Royal Greenlandip kapisillit Norgemeersut atorlugit tunisassiat Kalaallit Nunaanni sooq niuerutigisarnerai apeqqutigineqarluni Royal Greenlandip Facebookianut allattoqartarpoq.

Royal Greenlandip Kalaallit Nunaanni tunisassiai amerlanerpaartaat Kalaallit Nunaanni nioqqutigineqartussatut naleqqussarlugit tunisassiaapput, taakkulu Kalaallit Nunaanni aalisagartarineqarlutillu poortorneqartarput. Tamatuma saniatigut Royal Greenland nunani allani tunisassianik Kalaallit Nunaannili inaarsarlugit tunisassiaralugit poortukkanik pisisartunut Kalaallit Nunaanniittunut neqerooruteqartarpoq. Tamatumunngalu atatillugu kapisillit Norgemeersut pujuukkat assersuutigineqarsinnaapput, pisariillisaajumallunilu Kalaallit Nunaanni tunisassiat puuisa assingi atorlugit poortorneqartarput, taakkulu puui ersarissumik nassuiaatitaqartarput kapisillit Norgemeersut atorlugit tunisassiaasut.

Inuppaaluit apeqqutigaat sooq Royal Greenland kapisillit Norgemeersut atorlugit tunisassianik niueruteqarani kapisillit Kalaallit Nunaanneersut atorlugit tunisassianik niueruteqartannginnersoq. Kalaallit Nunaanni ukiut tamaasa kapisilittassiissutigineqartartut katillugit 45 tonsiusarput, taakkulu sunngiffimmi inuussutissarsiutigalugulu aalisartunut kapisilittaminnillu soorlu Kalaallit Nunaanni niuertarfeqarfinnut mamartuliaarniarfiutiminni tuniniaaqqittartunut toqqaannartumik tuniniaasinnaasunut agguataarneqartarput. Royal Greenland kapisilinnik Kalaallit Nunaanneersunik tunitsivigineqarnissaminut tuniniaanissaminullu akuersissuteqanngilaq.

Royal Greenlandip tunisassiat Kalaallit Nunaanni poortorneqartartut saniatigut tunisassiat assigiinngitsut arlallit nunani allani niuerfinnut niuerutigisartakkani Kalaallit Nunaanni aamma niuerutigisarpai. Tamatumani nioqqutissat naammaseriikkat qallunaatut allannilinnik nassuiaatitallit niuertarfinni nioqqutigineqartartut assersuutigineqarsinnaapput, taakkulu piumaneqarluartarput.

Asseq

 
 

Royal Greenland aperiguk

i
Write the text from the image