput

Oqilineqqusaannermik unammitsineq iluatsilluartoq

- Tulluusimaarutigeqaara qaammatip ataatsip iluani kiilut arfineq pingasut oqiligama, aamma naammagisimaaqaara oqilineqqusaannermik unammisitsinermi suliffitsinni immikkoortortarput, tassalu aningaasarsialeriffik oqilineqqusaannermik unammisitsinermi ajugaammat, taama oqarpoq Royal Greenlandip allaffissuani aningaasarsialeriffimmi sulisoq, Vilhelm Willumsen.

Aappilattumi kujataaniittumi aningaasaqarniarneq siuariaateqarfiusoq

Royal Greenlandip Aappilattumi kujataaniittumi tunitsivik novembari 2014-mi ammarmaguli Aappilattumi aalisartut puisip amiinik tunisinermik 2014-ip tungaanut inuussutissarsiuteqarsimasut isertitarisartagaat amerlanerujussuanngorsimapput. Aappilattumi aalisartunut tunisatigut akiliutigineqartut 2015-imi 1,5 million koruuniupput, taakkulu 1 million koruunit missaannik amerlipput 2017-imi akiliutigineqartut 2,5 million koruunit missaaniimmata

Aalajaatsunik sulisoqarneq siuariaateqartitsivoq

Royal Greenlandip Uummannani tunisassiorfiani qalerallit nerpii nioqqutissatut naammasseriikkatut tunisassiarineqartartut annertunerulerput, aamma tunisassiorfimmi sulisut nunaqavissut Kinamiullu aalajaatsuummata ataavartumik tunisassiortoqartarnera pissutigalugu Uummannami aalisartut tunisinissaminnut isumaqatigiissuteqarfigeqqaarata tunisassiorfimmut tunisiartortarput.

Upernaviup nunaqarfiini tunisassiorfinni suliniutit

Royal Greenlandi Upernaviup eqqaani nunaqarfinni tunisassiorfinni nutarterilluni suliniuteqarpoq. Kullorsuarmi, Innaarsunni, Tasiusami Nutaarmiunilu tunisassiorfinnik nutarterinerit aalisakkanik annertunerusunik tunisisoqarsinnaalerneranik, annertunerusunik tunisassiorsinnaanermik aamma tunisassianik naleqarnerulersitsinermik nassataqassaaq. Innaarsunni Aappilattumilu tunisassiornerup annertusinera pissutigalugu sulisut ilaneqassammata Royal Greenland nunaqarfinni taakkunani sulisut inissaannik sanaartortitsissaaq

Iffiat kapisilinnik pujuukkanik aggukkanik qallersukkat

Oquuttat bearnaisemik miseralerlugit

Nunanit allaniit suliartortut 27-it tikissapput

Sulisussanik nunanit allaneersunik inunnik 27-inik Royal Greenland tikisitsiniarluni sulinissamut najugaqarsinnaanermullu akuersissut maanna utaqqivaa. Sulisussat nunani allaneersut nutaat Tasiusami, Ilulissani, Sisimiuni Maniitsmilu Royal Greenlandip tunisassiorfiini sulissapput. Sulisussat 27-iusut ilaat 18-it Kinaminngaaneerput allalli qulingiluat Filipinerineersut aprilimi tikissapput

Royal Greenlandip atuagassiaq saqqummersittagaa Navigatio saqqummerpoq

Royal Greenlandip Maniitsumi tunisassiorfiani Maniitsumilu aalisartut saarullinnik uumasunik tunisisarnerannut atatillugu pisartut pillugit allaaserisat Navigatiomi atuakkit, kinamiut Maniitsumi inuunerat pillugu paasisaqarit aamma Nuugaatsiami Royal Greenlandip tunisassiorfigisimasaani sulisut Nuugaatsiami tassaarsuaqarnerani tussunngunartunik misigisalikkersaarutaat pillugit atuarit, kiisalu allaaserisat allat paasissutissiisut soorlu makku pillugit:

Kangaatsiami tunisassiorneq 400 procentingajannik qaffariaateqarpoq

Royal Greenlandip Kangaatsimi tunisassiorfiani aamma nunaqarfiini Attumi, Ikerasaarsummi Niaqaornaarsummilu tunitsivinnut tuninisineq 2012-imiit 2017-imut 400 procentingajannik qaffiaraateqarpoq

Qaffasinnerpaamik angusaqarluni ilinniakkaminik naammassinnittoq

Royal Greenlandip qullersaqarfiani laboratoriami ilinniartuusimasoq Else Berthelsen sisamanngornerup ullaap tungaani aqqaninngoriartulersoq Danmarkimi Erhvervsakademiet Lillebæltimi misilitsiffissaminut iserpoq. Akunnerup affaani power pointi atorlugu saqqummiussereerluni misilitsiffimminiit anillappoq saqqummiinini naammagisimaarlugu. Minutsip ataatsip ingerlareernerani inimut misilitsiffigisimasaminut iseqquneqarpoq tassani ilinniarnermini naammassinnilluni qanoq angusaqarsimanini tusassallugu

Qullukkiorunnaarlutik saarullinnik panertitsisalerput

Uummannap pigisaani Ukkusissani Royal Greenlandip tunisassiorfia ukioq kingulleq qullukkiussaarami saarullinnik tisaanik issimik panertitanik tunisassiulerpoq. Saarullinnillu issimipanertitat panertinneri ingerlalluartoq Ukkusissani Royal Greenlandip tunisassiorfiani aqutsisup, Johanne Samuelsenip oqaatigaa:

Raajat qalipallit assigiinngitsunik pingasunik miserartuuserlugit

- ”Aalisakkanik passussilluarnikkut pitsaassuseq qulakkeeruk”

Tamanna attaveqatigiinnermut immikkoortortap tunisassialerinermullu immikkoortortap videoliarititaanni qulequtarineqarpoq. Videoliarititaat Royal Greenlandip tunisassiorfiinut tunitsiviinullu pilersuisuinut paasissutissiissutiliaralugu suliaavoq

Eqquiniaatitsinermi makitaasut nuannattunnguupput

Royal Greenlandip Unnuk Kulturisiortitsinermi inersimasunut eqquiniaasitsinerani tunisassiat karsikkaat eqqugassaritinneqartut meeqqanullu pinnguaarniarfimmut pisiniutissaq ajugaasunit nuannaarutigineqaqaat.

Royal Greenlandimi Unnuk Kulturisiorfik ussagarneqarluarpoq

Royal Greenlandimi Unnuk Kulturisiorfik iluatsilluarpoq. Ukioq manna Royal Greenlandimi Unnuk Kulturisiorfik siornamut naleqqiullugu inunnit marloriaammik amerlanerusunit ornigarneqarpoq. Ilaqutariit, aappariit ikinngutigiiallu inuit 1300 –nit amerlanerusut Royal Greenlandimi Unnuk Kulturisiorfik sumiiffinni assigiinngitsuni pingasuni ingerlanneqartoq ornigarpaat

Unnuk Kulturisiorfimmi neriartuutaa aliikkusiarit

Royal Greenlandimukarlutit nerisassianik nunatsinneersunik mamarsaakkanik nereqqaariarlutit unnuk Kulturisiorfik aallartiguk. Nerereeruit unammisitsinermi apeqqutit eqqortumik akigukkit nunatsinniit tunisassianik imaaneersunik eqquisinnaavutit aamma suliffeqarfissuup iluani ilinniakkat suut ilinniarneqarsinnaanersut pillugit paasiniaaninni meeqqatit titartaallutik unammeqataasinnaapput.

Aalisartut pingasut tapiissuteqarfigineqarlutik umiatsiaarartaarput

Namminersorlutik Oqartussat inuussutissarsiutinut tapiissutaat ESU aqqutigalugu kujataani Aappilattumi aalisartut pingasut tapiissuteqarfigineqarnermikkut taamatullu Royal Greenlandimiit aningaasatigut atukkerneqarnermikkut umiatsianik naleqquttunik pisisinnaanngorput. Aalisartut taakku pingasut ESU aqqutigalugu tapiissuteqarfigineqaramik Royal Greenlandimillu aningaasanik atukkerneqaramik tamarmik umiatsiamik Poca 600 –mik 225 HK-inik motoritalimmik pisaarsinnaanngorput

Raajat iipililikkanik, avocadolikkanik granatiipililikkanillu salaatilerlugit