- Nunaqarfimmi innuttaasunik orpiliartitsineq Pilersuisumi sulisut peqatigalugit aqqissuupparput. Orpiliaqatigiinnermi nunaqarfimmi aaalisartut qulingiluat ukiumi qaangiuttumi tunisassiassanik tunioraalluarsimanerannik qujasssuteqarfigalugit juullimi puunnattassanik tunissuteqarfigaavut, taama oqarpoq Ikamiuni Royal Greenlandip tunisassiorfiani ingerlatsisoq, Thara Jerimiassen. Taanna aamma oqarpoq suliffeqarfiit ataatsimoorlutik aaqqissuussinertik iluatsilluartoq:

- Uagut orpiliaqanngeriatta Pilersuisumi sulisut nunaqarfimmiunik orpiliaqatigiisitsilluta aaqqissuusseqatigerusunneraatigut aperivagut. Nunaqarfitsinni suliffeqarfiit ataatsimoorlutik aaqqissuusisarnerat akuttummat silami orpiliartitsineq kingornalu Pilersuisup iluani sutoqatigiinneq iluatsilluarpoq. Aamma orpiliaqatigiinnermi aalisartut tunisassianik pilersuilluarsimanerannik qutsavigineqarnertik nuannaarutigeqaat, Thara Jerimiassen oqarpoq.

Nunaqarfimmiut Pilersuisup silataani orpilaqatigeereeramik Pilersuisup iluani kaffisoqatigiillutillu tiitoqatigiipput meeqaallu saftituullutik kaagerallerfigineqarput.

Ikamiut 90-it missaannik inoqarpoq.

Ikamiuni orpilaqatigiinnermi assilisat allaaserisaq ataani takuneqarsinnaapput.

Allattoq: Inga Egede, ineg@royalgreenland.com

Assit: Thara Jerimiassen

Asseq

 
 

Royal Greenland aperiguk

i
Write the text from the image