Katerisimaartitsinermi aalisartunit 40-it 50 –illlu akornanni peqataaffigineqartumi tunisassiorfiup ingerlatsisua Susanne Olsen aamma aalisarnermut siunnersorti Lauritz Kreutzmann qaaqqusanut tikilluaqqusereeramik kingorna ukiup ingerlanerani tunisassiorfiup angusai aamma tunisassiorfimmut tunisat pillugit paasissutissiillutik saqqummiussineranni erinarsoqatigiittoqartarpoq qaaqqusallu kaffi, the, kaaginillu sassaallerfigineqarlutik.

Tunisassiorfiup ingerlatsisua aamma aalisarnermut siunnersorti saqqummiigamik ilaatigut

2018-imi aallisarnerup killiffissiorneqarnera, qalerallit MSC-tut akuerineqartut kilisaat Sisimiunit tulaanneqartut pillugit paasissutissiineq, nipisat suaat 2018-imi tunisat pillugit paasissutissiineq, saarullinnik uumasunik Nutaaq Cod-inik tunisineq tunisassiornerlu pillugit paasissutissiineq, kiisalu tunisassiorfiup tunisassiarisaasa nutaajunerpaaq, tassalu saarulliit tinguinik olialiornerup aallarnisarneqarnera pillugu paasissutissiineq ingerlappaat.

- Katerisimaaqatigiinnermi Maniitsumi Royal Greenland-ip erinarsoqatigiittartui erinnamik aalisartunut tulluuttumik erinarsorput akunniliullugu tussiaqatigiittoqartarluni Peter L. Josefsen pattagissamik ingiortigalugu, taama oqarpoq Maniitsumi Royal Greenlandip tunisassiorfiani sulisoqarnermut siunnersorti, Bitten Heilmann.

Katerisimaartitsinermi aamma ukiup aalisartuinik toqqaasoqarpoq. Umiatsiaararsortuni toqqarneqarpoq, Svend Heilmann angallataatilinnilu Kristoffer Jessen toqqarnermata toqqaanermi oqaatsit uku tunngavilersuutigineqarput:” Aalisartoq ukiuni tulleriinni NUTAAQ-mik aalisarnermi peqataalluartoq saaffigalugu paasinnittartoq, tungitsinnut isummaminik saqqummiisartoq anguniagaqarnernitsinnilu tapersersuisartoq”.

Katerisimaartitsineq naggaserlugu aalisartut puunnatsinneqarput.

Katerisimaartitsinermi assilisat allaaserisaq naqqani takuneqarsinnaapput.

Allattoq assiliisorlu: Bitten Heilmann

Asseq

 
 

Royal Greenland aperiguk

i
Write the text from the image