Igasutut ilinniartutut igaffimmi ingerlatsisoq aamma nerisassalerinermi sullisseriaatsinik ikiorti suleqatigalugit sulisut 100-nit amerlanerusut Royal Greenland A/S-ip Nuummi qullersaqarfiata nerisarfiani ulluinnarni nerisassiuuttassavatit.

Nuummi Royal Greenlandip igaffiani igasutut ilinniartussamik ilinniakkamik pimoorussilluarluni ingerlatsisumik, aalajaatsumik, suliaminik soqutiginnilluartumik suleqateqallaqqissumillu igasunngorniartussarsiorpugut.

Paasissutissat ilinniakkamut tunngasut

Igasoq nerisassiornermik suliaqartarpoq. Nerisassiassat qaffasissumik pitsaassusillit, nerisassiorneq, nerisassanik sassaalliuteqarneq kiisalu nerisanut iggisit igasunngorniat ilinniarfianni ilinniartitsissutigineqartarput.

Nerisassiuussat mamartunik nerisaqartikkusullugit sulinermi mamartunik nerisassiorsimanissaq aamma pingaaruteqarpoq. Taamatuttaaq igasunngorniarninni pisiortorneq nerisassiuussanullu sullissineq ukkataralugit ilinniartussaavatit. Igasut neriniartarfiit igaffiini angisuuni mikisuniluunniit sulisinnaapput, imaluunniit suliffeqarfimmik soorlu nerisassanik aatsisartumik pilersitsisinnaapput.

Igasunngorniarnermi peqqinneq, inuussutissat nerisassiornerlu tunngaviusumik ilinniartitsissutigineqartarput. Nerisassat sassaalliutissat pillugit pilersaarusiorsinnaallutillu imeruersaatit ilisimasaqarfigissavatit. Nerisassiuussanut sullissineq suleqateqarnerlu aamma ilinniassavatit.

Ukiuni marlunniit sisamat angullugit sivisussusilimmik ilinniarninni mamartulianik nerisassiornermi ikiortinngorsinnaavutit, nerisassalerinermi sullisseriaatsinik ikiortinngorsinnaavutit imaluunniit igasunngorsinnaavutit.

  • Mamartulianik nerisassiornermi ikiortitut ilinniarneq: Neriniartarfimmi nutaaliaasumi suliassanik tamanik aalajangersimasumik periuseqarluni suliarinneq ilinniassavat.
  • Nerisassalerinermi sullisseriaatsinik ikiortitut ilinniarneq: Nerisarfiit igaffiini nerisassiorneq nerisarfinnilu nerisassanik sassaalliineq ilinniassavatit.
  • Igasutut ilinniarneq: Pisiortornermut, uninngasuuteqarnermut nerisassiornermullu pilersaarusiorneq ilinniassavat. Nerisassioriaatsit assigiinngitsut nerisassiassanillu akoorineq ukkataralugit aallutissavatit imeruersaatillu ilinniassallugit.

Suliffik igasunngorniartumik inuttassarsiuussarput pillugu paasisaqarnerorusukkuit igaffimmi ingerlatsisumut Sune Bjerremut sianerlutit allallutilluunniit saaffiginninnissannut tikilluaqqusaavutit: +299361317, subj@royalgreenland.com

Igasutut ilinniartunngorusukkuit qinnuteqaatit uunga nassiussinnaavat ilinniartoq@royalgreenland.com.

Ulloq qinnuteqarfissaq kingulleq: Apriili 12-aat 2018.

Ulloq suliffimmik misiliilluni aallartiffissaq: Tuaviornerpaamik

Asseq

 
 

Royal Greenland aperiguk

i
Write the text from the image