Unnuk Kulturisiorfik Royal Greenlandip aaqqissuussaa arfinngorneq januaarip 20-ani nalunaaqutaq pingasuniit arfineq-marluk tungaanut Qasapi 2-3-mullu peqataaffigiartoruk. Ukioq manna Royal Greenlandip “Igaffik” Unnuk Kulturisiorfissatut attartorpaa tunisassiorfimmut qaninnerummat.

Royal Greenlandip Unnuk Kulturisiortitsinerani ilaatigut “Igaffimmi” Nuuk Transportip illuutaani pisussami erinarsortartoq Malu Fleischer tusarnaartitsissaaq nalunaaqutaq 16:30-miit 17:00 tungaanut aamma nalunaaqutaq 17:30-miit 18:00 tungaanut.

Unnuk Kulturisiorfimmi Royal Greenlandip igasua Sune Bjerre ilaatigut aalisakkanik mamarsaakkanik suppiliussaaq igaavilu Royal Greenlandip Nuummi tunisassiorfiata akia tungaani “Igaffik”-mi sassaalliutigineqassapput.

- Pulaartut igasutta igaavinik neriartuutigalutik tusarnaariarlutillu aamma assigiinngitsunik unammisitsinerni pinnatassartalinnik peqataajartorsinnaapput. Pinnatassat annerit ilagaat Royal Greenlandip tunisassiai assigiinngitsut soorlu: Raajat, saattuat saarulliillu nerpii nunatta imartaaneersut, Royal Greenlandimi nunatsinni tunisassianik tuniniaavimmi tuniniaasoq, Kaassannguaq zeeb oqarpoq.

Sumiiffiit pingasut

Royal Greenlandip unnuk Kulturisiortitsinera immikkoortunut pingasunut avinneqarpoq, kilisaammi “Tuugaalik”-mmi, tunisassiorfimmi “Igaffik”- mmilu ingerlanneqassalluni. Kilisaammi takornariartitsisoqarumaarpoq, tunisassiorfimmi meeqqat aalisartuusaartinneqarumaarput poortukkanik pinnatassartalinnik, inersimasunullu raajanik qalipaajaanermik sukkaniutitsisoqassaaq.

Unnuk kulturisiorfimmi paasisinnaasat ilagaat tunisassioriaatsip qanoq ingerlanneqartarnera, Maniitsumi Royal Greenlandip tunisassiorfiani fiskeriteknologitut atorfilik, Ungaaq Kreutzmann saqqummiissaaq taamatuttaaq Royal Greenlandimi ilinniarfiusinnaasut pillugit saqqummiisoqassalluni.

- Royal Greenlandimi ilinniarfissatut periarfissat suunerinik paasissutissanik annertunerusunik paasisassarsioriartoqarsinnaavoq, mannami suliffeqarfissuaq angisooq suliffinnik assigiinngitsunik periarfissanik amerlasuunik peqarpoq, Royal Greenlandimi sulisoqarnermi pikkorissaanermilu sulisoq, Tina Hansen oqarpoq.

Royal Greenland sinerissani

Uummannami Maniitsumilu Unnuk Kulturisiorfimmi aamma Royal Greenland ammajumaarput.

Uummannami nalunaaqutaq tallimaniit arfineq-marluk tungaanut ammajumaarpoq isertut normunik tunineqassapput naammassilernermilu normunik makitsisoqarumaarluni pinnatassartalinnik, meeqqanut inersimasunullu.

Maniitsumi aamma nalunaaqutaq arfinerniit unnukkut qulingiluat tungaanut Royal Greenland takornariarneqarsinnaavoq. Assigiinngitsunik eqqugassartalinnik unammisitsinerit eqqoriaatitsinerillu ingerlanneqarumaarput, tunisassiorfimmullu takornariarusuttut allatsissinnaapput taakkulu januaarip 29-ani tunisassiorfiup ammanerata nalaani takornariartinneqassapput.

Royal Greenlandimi Unnuk Kulturisiorfimmi pilersaarut uani takuneqarsinnaavoq

Allattoq: Marie Kuitse Kristensen, mkri@royalgreenland.com

Assit: Royal Greenland

Asseq

 
 

Royal Greenland aperiguk

i
Write the text from the image